校規

九月 一 日 係 開學日 。 早會 嘅 時候 ，學生 一 個 跟 一 個 噉 喺 學校 操場 排隊 。 老師 逐一 檢查 佢 哋 嘅 校服 ，睇 下 佢 哋 有 冇 整理 好 儀容 。 呢 間 學校 係 名校 ，校規 好 嚴 ，學生 犯 校規 就 要 受罰 ，所以 每 個 學生 都 好 聽話 ，唔 敢 做 學校 唔 允許 嘅 事 。

完 咗 早會 ，欣欣 就 跟 住 同班 同學 上 班房 。 班房 入面 有 一 個 佢 未 見過 嘅 老師 ——原來 佢 姓 高 ，係 新 嚟 嘅 訓導 主任 ，亦 係 欣欣 嘅 班主任 。 佢 個 樣 好 惡 ，欣欣 有 啲 怕 佢 ……不過 欣欣 一向 都 好 聽話 ，應該 唔 會 俾 佢 鬧 嘅 ！

欣欣 同 其他 同學 一 坐低 ，高 老師 就 即刻 教書 。 佢 喺 黑板 上面 寫 咗 好多 句 句子 ，叫 同學 每 個 字 抄 十 次 ，仲 話 聽日 就 要 背默 ，唔 合格 就 要 留堂 。

有 同學 問 ，點解 開學 第 一 日 ，都 未 識 其他 同學 就 要 開始 教書 。 「學生 返學 係 要 學習 ，唔 係 識 朋友 。」 高 老師 仲 唔 畀 學生 問 問題 質疑 老師 ：「因為 老師 係 唔 會 錯 嘅 ，學生 只要 專心 聽書 就 夠 。」

呢 個 時候 ，坐 欣欣 隔籬 嘅 思思 發現 高 老師 啲 字 好多 都 寫 少 咗 幾 筆 ，於是 舉手 講出 個 問題 。 高 老師 聽到 之後 好 嬲 ，咁 啱 佢 見到 思思 書包 入面 有 盒 餅乾 ，就 當場 沒收 咗 佢 ，仲 話 ：「以後 邊個 唔 聽話 ，邊個 就 要 受罰 ！ 」思思 即時 「哇 」一 聲 喊 咗 出 嚟 ，其他 同學 都 唔 敢 再 出 聲 。

有 一 日 ，高 老師 教 大家 畫畫 。 佢 要求 所有 同學 都 畫 一 張 一樣 嘅 畫 ，上面 要 有 紅色 太陽 、藍色 河流 同 綠色 山 。 不過 欣欣 嘅 朋友 小明 覺得 太陽 應該 係 黃色 嘅 ，於是 用 咗 黃色 筆 嚟 畫 。 結果 小明 同 思思 一樣 ，俾 高 老師 狠狠 鬧 咗 一 餐 ，事後 仲要 罰 留堂 。 從此 班上 同學 都 唔 夠膽 唔 聽 高 老師 話 ，每 日 返學 都 小心翼翼 ，驚 做 錯 事 會 俾 佢 鬧 。

後來 ，班上 嚟 咗 一 位 新 同學 ，佢 叫 小光 ，係 一 位 插班生 。 佢 身 穿 紅色 短裙 ，頭上 紥 咗 條 高 馬尾 。

高 老師 馬上 同 佢 講 ，返學 要 着 校服 ，頭髮 唔 可以 紥 到 散修修 。 而且 ，要 聽 晒 老師 話 。

嗰 日 午飯 時間 ，欣欣 同 其他 同學 都 勸 小光 要 聽 高 老師 話 ：「佢 好 惡 㗎 ！ 」「係 呀 ！ 仲有 咪 亂 問 問題 呀 ，一 個 唔 小心 就 要 受罰 㗎 喇 ！ 」小光 覺得 好 奇怪 ：有 問題 點解 唔 問 得 ？

第二 日 ，小光 真 係 着 返 校服 ，紥 返 好 條 辮 先 返學 。 不過 佢 喺 數學 堂 發現 高 老師 計 錯 數 ，於是 舉手 講 畀 老師 聽 。 高 老師 好 嬲 ，就 罰 佢 午飯 要 自己 一 個 入 特別 課室 食 ，唔 可以 同 其他 同學 傾 偈 。 午飯 嗰 陣 ，佢 自己 一邊 食飯 ，一邊 苦思 自己 做 錯 咗 啲 咩 。 其他 同學 喺 窗口 見到 小光 自己 一 個 ，覺得 佢 好 慘 。

諗 咗 一 輪 ，小光 都 係 覺得 自己 冇 錯 ，有 問題 就 應該 問 ！ 於是 佢 繼續 舉手 問 高 老師 問題 。 其他 同學 聽到 小光 繼續 勇於 發問 ，自己 又 有 好多 嘢 想 問 喎 ，於是 舉手 問 問題 嘅 人 越 嚟 越 多 ！

高 老師 好 嬲 ，佢 將 發問 嘅 同學 全部 趕 出 班房 。 班房 入面 得 返 好 少 學生 ，佢 哋 全部 都 唔 敢 再 出 聲 ，只好 靜靜 地 聽 老師 教書 。 其實 欣欣 都 有 嘢 想 問 ， 但 係 眼見 同學 仔 一 個 一 個 受罰 ，佢 內心 好 掙扎 。 最後 ，欣欣 忍唔住 舉手 問 ：「老師 ，點解 佢哋 問 問題 要 受罰 嘅 ？ 」

就係噉 ，連 欣欣 都 俾 高老師 趕 埋 出 班房 。 終於 ，班房 入面 除 咗 高 老師 ，再 冇 其他 聲音 。 高 老師 覺得 好 開心 ，因為 再 冇 人 夠膽 唔 聽 佢 話 。

與此同時 ，班房 外面 嘅 同學 都 仲未 放棄 問 問題 ，佢 哋 圍埋 一齊 討論 各自 想 知道 嘅 事 。 佢 哋 越 講 越 興高采烈 ，欣欣 而家 先 知 同 其他 人 討論 問題 係 一 件 咁 開心 嘅 事 。

另一邊 廂 ，校長 喺 佢 哋 背後 偷聽 緊 佢 哋 講 嘢 ……

落堂 鐘響 ，高 老師 出 班房 ，意外 見到 班 學生 喺 度 圍住 校長 問 問題 ！ 佢 諗住 過去 鬧 班 學生 ，點知 發現 校長 竟然 喺 度 逐一 解答 緊 佢 哋 嘅 問題 ！

之後 高 老師 冇 再 喺 學校 出現 。 而 小光 就 做 咗 班長 ，欣欣 同 班 同學 成日 揾 佢 傾 偈 。 雖然 佢 哋 問題 天天 都 多 ，多 到 可以 出 本 《 十萬 個 為 什麼 》 ， 但 係 佢 哋 都 會 逐一 去 討論 ，去 解決 ，校園 生活 從此 多姿多彩 ！