犀利 婆婆

婆婆 買 咗 青青 最 鍾 意 食 嘅 炒 栗子 ，青青 好 開心 ，仲 同 婆婆 一齊 食 咗 幾 粒 。 之後 佢 哋 一齊 去 揾 巴 婆婆 同 青青 嘅 好 朋友 ——巴仔 飲茶 。

巴 婆婆 一 家 係 喺 印度 嚟 嘅 ，佢 哋 一 家 都 好 香 㗎 ，唔 知 係 用 咩 香水 呢 ？ 青青 好 好奇 ，不過 佢 次次 都 唔 記得 問 。

晏晝 ， 青青 同 婆婆 返 到 屋企 ， 諗 住 繼續 食 炒 栗子 ， 點知 碟 上面 嘅 栗子 冇 晒 啊 ！

究竟 係 邊個 食 晒 啲 栗子 ？

「唔通係 狗仔 小旺 做 嘅 ？」 青青 估 。

小旺 最 鍾意 食 食 食 ，一定 係 佢 ！

「但係 ，如果 係 小旺 食咗 嘅 話 ，實 會 搞到 一地 都 係 栗子 殼 㗎 喎 ？」 婆婆 話 。

「係 公公 ？ 但 係 公公 冇 晒 牙 㗎 啦 喎 ⋯⋯係 狸貓 仔 ？」 青青 估 。

狸貓 仔 係 巴仔 喺 天台 揾 到 嘅 小 動物 ，巴仔 同 佢 做 咗 好 朋友 ，不過 狸貓 仔 好 鍾 意 偷 廚房 啲 嘢 食 。

但 係 啲 栗子 咁 多 ， 狸貓 仔 咁 細 隻 ，又 點 偷 得 晒 ？ 究竟 係 邊個 食 咗 啲 栗子 呢 ？

「我 有 辦法 ！」 婆婆 突然 講 ：「我哋 可以 整 三 個 陷阱 嚟 捉 賊 ！」

「不過 ，首先 我 哋 要 有 多啲 栗子 嚟 做 陷阱 喎 。」 婆婆 帶 青青 入 廚房 。

「乜啲 栗子 唔係 食晒 喇 咩 ？」 青青 問 。

「我 靜 雞雞 收起 咗 一 啲 栗子 ，本來 諗住 今晚 肚餓 食 嘅 。」

青青 聽到 之後 ，對 眼 即刻 發 晒 光 ，口水 都 流 埋 ！

婆婆 帶 住 青青 ，喺 廚房 、大廳 同 公公 張 梳化 度 ，用 籃 、紙箱 、膠桶 同 相機 做 咗 三 個 陷阱 ，希望 可以 揾 到 係 邊個 食 咗 啲 栗子 。

幾 個 鐘 後 ，青青 突然 叫住 噉 走 去 揾 婆婆 ：「啲 栗子 唔 見 晒 啊 ！」

婆婆 跟 住 青青 行出 大廳 ， 喺 籃 入面 見 唔 到 狸貓 仔 ， 紙箱 下面 見 唔 到 小旺 ， 相機 都 冇 出 相紙 ， 但 係 啲 栗子 就 唔 見 晒 。

究竟 係 邊個 食 晒 啲 栗子 啊 ？

婆婆 諗 咗 一陣 。

突然 ，婆婆 指 住 青青 ：「啊 ！ 我 知 啦 ！ 係 你 ！」

青青 開始 心虛 ，唔 敢 正 眼 望 婆婆 ……

「呢啲 陷阱 淨係 得 你 知 點 整 ，一定 係 你 搞掂 晒 啲 陷阱 ，再 食 晒 啲 栗子 ！」

「 呀 …… 因為 啲 栗子 實在 太 好食 ， 我 忍 唔 住 就 …… 」 青青 細細 聲 講 。

婆婆 摸 咗 吓 青青 個 頭 ， 笑 住 話 ：「想 食 咪 同 我 講 囉 ！ 不過 栗子 食 太 多 對 腸胃 唔 好 ， 不如 我 哋 將 剩低 嘅 栗子 分 畀 巴 婆婆 ， 等 佢 哋 都 試 吓 香港 嘅 街頭 小食 吖 ？ 」

「好啊 ！ 噉 不如 請 埋 巴仔 食 煨 蕃薯 、燒賣 同 魚蛋 吖 ？」 青青 答 。

等 到 婆婆 同 青青 出 返 大廳 ，點知 ......檯 上面 嘅 栗子 又 唔 見 咗 ！

「㗩㗩㗩 ……」喺 呢 個 時候 ，房 入面 傳出 食 嘢 聲 ……原來 係 冇 晒 牙 都 唔 執輸 嘅 公公 、仲有 小旺 同 狸貓 仔 一齊 偷食 緊 栗子 啊 ！