唔 怕 夜晚 黑

我 怕 夜晚 黑 。

當 四圍 變得 又 靜 、又 黑 鼆鼆 嘅 時候 ，就 可能 會 有 怪物 出現 嚟 對付 我 。 有 媽咪 喺 旁邊 ，我 先 可以 瞓 得 著 。

但 係 媽咪 嚟 緊 夜晚 要 返 醫院 做 嘢 。 佢 特登 申請 放 一 日 假 ，同 我 去 長 洲 玩 。

媽咪 帶 我 去 到 一 個 有 好多 石頭 嘅 地方 ，我 哋 踩 住 幾 嚿 大石 行 落 地底 。 嗰 度 有 一 個 窿 ，裏面 好 黑 ，比 夜晚 更加 黑 。 我 拉 住 媽咪 唔 想 行 入去 ，佢 話 ：「有 陽光 喺 你 後面 ，又 有 我 行 喺 前面 ，唔 使 怕 㗎 。」

窿 入面 好 靜 ，我 聽 到 自己 個 心 跳 得 好 快 ，就 捉 實 媽咪 繼續 向 前 行 。 冇 幾耐 ，前面 變得 好 光 。 媽咪 話 我 哋 已經 嚟 到 窿 嘅 另 一 邊 ，爬 上去 就 係 出口 。 佢 又 話 ，呢 個 窿 叫做 「張保仔 洞 」。

夜晚 準備 上船 嘅 時候 ，媽咪 叫 我 𩓥 高 頭 望 下 。 天空 上面 佈滿 星星 ，我 問 ：「點解 平時 冇 咁 多 星星 嘅 ？ 」

媽咪 話 ：「因為 香港 夜晚 有 太 多 燈 著住 ，燈光 掩蓋 咗 星星 嘅 微光 ，即係 人 哋 講 嘅 光 污染 。 呢 度 係 離島 ，冇 呢 個 問題 。」

我 第 一 次 覺得 夜晚 黑 係 咁 靚 。

之後 ， 媽咪 夜晚 唔 喺 度 ， 婆婆 嚟 睇 住 我 。 我 眼光 光 ，婆婆 問 我 做 咩 事 唔 肯 瞓覺 。

我 話 我 怕 黑 ，冇 媽咪 陪住 會 瞓 唔 著 。

婆婆 指 住 窗邊 ，話 ：「你 數 下 附近 有 幾多 盞 開 住 嘅 燈 ？ 」

一 、二 、三 、四 、五 、六 、七 、八 ⋯⋯ 我 數 唔 曬 ，有 好多 盞 燈 著 住 呀 ！

「出面 有 幾多 盞 燈 開住 ，就 有 幾多 個 人 同 你 一樣 未 瞓覺 。 黑鼆鼆 嗰陣 ，喺 你 身邊 一定 仲 有 光 ，即使 可能 好 微弱 ⋯⋯」

「好似 星星 噉 ？ 」

「 好 聰明 呀 。 除 咗 星星 ， 呢 度 仲 有 好多 人 陪住 你 ， 包括 返緊 工 嘅 媽咪 。 時間 會 過渡 ， 黑 鼆鼆 之後 ，朝早 點 都 會 嚟 ，周圍 又 會 光 返 晒 。 所以 —— 」

所以 ，夜晚 黑 一 啲 都 唔 可怕 ！