頭部 受傷

（偉俊 同 志明 打緊 羽毛球 ）

偉俊 ：睇住 我 呢個 殺波 ！

志明 ：哎呀 ！ （救波 時 唔小心 ，個頭 撞到 場邊 長櫈 ）

志明 ：（額頭 腫起 ）好 痛 呀 ...…

偉俊 ：你 點 呀 ？ （望住 佢 個 頭 ）腫 晒 喎 ，我 去 問 下 體育館 啲 人 有冇 冰袋 可以 敷 下先 。

（偉俊 攞 完 冰袋 返 嚟 之後 ，用 毛巾 包住 冰袋 敷 喺 腫 嘅 位 ）

偉俊 ：我 打畀 你 家姐 ，睇 下 佢 嚟 唔 嚟到 接 你 走 。

…...

偉俊 ：係 喎 志明 ，你 呢 次 考試 點 呀 ？

志明 ：數學 唔 太 好 ，其他 都 OK 啦 。

偉俊 ：聽日 老師 話 要 帶 新書 返 學校 ，記得 喇 。

（偉俊 不停 同 志明 傾計 ）

…...

偉俊 ：你 家姐 到 咗 喇 。

家姐 ：你 個 頭 做 咩 腫 到 噉 呀 ..…

偉俊 ：志明 頭先 唔 小心 ，個 頭 撞 到 場邊 長 櫈 ，已經 用 咗 冰袋 敷 腫 個 位 。 如果 返到 屋企 ，志明 意識 唔 清醒 、頭暈 、頭昏腦脹 嘅 話 ，就 打 999 去 醫院 啦 。

家姐 ：唔 該 晒 你 呀 。

偉俊 ：當 有 人 撞 親 個 頭 嘅 時候 ，應該 即刻 用 毛巾 或者 衫 包住 冰凍 嘅 嘢 敷 腫起 嘅 位 ，噉 樣 可以 無 咁 痛 同埋 消腫 。 另外 ，應該 繼續 同 傷者 傾計 ，以 確保 佢 意識 清醒 ，如果 有 意識 唔 清醒 、頭暈 、頭昏腦脹 呢啲 情況 ，就 要 立即 打 999 去 醫院 睇下 。