生果 有 核

阿加 同 小玲 好 鍾意 揾 多多 玩 。 多多 係 一 隻 看管 森林 嘅 牧羊犬 ，佢 每 次 見到 阿加 同 小玲 ，都 會 帶 佢哋 四圍 睇 下 。

多多 帶 佢哋 去 到 一 棵 樹 下面 ，叫 佢哋 摘 啲 生果 拎 返 屋企 食 。 小玲 趷高 腳 、舉起 手 就 摘到 樹 上面 纍纍 嘅 果實 。 阿加 就 隨手 執起 熟 到 跌 咗 落 地 嘅 果實 ，好 心急 噉 咬 咗 一 啖 ——

「咳咳 ……」阿加 濁親 ，然後 𦧲 咗 粒 嘢 出嚟 。 佢 流 晒 眼水 噉 話 ：「呢 粒 咩 嚟 㗎 ？ 爭啲 哽 死 我 啦 ！」

多多 走嚟 望 下 阿加 手上 嗰 粒 嘢 ，就 話 ：「呢 粒 係 核 呀 。」

小玲 問 ：「核 係 咩 嚟 㗎 ？ 食 唔 食得 㗎 ？」

多多 話 ：「個個 果實 都 有 核 㗎 。 你哋 平時 食 嘅 生果 ，入面 都 會 有 核 ，有啲 食得 ，有啲 唔 食得 。」

「好似 香蕉 噉 ，佢 啲 核 本身 就 細細 粒 又 唔 硬 ，收埋 喺 香蕉 軟 腍 腍 嘅 肉 入面 ，人 食 咗 都 唔 知 。

「又 或者 小玲 你 手上 嘅 蘋果 ，通常 都 會 有 個 蘋果 芯 去 包住 啲 核 ，個 芯 食 落去 比 蘋果 肉 酸 啲 。 蘋果 嘅 核 都 幾 大 粒 㗎 ，口感 同 味道 係 硬硬 哋 、苦苦哋 噉 嘅 。」

小玲 問 ：「點解 生果 咁 好味 ，但係 要 有 啲 咁 唔好食 嘅 核 喺 入面 嘅 ？」

多多 話 ：「核 即係 植物 用嚟 繁殖 嘅 種子 。 如果 植物 結果 嘅 時候 ，入面 冇 種子 俾 佢 散播 去 第二啲 地方 ，植物 就 唔會 有 重生 嘅 機會 。 而家 佢哋 有 核 可以 散播 開去 ，加埋 足夠 嘅 養份 ，例如 泥土 、空氣 、水 同 陽光 ，佢哋 就 可以 再次 發芽 生長 。

「就 好似 你哋 手上 嘅 生果 ，啲 核 我哋 食 完 就 掉 落 地 。 然後 佢 會 喺 特定 嘅 環境 下 長苗 、開 好 靚 嘅 花 ，再 變成 果樹 ；到 特定 季節 就 會 結出 果實 ，吸引 人 、動物 或者 昆蟲 去 食 。

「只要 有 一 粒 核 ，幾 細粒 都 可以 長成 大樹 。 喺 你哋 面前 嘅 呢 棵 樹 ，本身 都 係 埋 喺 地下 嘅 一 粒 小 種子 ，慢慢 至 變 到 依家 咁 大 棵 。 唔好 睇小 食 生果 呢個 動作 ——啲 樹 可以 生 到 咁 大 棵 ，都 係 靠 我哋 咋 ！ 」