冇 反應 冇 呼吸

冇 反應 冇 呼吸

場景 ：家

偉俊 ：嫲嫲 ，我 返 嚟 喇 ！

（冇 人 應聲 ）

偉俊 ：（四處 張望 ）唔 應 我 嘅 ？ 唔 通 出 咗 去 ？ 嫲嫲 ！

（發現 嫲嫲 倒卧 喺 地上 ，面色 蒼白 ，冇 呼吸 ，胸口 冇 起伏 ）

偉俊 ：（衝埋 去 ）嫲嫲 ！ 嫲嫲 ！ （搖 佢 膊 頭 ）你 聽 唔 聽 到 我 講 嘢 呀 ？

（鄰居 姨姨 經過 門口 ，聽到 叫聲 ）

姨姨 ：（拍門 ）偉俊 ，發生 咩 事 呀 ？

偉俊 ：（大叫 ）嫲嫲 瞓 咗 喺 地下 ，面色 蒼白 ，冇 呼吸 ，叫 佢 冇 反應 呀 ！

姨姨 ：唔 好 緊張 ，我 有 學過 急救 ，你 開門 俾 我 入 嚟 幫 嫲嫲 啦 。

（開門 ）

（姨姨 用 十 秒 時間 檢查 頸 動脈 脈搏 ，同時 觀察 胸口 起伏 以 檢查 呼吸 ）

姨姨 ：偉俊 ，立即 打 999 叫 救護車 。 同埋 打 去 管理處 叫 佢 哋 攞 部 自動 體外 心臟 去 顫器 上 嚟 。

（姨姨 打開 嫲嫲 件 衫 做 心外 壓 ）

（救護 員 到場 接手 繼續 進行 心外 壓 ）

救護員 ：婆婆 係 你哋 邊個 呀 ？

姨姨 ： 我 係 鄰居 ， 呢 個 係 佢 個 孫 。

救護 員 ：有 冇 婆婆 身份證 喺 度 呀 ？ 同 佢 登記 返 資料 。

偉俊 ：（遞 上 身份證 ）有 呀 。

救護 員 ：幾時 發現 佢 失去 意識 㗎 ？ 最後 見到 佢 冇 事 係 幾時 呀 ？

偉俊 ：頭先 四點 半 鐘 放學 返 嚟 就 見到 佢 瞓 咗 喺 地下 ，冇 呼吸 ，冇 反應 。 今朝 出 門口 返學 之前 佢 話 心口 有 啲 唔 舒服 。

救護 員 ：佢 有冇 咩 長期 疾病 ，例如 高血壓 、糖尿病 、心臟病 ，或者 曾經 中過 風 ？

偉俊 ：佢 有 高血壓 。

救護 員 ：可 唔 可以 俾 我 睇 下 佢 平時 食開 嘅 藥 呀 ？

偉俊 ：（遞 藥 ）呢 度 。

（救護 員 將 嫲嫲 送往 醫院 ）

偉俊 ：當 發現 有人 倒卧 地上 ，叫 佢 冇 反應 ，並且 冇 呼吸 嘅 時候 ，應該 立即 搵 人 幫手 ，打 999 叫 救護車 ，同埋 盡快 進行 心外 壓 ，救護 員 到場 後 同 佢 哋 交待 事發 經過 。