懶 叔叔

「鈴鈴 ！ 」美美 同 信信 即刻 跑 去 門口 開 門 。

「係 叔叔 呀 ！ 」兩 個 人 一齊 撲 上去 攬住 叔叔 。

叔叔 成日 都 帶 好多 禮物 送 畀 兩 個 小朋友 ，美美 同 信信 都 好 鍾意 叔叔 。

但 叔叔 有 樣 嘢 唔 好 ，就 係 懶 。 佢 成日 坐 喺 梳化 睇 書 、睇 電視 、瞓覺 ，乜 都 唔 做 。

呢 日 媽媽 忍唔住 問 叔叔 ：「你 到底 坐 夠 未 ？ 」

叔叔 望 一 望 媽媽 ，笑笑 口 噉 話 ：「差唔多 啦 。 聽日 我 就 要 上山下海 同 睇 老虎 喇 。」

「講笑 你 就 識 ！ 」媽媽 都 冇 佢 咁 好氣 。

第 二 日 ，叔叔 一 個 人 坐 喺 梳化 上 自言自語 ：「嘩 ！ 好 靚 呀 ！ 喂 ！ 咪 埋 嚟 呀 ！ 」

美美 同 信信 聽 到 ，就 去 睇 下 發生 咩 事 。

原來 叔叔 戴 咗 副 好 大 嘅 黑色 眼鏡 。

美美 拍拍 叔叔 ，問 ：「呢 副 係 咩 眼鏡 嚟 㗎 ？ 」

叔叔 就 除低 眼鏡 畀 美美 試戴 。

眼鏡 好 黑 ，美美 咩 都 睇 唔 到 。 然後 叔叔 撳 咗 一 個 掣 ……

哇 ！ 美美 入 咗 海底 世界 呀 ！ 下面 有 魚 ，左邊 有 龜 ，右邊 仲 有 ……

「啊 ！ 」美美 大叫 咗 聲 ，係 好 大 嘅 鯊魚 ！

「我 又 要 睇 ！ 我 又 要 睇 ！ 」喺 美美 隔籬 嘅 信信 都 想 試下 副 眼鏡 。

「好 ，到 你 戴 。」 叔叔 幫 信信 戴 好 眼鏡 ，又 撳 咗 個 掣 。

「嘩 ，係 鹿 同 馬 騮 ！ 仲有 天鵝 喺 度 飛 ……」信信 睇 到 嘅 係 一 片 樹林 ，耳邊 仲 傳 嚟 好多 雀 仔 聲 。

「叔叔 救命 ！ 有 老虎 呀 ！ 」信信 突然 大 嗌 。

叔叔 搭 住 信信 膊 頭 ，笑 住 話 ：「唔 使 驚 ， VR 嚟 咋 ，你 不知 幾 安全 。」

「 VR ？ 」美美 問 。

「 VR 即 係 『 虛擬 現實 』 ， 即 係 唔 係 真 嘅 ， 但 整 到 好似 真 嘅 一樣 。 好似 睇 電影 ，啲 畫面 係 喺 我 哋 面前 ，只 係 我 哋 戴 咗 VR 眼鏡 ，感覺 就 好似 入 咗 電影 入面 噉 。」 叔叔 解釋 。

「點 呀 ？ 我哋 呢個 暑假 一於 一齊 入 VR 世界 探險 啦 ？ 」叔叔 問 。

「嗯 ……」信信 除低 眼鏡 諗 咗 陣 ，就 話 ：「但 我 都 係 鍾 意 真實 世界 多 啲 。」

「吓 ？ 點解 呀 ？ 」叔叔 問 。

「我哋 不如 出去 摘 香蕉 啦 ！ 當造 呀 ！ 」信信 拉 住 叔叔 出門 。 「我 又 要 食 香蕉 ！ 」美美 跟住 追 出去 。

就係噉 ，叔叔 最愛 嘅 梳化 今日 終於 都 變成 「空櫈 」喇 。