謊言

夜晚 ， 小 成 挨住 媽媽 一齊 睇 天上 嘅 星星 。

「 媽媽 ， 你 知 唔 知 咩 係 『 謊言 』 啊 ？」 小 成 突然 開口 問 。

「知道 。」 媽媽 望 咗 佢 一 眼 ， 問 佢 ：「 點解 你 會 噉 問 嘅 ？」

「 今日 放學 我 想 同 小新 一齊 去 公園 玩 ， 但 係 佢 話 佢 唔 想 玩 ， 拒絕 咗 我 。」 小 成 冇 直接 回答 媽媽 ， 而 係 講 咗 一 個 故事 ：「 不過 我 頭先 同 你 出 街 嘅 時候 ， 親眼 見到 佢 自己 一 個 喺 公園 度 打 韆 鞦 ……」

小 成 有 啲 唔 開心 ：「 媽媽 ， 呢 啲 係 咪 就 叫做 『 謊言 』 啊 ？ 佢 今日 係 咪 …… 講 大話 呃 我 呀 ？」

媽媽 解釋 ： 「 今日 小新 媽媽 病 咗 ， 但 係 小新 好 乖 ， 一 放學 就 返 屋企 陪 佢 ， 直到 佢 爸爸 返 咗 嚟 ， 佢 先至 落 去 公園 玩 。 」

媽媽 同 小 成 耐心 噉 講 咗 小新 「 說謊 」 嘅 原因 之後 ， 問 佢 ：「 噉 你 覺得 ， 小新 係 咪 做 得 唔 啱 呀 ？」

小 成 點 下 頭 ， 又 搖頭 ：「 我 唔 知道 ……」

「 點解 嘅 ？」

「 因為 …… 我 覺得 小新 噉 做 冇 錯 ， 但 佢 話 佢 唔 想 玩 ， 係 講 大話 ， 所以 又 有 錯 。」 小 成 第 一 次 覺得 ， 要 分 清楚 一 件 事 啱 唔 啱 並 唔 容易 。

「 阿仔 ， 有時 有 啲 嘢 ， 並唔 係 好似 黑 、 白 咁 分明 ， 中間 仲 有 啲 灰色 位置 。」 媽媽 知道 佢 聽 唔 明 ， 所以 又 講 多 次 ：「 即 係 話 ， 有 啲 嘢 未必 一定 係 啱 晒 或 錯 晒 㗎 。」

「 但 係 老師 話 『 說謊 』 就 係 錯 喎 ……」

媽媽 笑 咗 一下 ：「 係 呀 ， 老師 都 冇 講 錯 。」

「 吓 ， 我 唔 明 喎 ……」 小 成 個 樣 好 苦惱 ：「 咁 即 係 老師 教 嘅 ， 係 啱 定 唔 啱 ？」

「 老師 教 嘅 係 基本 道理 。」 媽媽 攞 咗 一 個 木框 ， 喺 角落 放 咗 一 塊 藍色 拼圖 ：「 就 好似 呢 塊 拼圖 一樣 ， 佢 只 係 呢 幅 拼圖 嘅 其中 一 塊 ……」

跟 住 佢 隨便 攞 咗 另 一 塊 拼圖 拼 上去 ， 竟然 意外 合適 。

但 係 小 成 望 住 藍天 下 突然 出現 嘅 半 隻 眼 ， 覺得 有 啲 奇怪 ：「 媽媽 ， 呢 塊 拼圖 放 錯 咗 呀 ！」

「 唔 係 呀 ， 佢 同 前 一 塊 放 得 埋 一齊 喎 ？」

「 你 睇 下 先 ——」 小 成 指 住 包裝 盒 上 嘅 完成 圖 ：「 雖然 好似 係 啱 ， 但 係 無論 係 睇 相 定 係 常識 嚟 講 ， 隻 眼 都 應該 再 放 落 啲 ……」

媽媽 笑 咗 一 笑 ：「 噉 你 而家 明 啦 ？」

「 睇 嘢 要 全面 啲 ， 就 好似 小新 件 事 一樣 ， 你 『 知其一 ， 不知其二 』， 唔 知道 小新 要 照顧 姨姨 ， 先 會 因為 佢 講 大話 而 咁 嬲 。」 佢 摸 住 小 成 個 頭 ， 繼續 講 ：「 拼圖 都 係 噉 ， 要 將 自己 學到 嘅 嘢 結合 完整 嘅 圖 ， 跟 住 ——」

「 跟 住 我 要 自己 諗 啱 唔 啱 ？」

「 係 呀 ！」 媽媽 問 小 成 ：「 噉 你 而家 覺得 小新 係 啱 定 係 錯 啊 ？」

「 嗯 …… 噉 就 啱 多 啲 、 又 錯 少 少 啦 ！ 因為 佢 可以 誠實 話 畀 我 聽 ， 點解 佢 唔 可以 同 我 玩 㗎 嘛 。 我 哋 係 好 朋友 ， 我 唔 會 嬲 佢 㗎 。」