點解 ？

Aisha 係 一 個 好 鍾 意 玩 同 做 運動 嘅 女仔 ， 佢 最 鍾 意 踢波 。 對於 足球 ， 佢 有 好多 個 「 點解 」 ： 點解 踢波 冇 三分 波 ？ 點解 踢波 有 越位 ？ 點解 踢波 唔 准 用 手 ？ 點解 足球 個 波 咁 大 嘅 ？

而 佢 最 想 知 嘅 係 ， 點解 嚟 親 足球場 踢波 嘅 都 係 男仔 嘅 ？ Aisha 好 想 知道 呢 啲 問題 嘅 答案 ， 所以 開始 周圍 問 人 。

Aisha 試 過 問 朋友 呢 啲 問題 ， 不過 佢 哋 全部 都 唔 識 答 。 Aisha 又 試過 叫 朋友 仔 一齊 踢波 ，但 係 佢 哋 都 拒絕 。 Aisha 問 佢 哋 點解 唔 踢波 ， 佢 哋 就 話 要 做 功課 同 温書 。

Aisha 嘅 朋友 全部 都 好 勤力 ， 每 日 都 温 好 耐 書 。 Aisha 問 佢 哋 ， 點解 要 將 啲 時間 放 晒 落 學業 度 ， 不過 佢 哋 竟然 全部 都 答 唔 知道 。 Aisha 諗 返 起 上次 問 佢 哋 問題 ， 佢 哋 都 唔 識 答 。 Aisha 心入面 覺得 ， 呢 啲 問題 唔 會 得到 答案 ， 所以 佢 冇 再 問 其他 人 問題 。 於是 ， 佢 心 入面 積 埋 積埋 好多 「 點解 」 。

有 一 日 ， Aisha 喺 公園 坐 坐下 ， 突然 諗 起 嗰 啲 「 點解 」。 佢 發現 自己 仍然 好 想 揾 到 答案 ， 不過 唔 知 可以 向 咩 人 發問 。 喺 呢 個 時候 ， 佢 問 自己 ：「 點解 我 有 咁 多 點解 嘅 呢 ？」 可惜 ， 佢 發現 自己 都 唔 識 答 。

後來 ， 佢 揾 到 個 將 啲 「 點解 」 表達 出 嚟 嘅 方法 － 就 係 畫畫 ！ 佢 唔 知 點解 足球場 只有 男仔 踢波 ， 又 唔 知 點解 冇 女仔 肯 同 佢 一齊 踢波 ， 所以 佢 就 畫 咗 一 幅 男仔 女仔 一齊 踢波 嘅 畫 ； 佢 唔 知 點解 朋友 仔 淨 係 温書 ， 唔 同 佢 一齊 玩 ， 所以 就 畫 咗 幅 佢 同 朋友 一齊 玩 嘅 畫 。 漸漸 地 ， 佢 畫 咗 好多 畫 。

之後 ， 有 唔 少 人 睇 到 佢 嘅 畫 。 有人 問 佢 ：「 點解 男仔 女仔 一齊 踢波 嘅 ？」 「 點解 咁 多 幅 畫 都 係 你 喺 度 玩 嘅 ？」 「 點解 你 畫 咁 多 畫 ？」 面對 呢 啲 問題 ， Aisha 都 會 問 返 佢 哋 ：「 點解 唔 得 呢 ？」

越 嚟 越 多 人 問 Aisha「 點解 」， Aisha 發現 原來 唔 止 佢 一 個 有 咁 多 「 點解 」。 雖然 佢 唔 識 答 晒 每 一 條 問題 ， 但 係 對 佢 哋 問 嘅 「 點解 」 都 非常 好奇 。 佢 明白 到 ， 世界 上 仲 有 好多 未 知 嘅 事物 ， 佢 依然 有 好多 「 點解 」。 同 之前 唔 同 嘅 係 ， 佢 唔 再 因為 怕 人 哋 唔 識 答 ， 而 唔 敢 問 「 點解 」。

於是 ， 佢 又 開始 向 好多 人 問 「 點解 」， 例如 成日 上堂 問 老師 。 差 唔 多 每 堂 課 ， 佢 都 會 舉手 發問 ， 學校 入面 每 個 老師 都 俾 佢 問 過 「 點解 」。 如果 老師 解答 到 佢 嘅 問題 ， 佢 就 會 好 開心 ， 覺得 自己 又 學 到 一 樣 嘢 。

同 朋友 傾計 嗰 陣 ， Aisha 都 同樣 會 問 好多 「 點解 」。 唔 知 係 咪 受到 佢 影響 ， 佢 啲 朋友 仔 都 開始 會 喺 堂上 踴躍 問 「 點解 」， 佢 好 開心 。 就 係 噉 ， 佢 透過 對 唔 同 事物 嘅 「 點解 」 ， 畫 咗 好多 畫 ， 又 識 到 好多 朋友 ……