寵物

我 係 嘉瑩 ， 我 今日 就 六 歲 生日 喇 ！ 媽咪 好 錫 我 ，幫 我 搞 咗 個 生日 派對 。 媽咪 準備 咗 好多 嘢 食 ，仲 有 一 個 好 大 嘅 生日 蛋糕 。 我 邀請 咗 好多 同學 同 我 一齊 玩 ，佢 哋 都 話 會 嚟 同 我 慶祝 ，仲 話 會 送 生日 禮物 畀 我 添 ！ 唔 知 佢 哋 會 送 啲 咩 呢 ？ 不過 ，我 知道 媽咪 會 送 啲 咩 畀 我 做 生日 禮物 －就 係 我 一直 都 好 想要 嘅 寵物 ！ 我 好 鍾 意 動物 ，唔 知 媽咪 會 送 咩 寵物 畀 我 呢 ？

如果 係 大笨象 就 好 囉 ，噉 我 就 可以 騎象 返學 。 聽 同學 講 ，住 屯門 嘅 人 會 騎 牛 返學 返工 ，我 都 想 試下 。 不過 ，我 唔 係 住 屯門 ，又 冇 養 牛 ，所以 未 有 機會 。 但 如果 媽咪 送 隻 大笨象 畀 我 ，我 就 可以 騎 象 返學 喇 ！ 同學 仔 見到 ， 一定 好 羡慕 我 ！

但 係 ，大笨象 好似 行得 好 慢 嗰 喎 ，會 唔 會 令 我 遲到 呢 ？ 遲到 嘅 話 ，我 會 畀 老師 罰 ……

噉 不如 騎 犀牛 啦 ！ 犀牛 跑 得 快 ，肯定 唔 怕 會 遲到 。 但 係 佢 嘅 身體 好似 坦克車 咁 硬 ，跑 起上 嚟 可能 會 撞 爛 好多 嘢 ，會 連累 媽咪 要 賠錢 ……我 諗 ，犀牛 都 係 唔 好 。

況且 我 屋企 又 唔 夠 大 ，大笨象 同 犀牛 都 唔 可以 住 喺 度 。 睇 嚟 媽咪 唔 會 送 大笨象 或者 犀牛 畀 我 㗎 喇 ……

噉 會 唔 會 係 鱷魚 呢 ？ 但係 ，佢 好似 要 住 喺 多水 嘅 地方 ，噉 會 唔 會 霸住 沖涼房 呢 ？ 噉 樣 嘅 話 ，我 同 屋企 人 都 沖 唔 到 涼 ，好 唔 乾淨 喎 。 我 諗 ，鱷魚 都 係 唔 好 喇 。 要 睇 鱷魚 嘅 話 ，都 係 去 濕地 公園 揾 貝貝 啦 ！

唔 通 係 箭豬 ？ 佢 又 細 隻 ，又 唔 使 霸住 浴室 。 不過 ，佢 身上 啲 箭 好似 仙人掌 噉 ，會 拮 到 人 好 痛 。 萬一 我 唔 小心 掂 到 佢 ，可能 會 畀 佢 拮 傷 ，好 危險 。 我 諗 ，箭豬 都 係 唔 適合 做 寵物 。

點都 好 ，希望 媽咪 唔 好 送 臭 鼬鼠 畀 我 啦 ——因為 佢 哋 真 係 好 臭 啊 ！ 不過 ，媽咪 都 好 怕 臭味 ，所以 佢 應該 唔 會 送 臭鼬 鼠 嘅 ！

仲 有 我 最 驚 嘅 獅子 ！ 雖然 佢 哋 有 個 好 型 嘅 花名 － 「 萬獸之王 」， 不過 佢 哋 好 兇猛 ， 我 唔 敢 行近 佢 哋 。 而且 ，獅子 係 肉食 性 動物 ，萬一 我 唔 記得 餵 飽 佢 哋 ，後果 好 難 想像 ......

題外話 ：雖然 我 唔 敢 接近 獅子 ，不過 就 好 鍾意 行 獅子山 。

噉 唔通 係 蛇 ?我 記得 媽咪 話過 ，隻 寵物 會 成日 抱住 我 ——蛇 就 係 會 成日 圍住 啲 嘢 ，好似 抱住 佢 哋 噉 。 但係 ，我 怕 條 蛇 會 圍 得 太 大力 ，圍到 我 抖唔到 氣 ……同埋 ，如果 佢 啲 牙 有 毒 ，可能 會 令 我 受傷 。

數 嚟 數 去 ，好似 咩 動物 都 唔 啱 我 。 究竟 ，媽咪 會 送 咩 動物 畀 我 呢 ？

「汪 － 汪 － 汪 －」

咦 ！ 呢啲 吠聲 ，唔通 我 嘅 寵物 係 ……

係 狗 仔 ！ 係 一 隻 好 可愛 嘅 黑白 斑點狗 啊 ！ 雖然 佢 唔 可以 送 我 返學 ，但 佢 可以 陪 我 一齊 玩 ！ 而且 佢 細細 隻 ，可以 住 喺 我 屋企 。 仲有 ，佢 唔 會 傷害 我 ！ 媽咪 話 佢 叫 皮皮 ，叫 我 以後 要 多 啲 同 皮皮 一齊 玩 。

就係噉 ，我 日日 同 皮皮 一齊 走嚟走去 ，每一日 都 好 開心 。 我 愛 皮皮 ！