Saru 的 秘密

喺 某個 遙遠 嘅 國家 ，有 一 條 風景 優美 嘅 小 村莊 ，條 村 俾 山 圍繞 ，附近 仲 有 一 個 好 靚 嘅 湖泊 添 ！ 雖然 村 入面 住 嘅 人 唔 多 ，但 可以 自給自足 ，所以 佢 哋 每 日 都 生活 得 好 開心 ！

Saru 都 係 呢 條 村 嘅 村民 之一 ，佢 今年 九 歲 ，最 鍾意 就 係 放學 之後 去 村 附近 嘅 湖邊 玩 ，今日 都 唔 例外 。

「 Saru ！ 你 喺 湖邊 做 咩 呀 ？」 同學 喺 遠處 大叫 問 佢 。

Saru 就 大叫 答返 佢 哋 ：「我 捉緊 蜻蜓 呀 ！ 你哋 都 一齊 吖 ？」

遠處 嘅 同學 聽到 ， 唔 知 講 咗 啲 咩 ， 笑 住 噉 跑 走 咗 。

Saru 冇 介意 ，佢 覺得 自己 一 個 玩 都 好 開心 ，所以 佢 冇 再 叫 住 啲 同學 ，而 係 繼續 玩 佢 嘅 「捉 蜻蜓 」遊戲 。

突然 ，佢 離遠 見到 湖 對面 有 嘢 郁 緊 ……於是 佢 放輕 腳步 ，靜靜雞 噉 行 過去 ，想 睇 下 係 咩 嚟 。

一 步 、兩 步 、三 步 —— Saru 距離 目標 越 嚟 越 近 …… 終於 ， Saru 睇 到 呢 隻 郁 緊 嘅 嘢 係 咩 嚟 喇 ：原來 係 一 隻 小小 梅花鹿 ！

身形 細小 嘅 梅花鹿 喺 湖邊 低頭 飲水 。 Saru 望 下 周圍 ，想 睇 下 佢 嘅 爸爸 媽媽 喺 唔 喺 附近 ，但 就 連 疑似 係 梅花鹿 嘅 身影 都 唔 見 。

小小 梅花鹿 飲完 水 ，抬起 頭 就 見到 Saru 喺 隔籬 望住 佢 。 但 奇怪 嘅 係 ，呢 隻 小小 梅花鹿 冇 好似 其他 小 動物 噉 ，見到 陌生人 就 驚驚 青青 噉 逃走 ，而 係 好 安靜 噉 企 喺 度 望住 Saru 。

Saru 慢慢 行 近 ，輕輕 伸手 摸 咗 佢 一 下 。 小小 梅花鹿 不但 冇 反抗 ，仲 好似 好 享受 添 ！

時間 嚟 到 黃昏 ， Saru 要 返 屋企 喇 。 「拜拜 ！」 佢 同 小小 梅花鹿 講完 就 轉身 離開 。 行 行 下 ，身 後面 傳 嚟 好 輕 嘅 腳步 聲 ， Saru 擰 轉身 一 望 ：原來 隻 小鹿 一直 跟 住 佢 ！

Saru 問 ：「你 點解 要 跟 住 我 ？ 你 爸爸 媽媽 呢 ？」

小鹿 唔 識 講 嘢 ，梗 係 答 唔 到 佢 呢 個 問題 啦 ！ Saru 想 帶 佢 返 屋企 先 ，之後 再 諗 辦法 幫 佢 揾 屋企 人 ；但 係 佢 知道 媽媽 一定 唔 畀 佢 噉 做 ，噉 點算 好 ？

Saru 諗 起 屋企 後面 嘅 倉庫 ，嗰 度 冇 乜 人 入去 ，可以 暫時 將 佢 安置 喺 嗰 度 。

就係噉 過咗 幾日 ， Saru 如常 同 佢 啲 同學 道別 之後 ，就 即刻 去 附近 啲 草叢 摘 新鮮 青草 返 屋企 ，然後 書包 都 未 放低 就 衝去 倉庫 餵 小鹿 ——點知 呢一幕 畀 跟 喺 佢 後面 嘅 同學仔 見到 晒 ！

原來 啲 同學 仔 見 Saru 呢 幾 日 都 趕住 返 屋企 噉 ，又 唔 同 佢 哋 玩 ，湖邊 又 唔 見 人 ，就 好好奇 佢 喺 度 忙 緊 乜 。 終於 今日 ，佢 哋 忍唔住 偷偷 跟蹤 Saru ，至 會 發現 Saru 嘅 秘密 。

Saru 見到 倉庫 企 滿 晒 佢 啲 同學 ，一時之間 唔 知 點 反應 。 呢 個 時候 ，同學 David 開口 ：「原來 你 呢 幾日 唔 同 我 哋 玩 ，又 趕住 返 屋企 係 因為 佢 ！」 Saru 好 唔 好意思 噉 答 ： 「 我 見 佢 揾 唔 到 屋企 人 ， 又 好似 好 可憐 噉 跟 住 我 ， 我 至 會 …… 」

David 同 其他 同學 互望 咗 一下 ，就 話 ：「隻 鹿仔 咁 可愛 ，不如 我 哋 一齊 同 佢 玩 ，噉 佢 咪 仲 開心 ？」

Saru 笑 得 好 開心 噉 話 ：「好 呀 ，一齊 吖 ！ 不過 你 哋 要 幫 我 保守 秘密 喎 ！」

「冇 問題 ！ 我 哋 仲 可以 幫 佢 揾 下 附近 有 冇 梅花鹿 添 ！」 同學 仔 都 拍 晒 心口 話 。

希望 小鹿 可以 快啲 揾返 屋企 人 ，回歸 大自然 啦 ！