一 隻 海龜 嘅 回憶

海龜 國 入面 有 個 禁地 ，叫做 珊瑚 城堡 。 傳說 話 入面 有 兇猛 嘅 海怪 ，所以 一直 都 冇 海龜 夠膽 入去 。

有 一 日 ，海龜 琳琳 同 家姐 娜娜 講 ：「小丑魚 話 佢 今日 去 咗 珊瑚 城堡 ，入面 根本 冇 海怪 ！ 我 又 要 去 ！」

娜娜 嚇親 ，話 ：「媽媽 話 嗰 度 好 危險 㗎 ！」

琳琳 話 ：「噉 我 自己 去 ！ 揾到 寶物 唔 分畀 你 ！」

娜娜 猶豫 咗 一陣 ，最終 同意 ：「好 啦 ，我 哋 一齊 去 啦 。 你 自己 一個 去 ，我 唔 放心 。」

就係噉 ，佢哋 游 到 珊瑚城堡 。 珊瑚 城堡 好 靚 ，五顏六色 ，咩 形狀 嘅 珊瑚 都 有 ，仲 非常 巨大 。 娜娜 估計 ，呢 度 至少 有 十 條 大白鯊 咁 大 。

突然 ，琳琳 大 嗌 ：「嘩 ！ 黑色 嗰 嚿 係 咩 嚟 㗎 ？」

佢 哋 發現 咗 一 嚿 黑鼆鼆 嘅 橢圓形 物件 。 琳琳 覺得 應該 係 寶物 ，就 咬 住 擔 返 屋企 。

一 開門 ，海龜 媽媽 就 鬧 佢 哋 ：「咁 晏 先 返 ，你 哋 今日 去 咗 邊 呀 ？」

琳琳 嚇 到 口 震震 ，一 開口 件 寶物 就 跌 咗 落 地 。

海龜 媽媽 即時 嚇 親 ！ 過 咗 陣 ，佢 先 話 ：「呢 嚿 嘢 ，我 好多 年 前 見 過 。 當時 我 …… 」

娜娜 知道 媽媽 要 講 故事 ，即刻 擔 定 櫈 仔 坐 好 。

話 說 海龜 媽媽 細個 嗰 陣 好 鍾 意 四圍 玩 。 有 日 佢 如常 岀 門 探險 ，突然 畀 一 個 大網 網住 ，下 一 秒 就 被 拋 咗 上 一 隻 船 。

海龜 媽媽 好 驚 ！ 同時 發現 身邊 仲 有 勁多 海龜 ！

然後 ，有 幾 個 人類 行 過 嚟 。

有 個 女人 攞 住 一 嚿 黑鼆鼆 嘅 嘢 ，話 ：「有 咗 呢 個 追蹤器 ，我 哋 好 快 就 會 知道 海龜 產卵 嘅 地點 。」

一 個 好 肥 嘅 男人 話 ：「好 。 麻煩 小麗 博士 你 幫 啲 海龜 綁 追蹤器 ，我 同 文傑 入 船艙 傾 少 少 嘢 先 。」

小麗 幫 海龜 媽媽 綁 好 追蹤 器 ，未 綁 第 二 隻 就 突然 入 咗 船艙 。

過 咗 一陣 ，佢 嬲 爆爆 噉 行 返 嚟 ，拎 起 啲 海龜 掉 落 海 ，一 隻 又 一隻 ，最後 剩低 海龜 媽媽 ……

文傑 即刻 衝 出 嚟 攬實 海龜 媽媽 ， 大 嗌 ：「小麗 ！ 你 傻 咗 呀 ？」

小麗 話 ：「我哋 講 好 咗 ，噉 做 係 為 咗 研究 海龜 生態 ！ 原來 你 哋 呃 我 ！ 一心 淨 係 諗住 開 海洋 樂園 賺錢 ！」

文傑 問 ：「開 海洋 樂園 有 咩 問題 ？」

小麗 答 ：「海龜 只會 喺 同 一 個 地方 產卵 。 樂園 會 騷擾 到 海龜 ，令 佢 哋 唔 生 BB ，會 絕種 㗎 ！」

呢 個 時候 ，肥 男人 突然 衝 出 嚟 搶 走 海龜 媽媽 ，轉身 就 將 佢 掟 咗 落 海 ！

佢 話 ：「隻 海龜 仲 綁 住 追蹤 器 ，好 快 我 哋 就 會 知道 產卵 地點 ！ 冇 人 可以 阻止 我 哋 ！」

望住 海龜 媽媽 越 游 越 遠 ，小麗 突然 跳 落 海 ！

「等陣 ！ 唔 好 走 呀 ！ 」小麗 一邊 游 向 海龜 媽媽 ，一邊 大叫 。

文傑 大 嗌 ：「小麗 ！」

肥 男人 唔 理 文傑 阻止 ，直接 揸 走 隻 船 。

終於 ，小麗 捉到 媽媽 ，拆咗 個 追蹤器 ——「黑色 寶物 」就 係噉 慢慢 沉 入 海底 。

一 人 一 龜 喺 大海 中心 對 望 。

小麗 話 ：「你 可以 返 屋企 喇 ，安全 喇 。」

海龜 媽媽 以為 小麗 係 傳說 中 嘅 人魚 ，所以 一 啲 都 唔 擔心 ，轉身 就 游 返 屋企 ……

聽到 呢 度 ，琳琳 話 ：「媽媽 以前 咁 蠢 嘅 ?世界 上 根本 都 冇 人 魚 ！」

娜娜 好 傷心 ，問 ：「小麗 姐姐 係 咪 死 咗 喇 ？」

海龜 媽媽 喺 自己 個 寶箱 入面 拎 咗 一 張 七彩 膠片 出 嚟 ，上面 有 一 對 人類 母子 。

媽媽 話 ：「前排 有 船 經過 ，有人 掉 咗 呢 張 相 落 嚟 。 你 睇 ，呢 個 就 係 小麗 。」

娜娜 反轉 張 相 ，見到 背面 有 一 幅 畫 ——

畫 入面 有 一 個 人 、一隻 海龜 ，仲 有 當時 嘅 夕陽 ！