凍 檸 茶

一 個 夏天 嘅 晏晝 ，嘉善 同 佢 啲 朋友 仔 喺 樹蔭 底下 玩 捉 伊人 。 玩 啊 玩 ，大家 捉 嚟 捉 去 ，又 匿 嚟 匿 去 ，眨 下 眼 就 過咗 成個 晏晝 。

因為 天氣 好 熱 ，大家 都 開始 覺得 口渴 。

玩 到 攰 嘅 嘉善 話 ：「天氣 咁 熱 ，好 想 飲 返 杯 凍冰冰 嘅 嘢飲 啊 ！ 我 要 加 好多 好多 冰 嘅 ！」

美琪 就 提議 大家 ：「噉 不如 去 飲 凍檸茶 吖 ？ 平時 呢 個 時間 阿叔 都 會 等 我 哋 過去 。」

「好啊 。 夏天 最 啱 飲 啲 好多 冰 嘅 凍 檸茶 㗎 喇 ！」 大家 都 紛紛 同意 。

阿叔 間 茶餐廳 今日 生意 好 好 ，好多 客人 ，個個 員工 都 好 忙 ，唔 得閒 幫 小朋友 準備 嘢 飲 。

阿叔 就 問 班 小朋友 ：「不如 你 哋 試下 自己 整 凍 檸茶 吖 ？ 張 紙 寫 咗 點 整 ， 跟 住 做 ， 手板 眼見 功夫 ， 好 簡單 。」

「好 啊 ，好 似 好好 玩 噉 。」 美琪 答應 咗 阿叔 。

於是 ，大家 走 埋去 睇 張 紙 ，一齊 學下 點樣 整 一杯 好飲 嘅 凍檸茶 。

張 紙 寫住 ：一 個 杯 放 兩 大 羹 糖 ，再 倒 七 分 滿 熱茶 ，攪 到 溶 。 加 冰 ，再 加 檸檬 片 。

好 想 飲 凍嘢 嘅 嘉善 問 ：「點解 一定 要 用 熱茶 去 溶 啲 糖 嘅 ？」

美琪 答 ：「因為 熱水 比 凍水 更 容易 溶解 啲 糖 。 呢 個 問題 關係 到 溶液 同 溶解度 。」

嘉善 又 問 ：「噉 點解 熱水 溶 唔 到 檸檬 ？ 佢 淨係 寫 啲 糖 要 攪 到 溶 。」

美琪 就 答 ：「因為 有 分 可溶性 同 不 可溶性 。 好似 糖 同 鹽 呢啲 ，會 完全 消失 喺 水 入面 ，就 係 可溶 ；但 檸檬 並 唔 會 唔見 ，佢 係 不可溶 。」

「原來 係 噉 。」 嘉善 覺得 好似 上 咗 堂 化學 堂 噉 。

「噉 我 哋 快啲 整 啦 ！」 芳芳 喺 旁邊 已經 等 唔 切 開始 整 凍 檸茶 。

話 咁 快 ，大家 就 整好 自己 杯 凍 檸茶 喇 。 一 人 一 杯 ，自己 整 嘅 梗 係 最 好味 㗎 啦 ！ 嘉善 嗰 杯 特別 加 咗 好多 好多 冰 ，鍾意 檸檬 嘅 芳芳 都 加 多 咗 幾 片 檸檬 ，而 鍾意 食 甜 嘢 嘅 美琪 就 加 多 咗 幾 羹 糖 。 每 個 人 都 整出 一 杯 屬於 自己 口味 嘅 凍 檸茶 。

飲 到 一半 ，芳芳 見到 舖 頭 有 啲 薄荷葉 ，就 拎 過 嚟 考考 嘉善 ：「我 問 妳 ，薄荷葉 係 可 溶 定 不可 溶 嘅 呢 ？」

嘉善 醒起 美琪 講 過 ，會 唔 見 嘅 係 可 溶 ，唔 會 唔 見 嘅 就 係 不可 溶 ，所以 知道 答案 ：「薄荷葉 係 不可 溶 ！ 因為 薄荷葉 會 留低 ，唔 會 消失 喺 水 入面 唔 見 咗 。」

「哈哈 ，噉 呢 個 呢 ？」 美琪 拎 起 檯面 支 豉油 問 嘉善 。」

嘉善 答 美琪 ：「豉油 本身 就 係 液體 啊 ！」

「啱 喇 ，考 唔 倒 你 添 。」 美琪 繼續 同 大家 開開心心 飲 今日 學 識 整 嘅 凍 檸茶 ……