屋企 人

你 好 啊 ！ 我 係 Tuktuk ，我 有 好多 屋企 人 。 等 我 介紹 佢 哋 畀 你 識 吖 ！

佢 哋 係 我 嘅 爸爸 同 媽媽 。 佢 哋 好 錫 我 㗎 。

佢 哋 係 我 嘅 哥哥 同 家姐 。 哥哥 係 男仔 ， 家姐 係 女仔 。 佢 哋 都 大過 我 。

喺 我 呢邊 嘅 係 爺爺 、嫲嫲 。 佢 哋 係 爸爸 嘅 父母 。 喺 嗰 邊 嘅 係 公公 、婆婆 。 佢 哋 係 媽媽 嘅 父母 。

我 媽媽 有 三 個 家姐 同 細妹 ，佢 哋 係 我 嘅 姨媽 同 姨姨 。

我 爸爸 有 四 個 哥哥 同 細佬 ，佢 哋 係 我 嘅 伯伯 同 叔叔 。

伯伯 嘅 老婆 係 伯娘 ， 叔叔 嘅 老婆 係 嬸嬸 。 伯娘 同 嬸嬸 都 對 我 好好 。

伯伯 同 伯娘 、叔叔 同 嬸嬸 嘅 仔女 ，係 我 嘅 堂細佬 、堂細妹 。

我 同 哥哥 、家姐 ，同埋 堂細佬 堂細妹 ，成日 都 一齊 玩 㗎 。

睇 下 ！ 我 屋企 係 咪 有 好多 人 呢 ！

係 喎 ！ 爭 啲 漏 咗 Buzo ，佢 係 我 哋 養 嘅 狗狗 。 佢 成日 都 「汪汪汪 」噉 叫 㗎 ！