太 大個 定 太 細個 ？
我 見到 媽媽 抱住 細佬 ，我 都 想 媽媽 抱 下 我 。
媽媽 話 ：「阿女 ，我 抱唔到 你 啊 ！ 你 太 大個 喇 ！」
貓仔 成日 都 自己 跑 出街 ，我 都 想 自己 返學 。
爸爸 話 ：「咪 自己 一 個 行 返 學校 啊 ！ 你 太 細個 喇 ！」
細佬 瞓 緊 ，我 想 同 佢 一齊 瞓 。
爺爺 話 ：「唔好 瞓 細佬 張 牀 喎 ，你 太 大個 喇 。」
公園 有 好多 嘢 玩 ，我 想 同 細佬 一齊 去 。
嫲嫲 話 ：「唔好 帶 細佬 出去 啊 ，你 太 細個 喇 。」
點解 啲 大人 講 嘅 嘢 咁 搞笑 嘅 ？
我 係 太 大個 吖 ，定係 太 細個 啊 ？
我 太 大個 ，着 唔 到 條 舊 裙仔 。
我 太 細個 ，媽媽 唔准 我 入 廚房 。
我 太 大個 ，爺爺 同 唔 到 我 玩 騎牛牛 。
我 太 細個 ，帶 唔 到 細佬 去 街 。
貓仔 你 知 唔 知 ，我 而家 係 太 大個 定係 太 細個 ？
我 真係 唔 明白 。 邊個 答 到 我 ？
媽媽 對 我 笑 一 笑 ，佢 話 ：
「阿女 ，你 啱啱好 夠 大個 返 學校 。」
爸爸 大聲 噉 笑 ，對住 我 話 ：
「阿女 ，你 啱啱好 夠 細個 ，騎 到 我 膊頭 。」
爺爺 輕輕 噉 笑 ，佢 同 我 講 ：
「你 啱啱好 夠 大個 帶 我 出去 行街 。」
嫲嫲 好 開心 噉 笑 ，對 住 我 話 ：
「你 又 啱啱好 夠 細個 ，鍾意 聽 我 講 童話 。」
「你 幾 大個 都 好 ，我哋 都 係 咁 錫 你 㗎 ！」
爸爸 、 媽媽 、 爺爺 同 嫲嫲 都 噉 樣 講 。 我 好 開心 。
