白白

我 屋企 有 一 隻 貓 ，爸爸 媽媽 叫 佢 做 白白 。

白白 係 一 隻 白色 嘅 貓 。 佢 係 女仔 嚟 ，

同 我 唔 一樣 ，我 係 男仔 。

我 鍾意 白白 ，唔知 白白 鍾 唔 鍾意 我 ？

我 摸 白白 ， 白白 唔 睬 我 。

我 驚 白白 唔 鍾意 我 ，我 想 佢 鍾意 我 啊 ！

我 鍾意 白白 ，白白 鍾意 食 魚 ，同 我 唔 一樣 ，

我 唔 鍾 意 食 魚 。

點解 白白 鍾意 食 魚 ？ 我 覺得 魚 唔 好食 。

家姐 同 白白 一樣 ，佢 覺得 魚 好食 。

家姐 成日 話 佢 好 鍾 意 食 魚蛋 。 魚蛋 係 咩 嚟 㗎 ？

雞仔 喺 雞蛋 出 嚟 ，噉 魚仔 係 唔 係 喺 魚蛋 出 嚟 ？

我 問 家姐 ， 家姐 唔 睬 我 。

白白 唔 鍾意 食 菜 ，同 我 唔 一樣 ，

我 鍾意 食 菜 ，菜 好 好食 。

我 有 一 次 畀 幾 條 菜 白白 食 ，白白 食 咗 一 條 ，

然後 即刻 唔 食 。

爸爸 話 我 曳 ，我 唔 明 啊 。

點解 我 食 菜 ， 爸爸 話 我 叻 ； 白白 食 菜 ， 爸爸 話 我 曳 ？

白白 唔 鍾意 沖涼 ，同 我 一樣 ，我 都 唔 鍾意 沖涼 。

我 唔 去 沖涼 ，媽媽 鬧 我 ；

白白 唔 沖涼 ， 媽媽 唔 鬧 佢 。

點解 嘅 ？ 白白 唔 沖涼 都 係 好 白 、好靚 ，

我 好 鍾 意 白白 。

白白 以前 好 細 隻 ，同 我 一樣 。 白白 而家 好 肥 ，

同 我 唔 一樣 。 點解 白白 肥 咗 嘅 ？

有 一 日 ，屋企 多 咗 幾 隻 好 細 好 細 嘅 貓 仔 。

我 問 家姐 點解 ，家姐 話 白白 做 咗 媽媽 喇 。

嘩 ！ 白白 做 咗 媽媽 啊 ，

我 好 鍾 意 白白 同 白白 嘅 仔女 。 佢 哋 叫 咩 名 好 ？