阿樂 歷險 記

媽媽 送 咗 一 架 車仔 ，同 一 隻 恐龍 仔 畀 阿樂 。

阿樂 好 鍾意 佢 哋 ，成日 拎 佢 哋 嚟 玩 ，

同 佢 哋 一齊 瞓 。 有 一 日 起身 ，阿樂 變 到 好 細粒 ，

同 車仔 一樣 大 ，而 恐龍 仔 唔 見 咗 。

阿樂 話 ：「嘩 ！張 床 好 大 呀 ！」

佢 坐 上 車仔 ，車仔 郁 ，佢 哋 喺 張 床 上面 ，

轉 咗 三 個 圈 。

佢 問 車仔 ：「不如 我 哋 同埋 媽媽 一齊 玩 啦 。」

車仔 答 ：「媽媽 咁 大個 ，坐 上 嚟 ，架 車 會 行 唔 到 。」

阿樂 話 ：「又 係 喎 ！」

阿樂 又 問 ：「我哋 去緊 咩 地方 呀 ？」

車仔 答 ：「公園 。」

車仔 行 過 嘅 地方 ，有 幾 支 花 呀 。

再 轉 多 一 個 圈 ，車仔 停 咗 。

阿樂 問 ：「咦 ？做咩 停 呀 ？」

車仔 答 ：「我 都 唔 知 呀 。」

阿樂 落車 ，車仔 下面 有 一 條條 黑色 、好 長 嘅 嘢 ，

車仔 行 唔 到 。

係 唔 係 老鼠 仔 條 尾 呢 ？ 阿樂 「嘩 」一 聲 ，覺得 好 驚 。

佢 諗 一 諗 ，知道 屋企 冇 老鼠 。 係 唔 係 貓仔 條 尾 呢 ？

佢 又 諗 一 諗 ，知道 貓仔 條 尾 大 好多 。

跟住 佢 諗到 ，係 佢 嘅 頭髮 呀 ！

頭髮 變 到 好 長 、好 大 、好 重 。

佢 拎 走 頭髮 ，車仔 又 郁 到 喇 。

佢 上車 ，車仔 轉 多 兩 個 圈 ，好似 飛 噉 樣 ，

跳上 跳落 。 原來 係 貓仔 入 咗 房 ，跳 咗 上 床 ，

用 手 拍拍 張 床 ，令 架 車 亂 跳 。

「哎 吔 ！」 阿樂 覺得 好 驚 ，要 車仔 行 快 啲 。

貓仔 唔 知道 佢 係 阿樂 ，好 曳 ，想 車仔 停 。

跟住 有 啲 聲 ，係 恐龍 仔 呀 ！

而家 恐龍 仔 好 大隻 ，有 十 個 阿樂 咁 大 。

貓仔 驚 ，跑 走 咗 。

阿樂 拍拍 手 ，同 恐龍 仔 一齊 唱歌 。

玩 多 一陣 ， 已經 過 咗 一 個 下晝 ， 阿樂 要 瞓 喇 。

起身 ，佢 變 返 大個 仔 ，

手 上面 拎 住 車仔 同 恐龍 仔 。