掛住 婆婆

今日 係 中秋 ，夜晚 個 月亮 會 好 大 。

我 好 想 同 我 婆婆 一齊 玩 。

婆婆 一 個 人 同 佢 隻 貓 喺 香港 ，我 同 爸爸 媽媽 喺 愛爾蘭 。

呢 兩 年 我 哋 唔 坐 得 飛機 ，行路 又 去 唔 到 香港 。 我哋 已經 冇 見 好多 日 喇 。

婆婆 短 頭髮 ，眼 好 大 ，鼻 好 細 ，嘴 好 靚 ，個 肚 好 大 。

佢 鍾意 食 飯 同埋 菜 肉包 ，又 鍾意 飲 湯 。 我 以前 日日 喺 婆婆 屋企 食 好 嘢 。

我 去 廁所 ，婆婆 都 跟住 。

婆婆 好 少 嬲 ，成日 笑 。

佢 成日 聽 我 講 嘢 ， 唔 明 又 話 明 ， 明 又 話 唔 明 。

我 跌親 ，我 喊 ，佢 知道 我 覺得 痛 ，會 話 ：「唔 驚 ，飲水 啦 ！」

我 真 係 好 想 飛 去 婆婆 嗰 度 。

我 好 想 同 婆婆 唱歌 ，我 好 想 同 婆婆 去 踢波 。

婆婆 同 我 睇 書 ， 跟 住 又 去 街 。

我 哋 坐 車 去 沙灘 ，行路 去 海邊 。

我哋 一齊 坐 巴士 ，一齊 搭 地鐵 ，又 坐 船 過海 去 公園 。

我哋 一齊 睇 花 ，一齊 睇 樹 。 我哋 一齊 大叫 大笑 ，又 跑跑跳跳 ，郁嚟 郁去 真係 好開心 。

婆婆 話 ：「喂 ，坐 一陣 啦 ！」

而家 婆婆 同埋 佢 隻 貓 喺 電話 度 ——

婆婆 問 ：「你 話 天空 個 月亮 係 唔 係 又 大 又 靚 ？」

媽媽 答 ：「我哋 呢度 個 月亮 未 出嚟 ，而家 只 係 晏晝 ，天空 有 太陽 冇 月亮 。」