阿樂寫俾恐龍仔嘅信

恐龍仔，對唔住啊！我要送你畀我嘅好朋友。

佢係阿賢，佢屋企好細，冇嘢玩。

佢好好人㗎，你肚餓，佢畀嘢你食，你口渴，佢畀水你飲。天氣好，佢同你落公園玩。

###嗰度有花，同埋雀仔。 ### 有啲雀仔大過你，重過你，你唔好驚，佢哋唔食你㗎。 ### 有啲雀仔細過你，輕過你，你唔好食佢哋啊。佢哋都好曳，喺天空飛，成日便便，你冇佢哋咁曳。

天氣再好啲，你哋搭巴士，去沙灘。晏晝，有太陽，好熱。夜晚，有月亮，凍咗，要着多件衫啊。

天氣唔好，你哋唔好去街喇，喺屋企唱歌啦。佢唱歌，你拍手，唔好笑佢唱得難聽啊。

你應該靜啲，阿賢有一個好細嘅細妹，成日要瞓覺㗎。

你有咩想要，同阿賢講啦，佢同我一樣，都明白你講咩㗎。我好掛住你。 ——阿樂上

Hambaanglaang Level 1, 阿樂 寫 俾 恐龍仔 嘅 信