我 哋 之間 嘅 秘密

大家 見 唔 見 到 我 呀 ？ 我 係 坐 最 後排 睇 緊 書 嗰 個 男仔 ，我 叫 阿茶 。 傳 緊 紙仔 嗰 個 係 我 好 朋友 阿海 ，睇 嚟 今日 我哋 又 有 秘密 行動 喇 ！

同學仔 一個 傳 一個 。

我 心 諗 ：「傳 快啲 啦 ，好 想 知 佢 寫 咗 啲 咩 畀 我 呀 ！」

有人 掂 咗 下 我 隻 手 ，然後 畀 咗 張 紙仔 我 。

我 一 睇 ，上面 寫 住 ：一陣 我哋 喺 飯堂 後面 等 。 我 望 一 望 阿海 ，睇 嚟 又 有 好 嘢 玩 喇 。

（後來 我 哋 至 知道 ，原來 同學 仔 傳 紙仔 嗰 陣 已經 睇 到 晒 上面 寫 乜 ，仲 諗 緊 一陣 靜靜 雞 跟 埋 去 睇 我 哋 有 咩 玩 ……）

終於 落堂 喇 ！ 阿海 拎 住 個 藍色 盒仔 出 咗 去 ，我 跟 住 佢 出去 。 我 哋 一 去 到 飯堂 後面 ，阿 海 就 開 咗 個 盒 同 我 講 ：「殊 ……睇 下 ，係 你 最 鍾意 食 嘅 薯波 呀 ！」

「多謝 阿 海 ，噉 我 唔 客氣 喇 ！」 我 即刻 伸手 諗住 開餐 ……

「我哋 都 唔 客氣 喇 ！」 成 班 同學 突然 喺 後面 走 晒 出 嚟 。

「乜 咁 多 人 呀 ……好 啦 ，噉 就 一 人 一 粒 ……」阿海 話 口 未 完 ，大家 已經 忍 唔 住 口 喇 ！

佢 哋 食 完 一 粒 又 一 粒 ，啲 薯波 話 咁 快 就 冇 晒 ，淨低 我 同 阿海 對住 個 吉盒 ……

第二 日 ，阿海 又 拎 咗 一 盒 薯波 返學 。 呢 次 阿海 決定 用 第 二 個 方法 傳話 。 佢 用 一 條 紙 綁 住 一 支 筆 ，再 喺 上面 寫字 ，然後 叫 隔籬 嘅 同學 傳 畀 我 。

嗰 個 同學 諗住 呢 次 又 有 好 嘢 食 喇 ，點知 一 睇 ，紙 上面 啲 字 全部 都 睇唔明 ！ 唯有 傳 畀 下 個 同學 睇 。

點知 其他 同學 都 一樣 睇 唔明 紙 上面 啲 字 ！ 就係噉 ，條 紙 傳到 去 我 手上 。

我 望到 阿海 對住 我 舉起 支 筆 ，就 即時 明晒 ！ 我 學 佢 拎 起 支 筆 ，將 條 紙 綁 住 支 筆 ，啲 字 就 出現 返 喇 ：一陣 食飯 我 哋 去 音樂室 等 。

而家 我 同 阿海 終於 可以 兩 個 人 靜靜哋 食 薯波 喇 ！

好多 時 ，朋友 之間 嘅 一個 眼神 、一個 動作 ，係 局內人 先 會 明白 嘅 ！ 唔知 你 同 朋友 係咪 都 係 噉 嘅 呢 ？