九龍

龍 媽媽 想 揾 最 好 嘅 月餅 畀 八 個 仔女 。

龍 媽媽 話 ：「我 要 去 月亮 揾 最 好 嘅 月餅 。」

龍 媽媽 可以 飛 上 天空 ， 可以 飛 上 月亮 。 不過 佢 攰 喇 ，佢 問 獅子 先生 借 架 太空船 用 。

獅子 先生 話 ：「 好 啊 ， 你 用 我 架 太空船 啦 。 我 架 太空船 新 㗎 ，用 電 嘅 。」

龍 媽媽 話 ：「唔 該 晒 獅子 先生 ，我 一陣 返 。」

獅子 先生 問 ：「你 去 邊度 啊 ？」

龍 媽媽 答 ：「唔 講得 㗎 。」

獅子 先生 話 ：「我 會 睇 住 你 嘅 小朋友 。 不過 ，用 之前 一定 要 叉電 。」

龍 媽媽 趕 時間 ，冇 聽 獅子 先生 話 。

佢 坐 太空船 ，好 快 噉 飛 咗 上 月亮 。

喺 嗰 度 ，佢 揾 到 最 好 嘅 月餅 。 佢 放 啲 月餅 入 一 個 大 袋 ，想 返 屋企 。

佢 撳 掣 ，太空船 唔 郁 。

佢 見到 太空船 冇 晒 電 ！

哎 吔 ！ 呢 度 有 月餅 ， 但 係 冇 地方 叉電 。

佢 飛 嗰 陣 太 趕 ，冇 話 畀 人 聽 佢 要 去 乜嘢 地方 ！

已經 夜 喇 ，龍仔 龍女 唔 見 媽媽 ，一齊 喺 屋企 喊 。

獅子 先生 同 龍仔 龍女 講 ：「不如 我 哋 一齊 上山 ，揾 太空船 ！」

最後 ，佢 哋 見到 龍 媽媽 飛 返 嚟 。

龍 媽媽 冇 坐 太空船 ，自己 飛 ，飛 咗 好 耐 ！

佢 哋 大家 都 好 開心 ，仲 叫 嗰 個 地方 做 「九龍 」。 即 係 九條 龍 ！

佢 哋 都 冇 唔 記得 好 好人 嘅 獅子 先生 。 「獅子山 」就 係 同 龍仔 龍女 一齊 等 媽媽 嘅 獅子 先生 。

記得 啊 ！ 去 邊度 都 一定 要 同 人 講 ！

電話 有時 會 冇 電 㗎 。 同埋 ，我 哋 唔 識 飛 㗎 ！