鬥氣 冤家
阿家 同 阿心 細細個 就 開始 鬥氣 㗎 喇 ！ 有 一 次 仲 鬥 睇 鬼片 唔 講嘢 ，點知 阿家 一 見到 骨頭 就 驚 到 喊 咗 出嚟 。
呢 次 佢哋 兩 個 仲 鬥 到 整親 ，一齊 落 咗 去 醫療室 。
兩 個 趁 老師 見 唔 到 ，又 開始 喺度 郁 手 郁腳 ……
「你 兩 個 好 停手 喇 ！」 老師 入 咗 嚟 。
兩 個 終於 肯 停手 ！ 呢個 時候 ，老師 發現 冇 晒 膠布 。
佢 同 阿家 、阿心 講 ：「嗱 ，我 而家 出去 拎 啲 嘢 ，你哋 坐 喺度 ，我 返 到 嚟 唔 要 再 見到 你哋 郁手郁腳 㗎 ！」
「哦 ……」
老師 見 佢哋 靜靜 噉 坐 咗 喺度 ，就 出 咗 去 。
「嘭 ！」 佢哋 一 睇見 老師 出去 ，又 開始 嚟 撩 喇 ……
「最 衰 都 係 你 啊 ！」
「係 你 先 啱 啊 ！」
鬧 得 仲 嘈 過 之前 ……
點知 阿心 一 推 ，阿家 跌低 ，撞 到 後面 一 樣 嘢 。
阿 家 一 望 ，係 一 個 骷髏骨 ！
阿 家 嘅 屋企 人 都 比較 保守 ，好 少 講 死 呢 啲 唔 老 嚟 嘅 嘢 ，所以 佢 嚇 咗 一 跳 。
阿心 都 嚇 到 跌低 咗 。
但 佢 見 到 阿家 想 喊 想 喊 噉 嘅 樣 ， 突然 記得 阿家 好 驚 骨頭 ， 佢 即刻 捉 住 阿家 隻 手 ， 話 ： 「 唔 使 驚 ， 有 我 喺 度 ！ 」
過 咗 一陣 ，阿家 個 心 開始 定 返 啲 ，就 問 阿心 ：「噉 我哋 而家 點 做 好 ？」
一嚟 佢 仲係 有 啲 驚 個 骨頭 ，二嚟 係 驚 俾 老師 鬧 。
「我哋 砌 返 好 佢 啦 ！」 阿心 拎 住 啲 骨頭 開始 砌 。
阿心 爸爸 係 醫生 ，細細個 就 教 佢 唔少 身體 知識 。
見到 阿家 一頭霧水 個 樣 ，阿心 笑 咗 出嚟 ：「你 跟住 我 做 就 得 㗎 喇 ！」
阿家 好似 明 啲 又 唔 明 啲 噉 ，阿心 好 畀 心機 噉 教 佢 點 做 ……
阿家 一 開始 都 仲 係 有啲 抗拒 嘅 ，之後 就 慢慢 變 得 冇 咁 驚青 喇 ！
佢哋 好似 唔記得 咗 ，係 咩 事 要 嚟 醫療室 ，又 係 咩 事 要 砌 返 好 呢啲 骨頭 ，佢哋 淨係 一心一意 要 完成 呢個 「工程」 ……
「啪 ！」 佢哋 差唔多 砌 好 晒 ，爭 最後 個 頭 就 搞掂 ！
最後 呢 一下 ，一 個 人 上去 砌 係 最 有 滿足感 嘅 ，所以 佢哋 都 不約而同 話 ：「不如 你 上去 砌 吖 ？」
佢哋 聽 完 都 笑 咗 。
最後 阿家 搖搖 頭 ：「都 係 你 上去 啦 ！ 如果 冇 你 喺度 ，我哋 都 完成 唔 到 。」
阿心 笑 住 拎 個 骷髏頭 上去 砌 ，阿家 就 喺 下面 扶 住 張 櫈 。
「啪 ！」
呢 次 唔係 阿心 跌 親 ，而 係 佢哋 喺度 「 G iveme Five 」！
望 住 佢哋 一齊 完成 嘅 大作 ，佢哋 開心 到 攬 住 對方 。
呢個 時候 ，老師 返 咗 嚟 ——佢哋 先 記得 之前 發生 嘅 事 ……
老師 望 一 望 個 骷髏頭 ，再 望住 佢哋 ：「你哋 friend 返 嗱 ？ 係 噉 嘅話 ，我 就 請 你哋 食 雪糕 啦 ！」
阿心 同 阿家 你 眼 望 我 眼 ，然後 跟住 老師 出 學校 。
「老師 ，其實 我哋 啱先 ——」阿心 忍唔住 喇 ！
「你哋 好 叻 喎 ，識得 將 個 骷髏骨 砌返 好 。」 老師 神神秘秘 噉 笑咗 一 笑 。
「對唔住 啊 ，我哋 唔係 有心 整 跌 佢 㗎 ……」阿心 講講 下 發現 有啲 唔對路 ——
「點解 老師 你 知 我哋 整 跌 咗 個 骷髏骨 嘅 ？ 」阿家 企 咗 起身 。
