大 藝術家

阿女 又 上 台 攞獎 喇 。 佢 打扮 得 好 靚 ，喺 台上 講 緊 得獎 感受 。 佢 啲 朋友仔 坐 喺 我 隔籬 幫 佢 影相 ，有 個 仲 話 陣間 要 同 佢 一齊 打卡 。

有 邊個 估 到 依家 企 喺 台上 嗰個 靚女 ，細個 嗰陣 係 一 嚿 忟薑 嚟 嘅 呢 ？

我 仲 記得 佢 九 歲 生日 嗰日 ，我 專登 請假 、踩 單車 去 接 佢 放學 ，點知 佢 一 望 到 我 就 鼓埋 泡腮 ，忟忟憎憎 噉 。

嗰陣 我 指 住 天空 同 阿女 講 ：「你 睇 下 ，太陽伯伯 知道 你 今日 生日 ，特登 幫 天空 變 到 咁 藍 嚟 氹 你 開心 ！ 睇 下 個 天空 幾 靚 ？」

阿女 聽完 ，竟然 對住 天空 大鬧 ：「一嚿 雲 都 冇 ，想 曬 死 我 咩 ！ 係咪 連 個 天 都 唔鍾意 我 ？」

真係 唔 知 阿女 發生 咩 事 咁 嬲爆爆 ！ 好彩 我 嗰 日 早 有 準備 ，拎 咗 佢 最 鍾意 食 嘅 茶點 出嚟 。 我 問 ：「係咪 有 人 蝦 我 個 女 呀 ？」

阿女 見到 有 嘢 食 ，心情 至 好 返 少少 。 佢 皺起 眉頭 話 ：「冇 人 蝦 我 。」

「係 今日 默書 ，我 明明 温 得 好 熟 ，但 係 之後 睇 返 本 書 ，先 知 自己 倒轉 咗 啲 字 嚟 寫 。 點解 我 寫 極 都 寫 唔 啱 隻 字 ？」

我 話 ：「噉 返學 唔係 淨係 得 默書 嘅 ——不如 我哋 試 下 其他 嘢 ？」

阿女 話 ：「你 唔怕 我 成績 差 ，讀書 唔成 咩 ？ 爺爺 話 過 ，想 我 讀 好啲 書 ，第時 可以 揸筆 揾食 。」

我 聽完 得啖笑 ，就 隨手 拎起 啲 顏色筆 ，話 ：「傻妹 ，係 揸 都 揸 呢啲 筆 先 啦 。」

阿女 一 開始 就 揀 咗 佢 最 鍾意 嘅 紅色 。 佢 話 ：「今日 數學堂 ，老師 教 咗 我哋 咩 叫 立方體 ……」

佢 一路 講 ，一路 用 畫筆 畫 咗 個 好 四正 嘅 長方體 出嚟 。 佢 冇 用 間尺 ，徒手 就 畫 到 好 直 嘅 線 。

佢 話 要 跟 彩虹 顏色 嘅 次序 嚟 畫 ，所以 第 二 支 就 揀 咗 橙色 。

「老師 問 我哋 ，有冇 圓形 球體 嘅 例子 。 我 即刻 舉手 ，話 平時 食 開 嘅 橙 就 係 啦 ！」

佢 又 畫 一 個 圓形 ，喺 上面 點 咗 好多 密密麻麻 嘅 細點 ，好似 一 個 真 嘅 橙 ！

畫 到 最後 ，阿女 揀 咗 紫色 。 佢 話 ：「老師 叫 我哋 用 啲 想像力 ，將 頭先 講過 嘅 例子 串 做 一 個 故事 ，用嚟 交 堂課 。 我 畫 咗 一 個 長方形 嘅 窗 ，有 隻 雀仔 喺 出面 飛 入嚟 ，偷偷 哋 擔 走 個 橙 。」

我 見 阿女 揸 住 畫筆 ，有 返 晒 心機 ，就 鼓勵 佢 繼續 諗 多 啲 故事 ，再 畫 出嚟 。

阿女 話 ：「我 仲 諗到 好多 同 動物 有關 嘅 故事 ，例如 青蛙 、老鼠 、貓狗 嗰啲 。 我 諗住 等到 放假 就 一次過 畫 晒 佢哋 出嚟 ……係 喎 ，爸爸 ，我 可唔可以 要 一 份 生日 禮物 呀 ？」

我 梗係 話 好 。

阿女 開心 到 彈起 ：「好嘢 ！」 我 想要 一 本 畫簿 啊 ！

我 冇 諗 到 ，當日 我 隨手 拎 起 畫筆 遞 畀 阿女 ，會 換 嚟 依家 屋企 一個 又 一個 獎座 ！

其實 個個 小朋友 都 係 一 粒 原石 ，只要 肯 用心 發掘 、打磨 ，佢哋 每 一 個 都 可以 發光發亮 ！