俾 個 密碼 嚟 睇 下

今日 心怡 同 媽媽 出街 買嘢 ，行 過 一 條 街 ，聽到 有 個 叔叔 喺度 叫賣 。

「埋嚟 睇 ，埋嚟 揀 呀 ！ 想要 配 鎖匙 嘅 都 可以 過嚟 呀 ，唔同 嘅 鎖匙 公仔 我 都 有 ，好 靚 㗎 ！」

心怡 聽到 ，就 拉住 媽媽 去到 叔叔 面前 ，好 緊張 噉 講 ：「媽媽 ，可唔可以 配 一 條 畀 我 呀 ，我 已經 大個女 喇 ，識得 自己 保管 㗎 喇 。」

媽媽 笑 住 講 ：「好 啦 ，配 啦 ，真係 冇 你 辦法 。」

心怡 好 開心 噉 同 叔叔 講 ：「叔叔 ，我 想 配 一 條 鎖匙 ，要 黃色 嘅 。」

叔叔 心諗 ：其實 我 啱啱 先 二十 歲 ，應該 叫 我 哥哥 先 啱 ……不過 唔緊要 啦 ，都 唔係 第一 次 俾 人 噉 叫 我 ……

之後 佢 答 ：「冇問題 ，一陣 就 搞掂 。 你 睇 吓 呢 條 啱 唔 啱 你 ？」

心怡 即刻 答 ： 「 啱 呀 啱 呀 ， 黃色 好 靚 呀 ！ 」

喺 叔叔 整 緊 鎖匙 嘅 時候 ，佢 部 收音機 播出 一 單 新聞 ：「本 港 近日 發生 一 宗 網上 騙案 ，有 位 先生 俾 人 呃 咗 好多 錢 ……」

過 咗 十 分鐘 ，心怡 終於 拎 到 新 鎖匙 返 屋企 喇 ！

佢哋 行 到 屋企 門口 ，先 發現 原來 大門 冇 閂 到 ！

佢哋 即刻 入屋 睇睇 ，好彩 冇 唔見 嘢 。

媽媽 坐低 慢慢 同 心怡 講 ：「鎖 好 門 好 緊要 㗎 ，條 屋企 鎖匙 你 都 要 小心 收 好 ，唔好 畀 其他 人 呀 ！

心怡 答 ：「知道 喇 ，我 會 好好 收好 佢 㗎 喇 。」

媽媽 繼續 講 ：「除咗 屋企 鎖匙 ，仲 有 好多 私人 嘢 你 都 要 收好 呀 ，好似 錢 、日記 ，仲 有 電子 密碼 ……」

心怡 笑 住 講 ：「媽媽 ，我 大個女 㗎喇 ，我 先 冇 咁 唔小心 ，我 會 保管 好 佢哋 。」

媽媽 開 咗 屋企 部 電腦 ，問 ：「真係 咁 叻 ？ 噉 你 講 吓 你 係 點 保管 啲 密碼 嘅 ？」

心怡 開始 講 ：「簡單 啦 ，上堂 老師 有 講過 ，我哋 用 電腦 嗰陣 ，有 好多 嘢 要 注意 ……」

「好似 入 密碼 嗰陣 ，要 睇 吓 隔籬 有冇 人 ，唔好 俾 人 見 到 。」

「 仲有 仲有 ， 如果 我 依家 想 用 電話 寄 電郵 畀 我 個 朋友 ， 我 都 會 用 返 自己 部 電話 ， 唔 會 用 其他 人 電話 。 」

「而且 我 部 電話 仲有 設定 到 鎖機 密碼 ，我 係咪 好 叻 呀 ？」

「 係 喇 係 喇 ， 最 叻 係 你 喇 。 最緊要 記得 ：唔好 亂 畀 個 密碼 其他 人 ，因為 你 唔知 佢哋 會 用嚟 做 咩 壞事 。」 媽媽 語重心長 噉 講 。

心怡 話 ：「我 知道 喇 ，媽媽 ！」

媽媽 問 ： 「 你 今日 好似 好 聽話 噉 噃 ？ 」

心怡 有啲 唔開心 噉 講 ：「冇 ，因為 前 幾 日 我 個 好 朋友 阿細 打機 嗰陣 ，佢 畀 咗 個 遊戲 帳號 密碼 人 ，跟住 就 俾 人 偷 咗 個 帳號 喇 ……我 聽 完 之後 都 好 驚 ，我 以後 會 小心 保管 自己 嘅 嘢 㗎 喇 ！」

唔 知 你 部 電腦 同 手機 有 幾多 個 密碼 ？ 你哋 又 有冇 好好 管理 佢哋 呢 ？