016 Italiae loci et pulchritudo. Comparatio 2
Italiae caelum multo mitius, iucundius, salubrius est quam Austriae. Nam Alpes, altissimi montes Europae, asperioribus ventis obstant. Nulla terra Italia pulchrior est: clarissima est agris fertilissimis, collibus et montibus viridibus, vallibus amoenissimis. Fontibus purissimis et frigidissimis, rivis, fluviis abundat. Omnium autem regionum Italiae longe amoenissima Campania est. Campania mira agrorum fertilitate laetissima est omnium regionum Italiae. Italiae laus carminibus clarissimorum poetarum celebratur.
Plura:
Non est miserior vita quam hominum malorum. Hieme procellae crebriores sunt quam aestate. Ventus celer est, celerius fulmen. Nulla urbs Italiae Roma celebrior est. Mali homines omnium miserrimi sunt. Equi Arabum omnium pulcherrimi et celerrimi sunt. Acriore supplicio proditor patriae dignus est quam acerrimus hostis. Urbs Roma veterrima est, Alba Longa vestutior. Homines ditissimi saepe infeliciores sunt quam pauperrimi. Semper fere initium rei difficilius est quam finis. Aliena vitia vituperare facillimum est, sua emendare difficillimum. Hominum formae saepe simillimae sunt, mores dissimillimi. Etiam in humillimis herbis vestigia numinis divini spectamus. Nihil hominis naturae clementia magis consentaneum est, nihil crudelitate magis contrarium. Rei publicae concordia civium maxime necessaria est. Firmi et constantes homines ad amicitiam maxime idonei sunt, leves et inconstantes mali amici sunt.
