الفصل الخامس وعشرين - الدرس التالت - حوار ٣
طيب هل ممكن فعلا يحصل عاصفة في مصر أو اعصار زي ما تردد على مواقع التواصل الّجتماعي؟ هل فعلاً ممكن تحصل عاصفة او اعصار في مصر. في الحقيقة، نفت هيئة.
الأرصاد الجوية في مصر تعرض مصر للأعاصير وده لأن مصر محاطة بالبحر الأحمر والبحر المتوسط، والبحار دي بحار مغلقة وضيقة وده ما بيسمحش أصلاً بتكون العواصف فيها. وصرحت هيئة الأرصاد ان الأعاصير بتتكون في المحيطات ومصر دولة مش مطلة على محيط، فده مابيسمحش بتكون الأعاصير أو ظهور الأعاصير في مصر، لكن هي هتكون رياح وهتكون سرعتها عالية شوية قد تصل إلى ١٠٠ كم في الساعة أو تزيد لكنها مش هتصل حد الإعصار. طبعاً دا بدوره حيعرض المناطق دي لهبات قوية جداً جداً للريح وامطار تصل للسيول خلال فترة المنخفض اللي بيتوقع ان هو ينتهي يوم الأحد المقبل إن شاء الله.
