讓 我 閃耀
住 打鼓嶺 嘅 東東 ， 一啲 都 唔怕 凍 —— 佢 有 個 暖身 秘訣 ， 就 係 大聲 唱歌 。
星期一 朝早 ， 氣温 得 返 五 度 ， 東東 掖 高 衫袖 ， 大聲 噉 唱 ： 「 讓 —— 我 —— 閃 —— 耀 —— 」
當時 嘅 佢 冇 為意 到 有 人 喺 自己 後面 。
第二 日 放學 ， 班長 跟住 東東 行 。 東東 唔耐煩 ， 就 問 ： 「 你 做咩 成 隻 吊靴鬼 噉 跟住 我 尾 啫 ？ 」
點知 班長 話 ： 「 你 咪就 係 琴日 喺 草地 唱歌 嗰個 人 ？ 首 歌 唔 應該 噉 唱 㗎 。 」
東東 以為 班長 想 笑 佢 ， 嚇 到 面 都 青 埋 。
班長 好 認真 噉 話 ： 「 你 唱 得 咁 好聽 ， 一 個 人 喺 草地 唱 真係 好 大嘥 ， 應該 要 企 出嚟 唱 俾 多 啲 人 聽 ！
「 吓 ？ 」 東東 𢲷 晒頭 ： 「 我 未 試 過 喺 人哋 面前 唱 完 一 首 歌 㗎 噃 —— 」
班長 話 ： 「 你 琴日 咪 試咗 囉 。 唔 信 嘅話 ， 聽 我 唱 返 你 首 飲歌 ： 『 讓 —— 我 —— 閃 —— 耀 —— 』 ⋯⋯ 」
東東 截 住 班長 ， 話 ： 「 咪 再 笑 我 啦 ！ 其實 我 之前 都 試 過 一 個 人 企 喺 台 上 唱歌 㗎 ， 但係 ⋯⋯
「 我 望 住 台上 嗰 盞 好 掁眼 嘅 大光燈 ， 就 開始 係噉 標汗 ， 仲 緊張 到 成身 震 晒 ， 入 唔 到 個 拍子 …… 」
班長 拍 晒 心口 話 ： 「 噉 我 畀 暗號 你 ， 提 你 幾時 入 ， 咪 解決 到 囉 ！ 」
東東 諗 咗 一陣 ， 覺得 要 畀 個 機會 自己 改變 ， 就 報名 參加 校慶 表演 。
星期六 、 日 ， 東東 特登 留 喺 屋企 ， 對 住 空氣 、 幻想 前面 有 好多 觀眾 噉 唱歌 。
佢 唱 得 越嚟越 大聲 ， 仲 借 咗 班長 屋企 隻 羊 嚟 練習 上 台 表演 。 唱 完 之後 ， 東東 同 隻 羊 講 ： 「 如果 你 想 繼續 聽 我 唱歌 ， 就 講 啲 嘢 啦 。 」
隻 羊 一路 含 住 棵 草 ， 一路 話 ： 「 咩 。 」
校慶 到 喇 ， 啲 老師 、 家長 都 擁 晒 去 台前 。 東東 冇 諗 過 會 有 咁 多 人 嚟 ， 佢 企 喺 台 上面 ， 個 心 開始 緊張 。
嗰 盞 熟口熟面 嘅 大光燈 突然 著 咗 ， 仲 射 住 東東 企 緊 嗰個 位 。
「 死 啦 ！ 」 東東 心諗 ： 「 咁 多 人 睇 住 我 入 唔到 拍子 ， 好 瘀 呀 ！ 」
「 咩 。 」
東東 聽到 上面 有 聲 ， 就 𩓥 高 頭 —— 原來 班長 擒 咗 上 樹 ！ 佢 口噏噏 噉 打 暗號 ：
天空 海 闊 任 鳥 飛
小小 天地 跳 飛機 ⋯⋯
一二三 ， 到 你 ！
東東 即刻 深 吸 一 口 氣 ， 然後 大聲 唱 ：
讓 我 閃耀 讓 我 閃耀
讓 我 發出 光輝 將 個 世界 照
能 令 整個 世上 添 歡笑
如同 亮光 世上 照 ——
東東 唱歌 嘅 時候 ， 成 個 人 閃閃 發亮 ， 閃亮 到 所有 觀眾 都 入 晒 迷 ， 耳邊 淨係 聽 到 佢 把 聲 ， 眼中 淨係 望 到 佢 一 個 ……
