親親 大自然

親親 大自然

阿大 ， 一 個 人 坐 喺 海邊 ， 望住 個 大海 ， 完全 冇 晒 心機 。 跟 住 有 個 老人家 走 埋 嚟 ， 佢 問 阿大 做 咩 咁 唔 開心 。

阿大 唔 知 依個 老人家 係 邊個 ， 佢 都 同 佢 講 返 因為 自己 唔 記得 帶 屋企 鎖匙 ， 屋企 又 冇 人 ， 手機 又 喺 屋企 ， 冇 得 玩 手機 ， 所以 只好 一 個 人 嚟 到 沙灘 ， 望 住 個 海 。

阿大 好 大聲 講 句 ：「 好 悶 呀 ！ 好 想 打機 呀 ！ 」

老人家 同 佢 講 ：「 唔 使 咁 灰心 住 ， 你 不如 睇 下 個 天空 。」

阿大 好 開心 噉 講 ：「 係 喎 ， 啲 雲 好似 白兔 呀 ！ 」

阿大 跳 起身 再 講 ：「 又 變 喇 ！ 變 咗 做 魚 呀 ！ 點解 雲 會 咁 得意 嘅 ！ 」

老人家 講 ：「 其實 大自然 比 你 諗 嘅 仲 有趣 ， 同埋 嗰 條 叫 鯨魚 呀 。」

阿大 問 老人家 ：「 噉 佢 有 幾 大隻 㗎 ？ 」

老人家 再 講 ：「 佢 好 大 條 㗎 ， 仲 大過 大象 同 恐龍 。」

老人家 笑 住 講 ：「 連 佢 嘅 心臟 都 大 過 你 個 人 ， 你 話 大 唔 大隻 喇 ？ 」

阿大 好 緊張 噉 講 ：「 你 睇 你 睇 ， 白 兔仔 追 緊 鯨魚 呀 ！ 」

老人家 講 ：「 係 呀 ！ 你 仲 知 唔 知 ， 鯨魚 個 鼻 都 好 大 㗎 ， 係 全 世界 最 大 。」

阿大 瞓 咗 喺 地 度 ：「 原來 大自然 係 咁 得意 㗎 ？ 」

老人家 好 安慰 噉 講 ：「 係 㗎 ， 所以 你 唔 好 成日 掛住 打機 ， 大個 咗 唔 好 淨 係 掛住 做 嘢 ， 要 多 啲 陪 下 屋企 人 。」

老人家 細細 聲 講 ：「 隻 鯨魚 都 好似 想 同 我 依個 孤獨 老人 講 再見 。」

阿大 ：「 好 晏 喇 ！ 要 準備 返 屋企 喇 ！ 老人家 唔 見 你 屋企 人 接 你 嘅 ？ 」

老人家 眼濕濕 噉 講 ：「 我 屋企 人 都 冇 同 我 一齊 住 ， 佢 地 搬 晒 出去 住 喇 ， 得 返 我 自己 一 個 人 住 。」

阿大 ：「 唔 好 唔 開心 喇 ！ 我 下次 再 嚟 搵 你 玩 吖 。」

老人家 點點 頭 。 阿大 屋企 人 都 嚟 咗 接 咗 佢 返 屋企 。

老人家 細細 聲 噉 講 ：「 阿大 ， 我 係 五十 年 後 嘅 你 ，

我 一直 都 掛住 工作 ， 都 冇 好好 享受 過 大自然 。

等到 搵 到 錢 嗰 陣 ， 點知 空氣 污染 同 海洋 污染 太 嚴重 ，

個 天 同埋 海 都 變 咗 做 黑色 ， 天空 同 海水 唔 再 係 藍色 。

好多 海 入面 嘅 魚仔 都 死 晒 ， 就 連 鯨魚 都 死 晒 。

依次 坐 時光 機 返 嚟 ， 係 想 話 你 聽 ，

有時 都 要 享受 一下 大自然 ， 同 珍惜 屋企 人 ，

唔 好 成日 都 掛住 玩 遊戲機 ， 得閒 同 屋企 人 出去 玩 呀 。

唉 ， 我 返到 去 ， 又 得 返 自己 一個 人 喇 。」

講完 ， 老人家 流 咗 幾 滴 眼淚 之後 就 消失 咗 。