哽塞
場景 ： 返學 路上
志明 ： （ 一路 跑 一路 食 包 ） 死 啦 ！ 仲有 五 分鐘 就 遲到 喇 ！ 早餐 又 食唔切 。
偉俊 ： （ 跑 ） 喂 ！ 志明 ！ 你 又 係 起身 遲 咗 呀 ？
志明 ： （ 一路 跑 一路 食 包 ） 係 呀 ！
偉俊 ： 跑 住 食 嘢 你 唔 驚 哽 親 咩 ？
（ 志明 突然 停下 ， 面色 慢慢 變 紅 ， 呼吸 困難 ）
偉俊 ： （ 停 下 ） 做 咩 呀 ？
（ 志明 眼神 驚慌 地 望住 偉俊 ， 一 句 話 都 講唔 出 ）
偉俊 ： （ 驚訝 ） 你 唔係 真係 哽 親 呀 嘛 ？
（ 志明 俾 唔 到 回應 ）
偉俊 ： 自己 咳 唔 咳 到 出嚟 呀 ？
（ 志明 嘗試 咳 但 唔 成功 。 ）
偉俊 ： 唔使 驚 ， 我 試下 幫 你 。
（ 偉俊 企 喺 志 明 身後 ， 雙手 橫 抱 志明 腰部 ， 志明 腰部 向前 彎曲 ， 一個 拳頭 放 喺 肚 上半 部 ， 胸骨 以下 位置 ， 另一隻 手 包住 拳頭 ）
偉俊 ： 我 數 一 、 二 、 三 ， 你 試下 用力 咳 。 一 、 二 、 三 ！
（ 志明 咳 嘅 同時 ， 偉俊 用力 向 內 並 向 上 壓 志明 腹部 ）
偉俊 ： 再 嚟 ！ 一 、 二 、 三 ！
（ 志明 咳 嘅 同時 ， 偉俊 用力 向 內 並 向 上 壓 志明 腹部 ）
（ 麵包 從 志明 口中 吐 出 ， 志明 大力 唞氣 ）
志明 ： …… 唔該晒 …… 頭先 唞 唔 到 氣 ， 爭啲 暈低 ……
偉俊 ： 今次 知 味道 啦 ， 之後 唔好 再 跑 住 食嘢 喇 。
偉俊 ： 人 哽 親 嘅 時候 ， 會 講 唔 到 嘢 ， 呼吸 困難 ， 大力 咳 或者 咳 唔 到 ， 面色 通紅 ， 慢慢 皮膚 、 嘴唇 變 紫 ， 亦 可能 會 失去 意識 。 幫助 哽 親 嘅 人 時 ， 急救者 要 企 喺 哽 親 嘅 人 身後 ， 雙手 橫抱 佢 腰部 ， 哽 親 嘅 人 腰部 向 前 彎曲 ， 急救者 一 個 拳頭 放 喺 肚 上半部 ， 胸骨 以下 位置 ， 另 一 隻 手 包 住 拳頭 ， 哽 親 嘅 人 咳 嘅 同時 ， 急救者 用力 向 內 並 向 上 壓 佢 腹部 ， 直至 卡 喺 喉嚨 嘅 物件 吐 出 。 如果 唔 成功 ， 就要 儘快 打 999 送院 求助 。
