彩虹 嘅 顏色
彩虹 好 靚 , 佢 有 好多 顏色 。 你 數 唔 數 到 佢 有 咩 顏色 ?
紅 。
就 好似 我 細佬 噉 , 佢 着 住 紅色 衫 , 揸 住 個 紅 蘋果 。
橙 。
橙 係 橙色 嘅 。 我 隻 貓 同 我 條 金魚 都 係 橙色 嘅 。
黃 。
香蕉 同 蛋黃 都 係 黃色 嘅 。 佢哋 都 好 好食 。
綠 。
呢啲 樹葉 、 竹葉 , 全部 都 係 綠色 嘅 。 大自然 入面 , 好多 植物 嘅 葉 都 係 綠色 㗎 。
青 。
有 咩 係 青色 ? 啲 草 、 青蛙 同 草蜢 都 係 青色 嘅 。 坐 喺 草地 上面 吹吹 風 , 好 舒服 㗎 。
藍 。
日頭 好天 嗰陣 , 天空 通常 都 係 藍色 嘅 。 望 住 藍天白雲 , 個 人 都 開心 啲 !
紫 。
我 鍾意 紫色 , 我 種 咗 啲 紫羅蘭 。 我 仲 有 條 紫色 嘅 裙 , 我 最 鍾意 着 住 佢 㗎 喇 。
彩虹 有 紅 、 橙 、 黃 、 綠 、 青 、 藍 、 紫 呢啲 顏色 。 試 下 油 返 出嚟 吖 !