科技 之外

Daniel 係 一個 科學家 ，佢 由 細 開始 就 對 環境保護 好 有 興趣。

佢 仲 記得 小學 嘅 時候 ，佢 每次 返學 放學 都 要 經過 大街。 雖然 成個 城市 嘅 人 都 好 有 公德心 ，但 係 大街 一樣 烏煙瘴氣。

媽媽 話 ：「呢 啲 係 工廠 嘅 廢氣 嚟。」

Daniel 問 ：「噉 點樣 先 可以 解決問題？ 點樣 先至 可以 令到 空氣 好 啲？」

媽媽 話 ：「其實 種多 啲 植物 就 得 ，植物 會 吸走 空氣 入 面 嘅 二氧化碳 ，排放 返 新鮮 嘅 氧氣……」

呢 句 說話 Daniel 一直 記 喺 心 入 面 ，大個 之後 終於 成為 咗 一個 環境 科學家。

Daniel 對 世界 嘅 貢獻 好大。 佢 開展 咗 個 結合 機械 同 植物 嘅 工程 ——呢 啲 植物 除 咗 可以 將 二氧化碳 轉換成 氧氣 之外 ，仲 可以 提供 源源不絕 嘅 能源。

Daniel 話 ：「而家 大街小巷 都 乾淨 晒！」

政府 都 好 積極 同 樂意 採用 Daniel 發明 嘅 新 科技。 就 係 噉 ，世界各地 好多 城市 嘅 污染 問題 都 解決 咗。

過 咗 二十年 ，Daniel 同 佢 個 女 Naya 講 ：「如果 你 想 對 世界 作出貢獻 ，你 一定 要 努力 喺 科技 上面 發展！ 就 好似 我 以前 噉 ，我 好 努力 研究 環境 科技 ，今時 今日 大家 先至 可以 享受 到 清新 嘅 空氣……」

Naya 好 同意 ，覺得 爸爸 真 係 好 叻。

有 一日 ，Naya 岀 門返學 ，居然 發現 成條 大街 都 烏煙瘴氣 ，連 啲 空氣 都 黑 麻麻！

佢 即刻 轉頭 返 屋企 同 爸爸 講 ：「爸爸！ 你 快 啲 出 嚟 睇 下！ 突然 間 成個 城市 啲 空氣 勁差！」

Daniel 唔 係 好 信 ，佢 即刻 出門 一睇 ，嚇親！ 明明 前幾日 空氣 仲 好好 ，點解 今日 無 啦 啦 會 變成 噉？

Daniel 即刻 打電話 畀 地方 官員 ，問 ：「發生 咗 咩 事？ 點解 啲 空氣 突然 間 變成 噉？」

官員 好 冷靜 噉 話 ：「你 嗰 個 機械 植物 前幾日 正式 停機 喇 ，所以 呢 幾日 嘅 空氣 咪 變返 十幾年 之前 噉 囉。」

Daniel 好 緊張 ，問 ：「好 哋 哋 做 乜嘢 要 停機？」

官員 話 ：「冇 錢 囉。 嗰 間 每年 都 會 資助 政府 嘅 公司 因為 經濟 唔 好 ，今年 決定 唔 再 畀 錢。 冇 辦法 之下 ，我哋 唯有 停止 呢 個 計劃。」

Daniel 好 嬲 ，問 ：「政府 冇 錢 咩？」

官員 口 窒 窒 噉 話 ：「我哋 年 年 都 唔 夠錢用 㗎 啦……」

Daniel 收 咗 線。

夜晚 一家人 食 飯 嘅 時候 ，電視機 做緊 新聞 ，報導 緊 一年一度 嘅 大型 煙花 晚會。

新聞報導 員話 ：「政府 今年 大肆 慶祝 ，用 咗 五千萬 佈置 最新 嘅 巡遊 花車！ 大家 可以 見到 ，市長 企 喺 花車 上面 ，好開心 噉 同 大家 揮手！」

「爸爸 ，煙花 唔 係 會 污染空氣 咩？ 而家 啲 空氣 已經 咁 差 ……」Naya 問。

Daniel 搖頭 嘆氣 ，話 ：「煙花 係 會 污染空氣。 好彩 我 發明 嘅 機械 植物 有 引進 去 其他 國家 ，我 亦 相信 佢哋 會 繼續 發展 更 多 技術 去 保護環境 ……」Daniel 停 咗 停 ，至 繼續 話 ：「至於 我哋 要 做 嘅 ，係 唔 好 失去 愛護 環境 嘅 心 ，同埋 要 懷抱 希望 ，相信 終 有 一日 ，我哋 嘅 市長 或者 下屆 市長 會 明白 環境保護 嘅 重要……」

第二日 ，所有 新聞 嘅 頭條 都 印住 市長 喺 花車 上面 揮手 個樣。

由於 放 咗 一 晚 煙花 ，今日 空氣 又 差 咗。

但 係 Naya 相信 爸爸 ，相信 希望 在 人心。 佢 帶 住 笑容 ，蹦蹦跳跳 噉 返學 ，努力 將 層層 嘅 陰霾 拋諸腦 後……