聖誕 禮物

Sam 仔 平時 會 問 好多 問題 ，又 會 周圍 揾 答案 。

聖誕 就 到 ， Sam 仔 問 ：「聖誕 禮物 收埋 喺 邊度 呢 ？」

佢 走入 廚房 揾 媽媽 ： 「 媽媽 ， 聖誕 禮物 收埋 咗 喺 邊 ？ 」

媽媽 答 佢 ：「份 禮物 收埋 咗 喺 聖誕老人 度 囉 。」

佢 出 廳 問 爸爸 ： 「 爸爸 ， 聖誕 禮物 收埋 咗 喺 邊 ？ 」

爸爸 答 佢 ：「喺 個 秘密 嘅 地方 啊 。」

Sam 仔 見 媽媽 同 爸爸 嘅 答案 唔 一樣 。

「噉 就 等 我 揾 份 禮物 出 嚟 啦 ！」 Sam 仔 噉 諗 。

Sam 仔 入 咗 爸爸 間 房 ， 喺 書 枱 下面 揾 到 個 紅 盒 。

「上面 寫 住 送 畀 姨姨 嘅 ，呢 份 唔 係 我 嘅 。」

Sam 仔 又 喺 鞋架 度 ，見到 份 包 好 咗 嘅 禮物 。

「送 畀 叔叔 ……都 唔 係 呢 份 。」

Sam 仔 又 喺 媽媽 個 衫櫃 度 ，揾 到 第二 份 禮物 。

佢 見到 上面 寫 住 ：「送 畀 細妹 Sophie 。」

Sam 仔 返 入 自己 房 ，坐 咗 喺 度 。 佢 有 啲 唔 開心 。 佢 周圍 噉 揾 ，都 揾唔到 佢 份 聖誕 禮物 。

佢 突然 睇 到 喺 張 牀 下面 有 份 禮物 。

「係 我 㗎 ！ 我 份 聖誕 禮物 喺 度 啊 ！」

Sam 仔 拎 住 份 禮物 ，輕輕 搖 下 佢 。 佢 想 知道 入面 係 乜嘢 。

「都係 估唔到 。」 Sam 仔 將 份 禮物 收 返 埋 入 牀 下面 。 佢 好 想 聖誕 快 啲 嚟到 。