老鼠 仔 去 冒險

老鼠 仔 第 一 次 嚟 到 人類 屋企 ， 好多 嘢 都 係 第一 次 見 。

「我 叫 老鼠仔 ，喺 屋企 好 悶 喇 ，所以 我 偷走 出 嚟 玩 。 點解 啲 公仔 咁 高 嘅 ？ 佢 做 咩 喺 到 大叫 ，又 跳 嚟 跳 去 呢 ？ 我 唔 明 啊 。」 爸爸 見到 老鼠 仔 好 驚 ，而 媽媽 就 想 捉住 隻 老鼠 仔 。

「點解 又 多 兩 個 公仔 ，佢 哋 都 唔 同 樣 嘅 。 啊 ！ 做 咩 有 一 個 公仔 想 追 我 㗎 ，救命 啊 ！ 」

突然 有 隻 貓仔 出現 喺 老鼠 仔 面前 。 佢 想 捉 老鼠 仔 。 「啊 ！ 呢 個 喵喵 叫 嘅 公仔 係 咩 嚟 架 ？ 點解 我 會 對 佢 特別 驚 嘅 ？ 我 要 跑 快 啲 啊 ，爸爸 ，救命 啊 。」

媽媽 諗 住 拎 個 掃把 可以 捉 到 老鼠 仔 ， 原來 老鼠 仔 已經 唔 喺 原來 嗰 度 ， 去 咗 媽媽 後面 。

「我 喺 你 後面 啊 。 呢 個 公仔 好 傻 啊 ，好好 笑 啊 。」

老鼠 仔 覺得 有 啲 攰 ，所以 坐 咗 喺 婆婆 度 。 婆婆 即刻 驚 到 拎 報紙 亂 打 。 老鼠 仔 好 驚 噉 跳 走 咗 。 全部 人 都 喺 度 揾 老鼠 仔 去 咗 邊度 。

爸爸 係 屋企 入面 最 驚 老鼠 仔 嘅 人 。 佢 哋 到 依家 都 仲未 揾 到 老鼠 仔 。

原來 老鼠 仔 入 咗 一 間 房 。 佢 跳 上去 ，見到 一 個 BB 。

「點解 呢 個 公仔 見 到 我 唔 驚 嘅 ，好似 好 鍾意 我 噉 㖭 。」

「佢 跟 住 我 走 。 我 行 去 左面 ，佢 又 去 左面 ，點解 呢個 公仔 咁 搞笑 嘅 。」

突然 ，老鼠 屋企 人 出 晒 嚟 揾 老鼠 仔 。 啲 人類 見 到 ，全部 驚 到 走 晒 。

老鼠 仔 爸爸 鬧 咗 老鼠 仔 一 餐 ， 但 係 佢 都 仲 係 好 想 再 嚟 玩 多 一 次 啊 。