Introduce Yourself
قدم نفسك
هالة: اهلا وسهلا بالجميع، قبلما نبدي اجتماعنا، خلينا نتعرف عابعض، من فضلكو، كل واحد يقدم نفسو، ويحكي اسمو، ومن وين هو، وشغلو، وهواياتو واي اشي ثاني بحب يقولو.
سها: اسمي سها، انا من رام الله، انا فلسطينية، عمري اربعة وعشرين سنة، انا مش متجوزة وساكنة مع ابوي وامي واخوتي وخواتي.
عندي شهادة بالتاريخ من جامعة بير زيت. بالوقت الحاضر انا معلمة تاريخ في مدرسة ثانوية. بحب أطبخ وأرسم.
أحمد: اسمي احمد، انا من مدينة بيروت، انا لبناني، اتجوزت قبل شهرين. انا ومرتي ساكنين مع اهلي لحد ما نخلص من بنى البيت.
عندي شهادة بالقانون من الجامعة الامريكية ابيروت. الي سنة وحدة بشتغل محامي. بحب العب كرة القدم والطاولة.
فارس: اسمي فارس، انا من مدينة دمشق، انا سوري، انا مهندس معماري وصممت بنايات كثيرة ابوسط البلد. بحب العب شطرنج وبلياردو وبرضو بحب السفر.
عندي ولدين، سامي عمرو اثنين وعشرين سنة ورامي عمرو ثمانتعشر سنة، سامي تخرج جديد من الجامعة ومعو ليسانس في تكنولوجيا الكومبيوتر وعمالو بدور عاشغل. ورامي تخرج من المدرسة الثانوية واجتو بعثة يدرس طب بالمانيا.
نادية: اسمي نادية، انا من عمان، انا اردنية، عندي ولد وبنت، ابني عمرو احدعشر سنة وبنتي عمرها ثمن سنين.
درست طب بالجامعة الاردنية، وانا هسا دكتورة نساء. لما يكون عندي وقت فراغ بحب اسبح واركض، برضو بحب اقرأ وانسج.
