A Job Interview
سها :مرحبا اِسمي سها القدسي ،عندي مقابلة مع مديرة الشركة . ;مقابلة لوظيفة
السكرتيرة :اهلاً سها ،عندك مقابلة لأي وظيفة ؟
سها :عندي مقابلة لوظيفة محاسبة ،هاذي الوظيفة اللي اعلنتوا عنها بجريدة القدس قبل يومين .
السكرتيرة :تفضلي ،ادخلي عمكتب المديرة ،الغرفة اللي عشمالك ،هي بتستناك .
المديرة :اهلا وسهلا ،تفضلي اقعدي .
سها :شكرا
المديرة :خلينا نبلش المقابلة ،شو تحصيلك العلمي ؟
سها :عندي بكلوريوس اِدارة أعمال .
المديرة :من اي جامعة تخرجت ؟
سها :تخرجت من جامعة بير زيت
المديرة :كم سنة خبرة عندك ؟
سها :عندي خمس سنين خبرة بشغلي السابق .
المديرة :شو كنت تعملي هناك ؟
سها :كنت محاسبة للشركة ،بس استقلت
المديرة :ليش استقلت ؟
سها :لما تجوزت قبل شهرين ..
المديرة :مبروك ، انشا الله بتتهني
سها :شكراً ،استقلت من شغلي قبلما تجوزت ورحلت عاهذي المدينة لأنو شغلي هناك بعيد كثير عن بيتي الجديد
المديرة :من الواضح انو عندك شهادة وخبرة لهذا الشغل ،وشو عن مهاراتك في الكومبيوتر ؟
سها :عندي مهارات في مايكروسفت اوفس ،وويندو اكس بي وفي الانترنت . اخذت دروس كثيرة في الكومبيوتر وانا بالجامعة .
المديرة :كم لغة اجنبية بتعرفي ؟
سها :انا بتكلم اللغة الانجليزية والألمانية بطلاقة . تخرجت من مدرسة طاليتا قومي وهاي المدرسة بتركزعاللغات .
المديرة :ممتاز . بتحبي تحكي اشياء عن نفسك ؟
سها :بحب اقولك اني موظفة مخلصة ،بيجي عالشغل في الوقت المحدد وبستغل وقتي منيح . انا منظمة جداً وكل شغلي متقن ،وبرضو عندي مهارات ممتازة بالتعامل مع الناس .
المديرة :ممتاز ،اذا توظفت عنا ،رح يكون دوامك خمس تيام بالاسبوع من الساعة تسعة الصبح لحد الساعة اربعة بعد الظهر . ورح تحصلي عتأمين صحي بعد ثلث تشهر شغل . وكل سنة رح تحصلي على زيادة من ثلاثة لخمسة بالمية وهذا بعتمد عشغلك . ورح تحصلي عواحد وعشرين يوم اجازة كل سنة . عندك اي اسئلة ؟
سها :ماعنديش ولا سؤال . شكراً كثير
