Lesson 4 Palestinian Arabic
مسا الخير
مسا النور
أهلا فيك
تفضل فوت، شو بدّك، يا خيّي؟
بدّي منّك اشي زغير: فيش عندي كبريت في البيت، فيه عندك؟
آه، معلوم، تفضل،بكفي؟ بدّك كمان اشي تاني؟
سلامتك
كيف ابنك التاني في المدرسة؟
منيح، الحمدلله. كمان البنت في المدرسة، بس كل هادا بدّه مصاري!
منشان أيش المصاري يا خيّي؟
منشان الكتب والدفاتر، كل يوم كتاب جديد وكمان دفتر وكمان دفتر، مش ممكن!
بس انت مبسوط من المدرسة ومن الأولاد؟
كتير مبسوط منهن
أيش بدّك أكتر من هيك؟
الحق معك!
الدرس هادا هيّن ولّا صعب؟
يعني ... مش صعب كتير.
يعني هيّن متل الدرس الأول؟
كل شي بدّه وقت، أنت تعبان؟
اليوم لأ، مش متل امبارح.
هالولد شاطر كتير!
فيش متله في المدرسة.
منشان مين هالكتب؟
منشانه ولّا منشانك؟
منشاني
