سالم بيرجع عبيتو من الشغل ,
هو بسوء سيارتو كل يوم من البيت للشغل ,
في كتير سيارات عالأوتوستراد .
الأوتوستراد عجئة كتير ,
سالم عصب وإكتئب ,
شغل الراديو ليسمع الأخبار ,
بعدين تسمع عشوية أغاني ,
و بعدو زهئان وتعبان .
الأوتوستراد كل يوم معجوء ,
سالم عم يفكر يشتري موتو بدل السيارة .
هاي هي نفس الئصة منئالة بطريئ مختلفه .
أنا بجي عالبيت من الشغل ,
أنا بسوء السيارة كل يوم من للشغل للبيت ,
في كتير سيارات عالأوتوستراد .
الأوتوستراد كتير عجئة ,
وأنا معصب ومكتئب ,
شغلت الراديو لأسمع الاخبار .
بعدين تسمعت عشوية أغاني .
و بعدني زهئان وتعبان .
الأوتوستراد كل يوم بكون معجوء ,
أنا عم فكر اشتري ميتور بدل السيارة .
الأسئلة :
واحد :سالم كل يوم بيرجع عبيتو من شغلو بسيارتو .
سالم بالشغل شي ؟
لأ .سالم مش بالشغل ،سالم بيرجع ع بيتو من الشغل كل يوم .
اثنان :في كتير سيارات مع سالم ع الأوتوستراد .
في سيارات كتير ع الأوتوستراد شي ؟
أي .في سيارات كتير ع الأوتوستراد .
ثلاثة :سالم ما عم يئدر يتحرك لأنو عالأوتوستراد كتير عجئة .
بيئدر سالم يتحرك شي ؟
لا .سالم ما بيئدر يتحرك لأنو عالأوتوستراد كتير عجئة .
أربعة :سالم معصب ومكتئب .
سالم مبسوط شي ؟
لأ .سالم مش مبسوط ,سالم معصب ومكتئب .
خمسة :سالم عم يسمع الأخبار عالراديو بسيارتو .
سالم عم يسمع أخبار شي ؟
أي ،سالم عم يسمع الأخبار عالراديو بسيارتو .
ستة :الأوتوستراد كل يوم معجوء .
الأوتوستراد كل يوم معجوء شي ؟
أي ،الأوتوستراد كل يوم معجوء .
سبعة :سالم عم يفكر يشتري موتو بدال سواءة السيارة .
سالم بدو موتو شي ؟
أي .سالم عم يفكر يشتري موتو بدال سواءة السيارة .
