اليوم رجعنا بحلقه جديده مع مها ضيفتنا المحبوبه واليوم عنا موضوع مثير اول شيء
مرحبا مها شكرا لحضورك معنا اليوم اهلا وسهلا فيك معنا ب Arabic all the time
مرحبتين ميرسي الك اهلا فيك اهلا وسهلا شكرا الك هلا اليوم هو موضوع
عفوي وموضوع هيك مثير موضوع عن شيء ثقافي اكثر شوي اليوم بدنا نحكي عن
احد اهم المطربين او المغنين العرب في التاريخ العربي كله مطربه صوت جميل جدا
من لبنان هذا الصوت اثر ب بكل العرب ما بتخيل في انسان عربي ما سمع هذا الصوت
وتأثر فيه من طفولتنا نحن ربينا عليه ولحد الان هو مرافقنا هو جزء من حياتنا اليوميه
طبعا للي بيعرف الثقافه العربيه بيعرف تحديدا بلاد الشام فبيعرف عن مين عم
بحكي انا عم احكي عن فيروز نعم
ايه فيروز هي اكثر من انه مغنية هي رمز هي جزء من من شخصيتنا من روحنا من طفولتنا
شيء كثير مهم يعني انا ما يعني كثير بشوف انا هذا الشيء مهم انه الناس بمتعلمين
اللغه العربيه واللهجه الشاميه تحديدا يكونوا بيعرفوا هذا الشيء لانه
تعلم اللغه هو مو بس تعلم الكلمات هو تعلم كمان الثقافه والشيء اللي بيهم يعني ثقافه
الناس اللي بتحكي هاللغه وبالنسبه لنا فيروز هي شيء مهم جدا
و واليوم مها ضيفتنا من لبنان فهي يعني من احق الناس بانها تحكي عن فيروز وتشاركنا
هيك تحكي لنا شوي شو تعنيلنا فيروز بتعني لجميع العرب
للبنانيين لغير لبنانيين للسوريين لكل الناس اللي بحبوا هذا الصوت الساحر
والجميل فـ مها شو بتعنيلك فيروز مين هي فيروز
عن جد انا كثير كثير بحب فيروز يعني قد ما قلك بحب فيروز اكثر
فيروز مثل ما قالت هي مش بس مطربه لبنانيه عاديه
هي هلا عنجد صارت جزء من لبنان يعني فيروز موجوده بعتقد بكل بيت في فيروز بكل بيت
في ناس يعني فيروز هيك بتفوت على القلب عن جد بالنسبه لي مطربه يعني هيدي
ما بعرف يعني مش مش كل يوم بيخلق شخص مثل فيروز يعني لهالدرجه هي مميزه
اي هي صارت رمز رمزترمز للبنان يعني شو رمز يعني هلا اذا انت بتروح بتقول انه
بتفتش مثلا شو هو لبنان او شو هيدا البلد او اذا بدك تحكيلي عن لبنان ب ما بعرف
خمس كلمات او خمس اسطر اكيد في فيروز هنيك رح يكون رح تلاقي فيروز
لانه هيك فيروز يعني لبنان عنجد ليش لانه هيدي الانسانه اول شيء صوتها رائع يعني ما
في ولا صوت بيشبه صوتها عن جد ايه كثير فريد نحن بنقول كثير فريد من نوعه هيك بس
تسمع هيدا الصوت دغري بتعرف انه هيدا فيروز اي مش معقول شو هيك صوتها لما تسمع
هيدا الصوت بترتاح بالنسبه الي انا كثير بريحني اي الاغاني عنجد اغانيها
مميزه كثير المعاني كل اغنيه بتحكي قصه في عندها اغاني كثير كثير مختلفه يعني اغاني
حلوه رايقه هاديه اغاني لا اغاني رقص اغاني شعبيه اغاني دبكه كثير
وكمان عندها اغاني كثير حزينه على فكره ومش بس غنيه انا لاحظت انه عندها كثير
اغاني حزينه وحسب ما فهمت انه هي حياتها كانت كثير صعبه وفي عندها مشاكل يعني اكيد
مثل اي انسان بس في اشياء خاصه يعني ما حدا بيعرفها او انه هي ما بتشاركها مع
الجمهور يعني اكيد بالنهايه هي حياتها الشخصيه
بس هي عندها اغاني كثير حزينه بس الحلو بالموضوع انه حتى لما انت بتسمع هدول
الاغاني الحزينه بتحس هيك بشيء حلو يعني انت مش انه انا مبسوطه لانه هي زعلانه لا
بس ما بعرف هيك بتفوت بتفوت على قلبك كانه بتمس بتمس بمشاعرك بتمس
داخلك الطريقه اللي بتغني فيها فاي كثير فيروز اذا بدي احكي عنها يعني بضلني احكي
ساعات وساعات بس هلا يعني اي شخص اذا بده يجي على لبنان اجنبي وحابب يشتري سوفنير
يعني شو سوفنير بالعربي دائما بنسى تذكار تذكارات من لبنان يعني اكيد 100%صح
شو ما بدكم تشتروا اذا بدكم تشتروا فناجين قهوه اذا بدكم تشتروا جزدان اذا بدكم تشتروا
شيء مغناطيس لتحطوه على البراد اكيد رح تلاقوا كثير اشياء عليها مكتوب فيروز او
رح تلاقوا صوره فيروز على هيدول التذكارات مثل ما قلت لكم بكل
بساطه هي صارت جزء من تاريخ لبنان الفن الحلو هي عن جد بتعكس
صوره كثير حلوه عن لبنان اييه من خلال الفن و الموسيقى
وايه فيروز يعني هي طبعا بتصلح لكل الاوقات
ولكل الاماكن بس يعني هي مرتبطه بجزء يعني بوقت
محدد اكثر شيء يعني بحياتنا ايمت بالعاده بتسمعي
فيروز انت هلا صراحه عن جد رح اجاوبك على هيدا
السؤال بس ما راح احكي عن حالي هلا رح اقول لك مظبوط بلبنان عن جد
في عاده عند كثير ناس انه يسمعوا فيروز الصبح عن جد يعني هلا اذا انتم بتروحوا
على اي كافيه او على اي مطعم الصبح يعني الساعه 8الساعه 9:0099%هيدا الكافيه رح
يكون حاط اهان فيروز والله بالمطعم 99% يعني هيدا الشيء معروف ونحن بنتوقع وقع
حتى هذا الشيء وكثير ناس بيسمعوا فيروز ايمتا الصبح بالسياره
هن ورايحين على الشغل ع الطريق
هن رايحين على الشغل في كثير ناس بيسمعوا فيروز في ناس يعني بالشغل بعتقد صعبه شوي
حسب الواحد شو بيشتغل بس انه في ناس بيسمعوا بحطوا هلا التليفون بس من زمان
كانوا يحطوا الراديو ويحطوا كاسيت فيروز ايه
صح ف انا بصراحه ما عندي يعني روتين فيروز هي مش منا جزء من روتيني انا اليومي
بطل عندي روتين يعني من لما صار عندي ولد حياتي كلها صارت كثير غير يعني عن قبل بطل
في انه اعمل هيك روتين انه هلا بدي اسمع فيروز بعد شوي بدي اعمل رياضه بعدين بدي
ابلش شغل بعدين بدي اعمل اكل كثير صعب هيدا الشيء صار بس هيدا موضوع ثاني فينا
نعمل بعدين فيديو عنه بس ايه من وقت لوقت صراحه ايه بسمع فيروز وعندي على التليفون
بلاي ليست يعني في كثير اغاني بحب اسمعها
ايه ما بزهق منهم نحن بنقول ما بزهق من فيروز حتى لو انه ه الاغاني كثير قدام
اغاني كثير قديمه هالاغاني فيروز ما بتموت عن جد غريب فيهم في شيء فيهم في مثل سحر
كانه يعني هم كانوا بهديك السنين بهذاك العصر ناجحين وبعدهم لهلا
يمكن هلا كمان اهم من قبل لانه يعني بهيدي الايام الفن عم يتغير يعني وطريقه التعبير
عم تتغير خلال الموسيقى فكانه هلا صرنا عم نحس اكثر بقيمه هول الاغاني حتى اكثر من
قبل
ما بزهق منهم بسمع دائما يعني هم ذاتهم لانه هلا فيروز ما قلنا نحن انه فيروز هي
من مواليد ال 1935يمكن هلا شفتها يعني مش انه انا حافظه هذه المعلومه بس انه هلا هي
صار عمرها 90سنه تقريبا فهي من زمان بطلت تعمل اغاني جديده اي
هلا اوك من فتره بلا من شي 1020سنه يمكن عملت البوم بس ما نجح صراحه كثير مثل
الالبومات يلي هي عملتهم مع الاخوين الرحباني يعني هول شخصين كثير كثير
مشهورين منصور الرحباني وعاصي الرحباني كمان
ايه رمز كمان او انه جزء كثير كبير من الفن بلبنان من الثقافه
ف ايه هول الاغاني اللي نحن هلا بنسمعهم يلي هن كثير مشهورين عمرهم عشرات السنين
عن جد كثير قدام بس لهلا يعني بتفوت على اليوتيوب مشاهدات بالملايين
اغاني ما بتموت
صحيح فيروز غنت عن كل شيء ما تركت يعني موضوع وما غنت عنه غنت عن عن كل شيء عن
الحب عن الوطن عن التضحيه عن الحزن عن الطبيعه عن غنت لبيروت لدمشق لبغداد للقدس
غنت عن كل شيء لكل لكل كل شيء يعني ف فهذا التنوع الكبير بخلي انه فعلا
الواحد ما فيه يمل منها وغنت كمان لفتره طويله كثير يعني هي بلشت بسنه ال 57
واخر البوم لها هو كان هذا الالبوم اللي عم تحكي عنه هو كان سنه ال 2010ايه
اللي هو اجا شوي يعني بعد فتره انقطاع وفعلا يعني ما كان انه
بجوز النجاح امم ايه بس يعني كمان كان البوم حلو يعني ما
بعرف انا حبيته يعني انا بحب اي شيء من فيروز
اكيد بس ايه اكيد يعني الاعمال اللي صارت
بعهد الاخوين الرحباني الاخوين الرحباني طبعا هن بس هيك لنعرف شوي فيهم الاخوين
الرحباني هن زوج فيروز واخو زوج فيروز هن الاخوين عاصي
وشو اسمه الثاني والله نسيت عاصي الرحباني منصور عاصي ومنصور منصور الرحباني
اللي هن عاصي الرحباني هو زوج فيروز ومنصور الرحباني هو اخو زوجها فهن كانوا الملحنين
اللي عملوا الموسيقى لمعظم اغاني فيروز الخالدة الاغاني
الiconic الاغاني اللي هي يمكن اجمل اغاني فيروز
بعدين بعد وفاه عاصي الرحباني اللي صار انه ابن فيروز اللي هو زياد
الرحباني اللي توفى السنه الماضيه زياد هو اللي صار اللي لحن لفيروز وكان هذا
الشيء يعني نقله كبيره باغاني فيروز في ناس بتحب كثير اسلوب زياد وفي ناس مو كثير
يعني كانت بتدعم اسلوب زياد بس انا برايي هو كان يعني موسيقار رائع كمان و طبعا
السنه الماضيه توفى مات ابن فيروز وكان مشهد حزين كثير لما شفنا
فيروز امه وهي يعني المرأة الكبيره اللي عمرها 90 سنه رايحه بالكنيسه لتحضر القداس
ابنها كان منظر جدا محزن يعني وكثير اخذ انتشار واسع كثير بالعالم العربي كثير كل
الناس حكت عن هذا الظهور للسيده فيروز بهذا المشهد الحزين بوفاه ابننا
زياد الرحباني اللي هو كمان كان موسيقار كثير مهم
ا ما بعرف انا كثير بتحمس ويعني هيك emotional لما احكي عن فيروز واحكي عن عن
تجربتها هلا انا ا بدي هيك بس حابب اشارك شوي من ا انه نحن يمكن الناس تفكر اه هي
مطربه اللبنانيه هي رمز للبنان وهي هيك انا ما بعرف اذا مين اكثر بيسمع فيروز اذا
انا بتخيل بسوريا بيسمعوا فيروز اكثر من لبنان يعني
ممكن ما بعرف ممكن ليش لا انا بطفولتي
يعني ما بعرف
كان عننا شيء غريب مها يعني ما بتتخيلي عن جد
ا لما نصحى الصبح كل قنوات الراديو كل قنوات الراديو حاطين
فيروز الكل يعني بيكونوا حاطين اغاني مختلفه لفيروز
انه اه اذا بدك تغير جو اسمع اغنيه ثانيه لفيروز بس بدك تسمع فيروز بدك تسمع فيروز
ما في مهرب يعني انا اللي بتذكره انه اه اصحى تكون الماما حاطه مشغله فيروز
بالراديو ام بصحى على صوت فيروز بطلع هيك ب يعني ب بالبيت كنا هيك بالجنينه اللي هي
الباتيو والباك يارد بطلع بفتح الباب بفتح الشباك بسمع الجيران عم حطوا فيروز حاطين
فيروز اه بجهز حالي بروح على المدرسه بالمدرسه
بالطريق الى المدرسه اذا رايح انا بتاكسي او رايح بباص او كيف ما كنت رايح تسمع
فيروز شوفير التاكسي شوفير الباص حاطت فيروز انه رمز القهوه الصباح مع فيروز
قهوه و فيروز يعني هذول الشغلتين مرتبطين كثير كثير ببعض صح
في يعني انا اللي بتذكره انه كان بكل مكان انه يعني حتى اذا بدك تهرب
من من اغنيه مثلا لفيروز فان بدك تسمع اغنيه ثانيه لفيروز ما لك مهرب نعم
هيك بلبنان في هذا الهوس بفيروز ولا يا كمان
مبلا مبلا مثل ما قلت لك يعني حتى انه بكل الكافيات والمطاعم بالقهاوي الصبح اكيد في
فيروز حتى اذا رحت على مسبح يعني بدك تسبح عند السين بحطوا فيروز كمان الصبح
يعني الصبح دائما والله اي ايه عن جد عم بحكي وحتى مثل ما قلت يعني هلا هول
الفيديوهات يلي بيعملوهم على التيك توك او على ما بعرف شو هيدا انه واحد عم
يصب فنجان القهوه وعصافير وشجر وما بعرف شو اكيد في اغنيه فيروز رح يكون بالبدايه
يعني فايه كل يوم كل يوم ايه
ممكن مع مثل ما قلت انه صارت فيروز رمز مش بس للبنان رمز للمنطقه العربيه كلها
بالنهايه نحن كلنا عرب يعني هويتنا وحده ف واكيد ما فينا نقول انه هيدي لإلنا انتوا ما
فيكم تسمعوها انه اكيد لا بالعكس هيدا الفن هي مثل ما قلت بتغني المواضيع يلي
بتحكي عنها هي بتمس بكل شخص يعني ايه عربي او لبناني او سوري او حتى مش عربي من
الاساس يعني هي مواضيعها كثير انسانيه يعني مواضيع انسانيه
ف ايه بتذكر في مره تلميذه سالتني عن اغنيه لها وانا يعني بعرف الاغاني لانه من
زمان من انا و الصغيره ولا مره فكرت بالكلمات او بالمعنى خلص انه بغني بغني
بلا ما احس فكانت عم تسالني عن اغنيه
وانا انه عم بشرح شرح لها بالانجليزي انه شو المعنى وانا فكرت انه شو
شو عم تقول فيروز انه هون انه شو كانت الجمله اي
شو كانت الجمله
الغنيه كانت يمكن يا الله صرلي شي صرلي شي 100سنه مشلوحه
بهالدكان بتعرفها
ضجرت مني الحيطان ومستحية تقول
فعم تسالني شو يعني انا فكرت انه شو بدك تقول
غنية كثير حزينة كثير حزين فـ غنيه كثير حزينه
ايه انا كثير بحبها كمان هالاغنيه يعني كثير كل اغاني فيروز كثير حلوه
هي هي كثير حلوه بس هيك بتحكي عن الوحده وعن
هيك عن صعوبه الوحده قالت انه شو انه انه ليش عم بتغني هيك ؟
قلت له انه ايه عن جد يعني حزينه كثير كانت هيدي الجمله ايه
مش بس هيك يعني في اغنيه ثانيه انا كمان كثير بحبها
اي شو اسمها اي يا الله تعيت المفرق والشمسيه ما بصدق انه نسيتا
قديش كان في ناس عالمفرق تنطر ناس برافو برافو
بالضبط اي انه وانا ما حشوف بتقول انت ايه
و نسيته يا الله عن جد انا تعبانه نسيتا للغنيه شو بتقول
اخر شيء انه ما حدا نطرني ايه ايه وتشتي الدني
ويحملوا شمسية يحملوا شمسية وانا بايام
الصحو مع حدا نطرني كثير حزينه انه
انه ايه عن جد شو هالغنيه بس بنفس الوقت بتوجع ايه
بتوجع ايه بس كثير ناجحه وكثير حلوه يعني
ما بعرف ايه يمكن فيروز انا بسمع كنت سامعه مثل مش صوره نمطيه بس انه كنت اسمع
اي ناس انه هي كانت تقول عن حالها انه هي ما بتشوف حالها حلوه انه من برا عم نحكي
عن المظهر الخارجي امم كانت تقول انه اسمعوني بس ما تشوفوني او
ما تطلعوا فيي هلا انا بشوفها كثير حلوه يعني اوكي بالنهايه الجمال نسبي يعني اي
كل انسان بشوف فيي انا شوف شيء حلو انت تشوفه بشع وبالعكس صحيح بس ايه انا سامعة
سامعه هيدي المعلومه ما بعرف اذا مضبوطه فيمكن كرمال هيك هي انه اذا هالشيء مضبوط
بفسر انه ليه هي عامله هول الاغاني انه يمكن واجهت صعوبه هيي لتلاقي الحب او ما
بعرف بس ما بعرف عنها شيء يعني بس ايه اغانيها رائعه
هي فعلا هي بتحب الخصوصيه و السريه
حياتها ما ما منعرف كثير عن حياتها يعني مضبوط
وما بتحب تعلن يعني عن اراء او عن شيء ويمكن هذا الشيء سبب مشكله لها مع ابنها
زياد اللي مره حكى يعني عن لسانها وهي ما كانت حابه انه تشارك اراء سياسيه او شيء
فصار خلاف خلاف بين الاثنين يعني انه هي بتحب دائما
الخصوصيه وتحافظ على حياتها الشخصيه بعيدا عن الاعلام
وبالحقيقه يعني نجحت بهذا الشيء يعني وفعلا يعني ما ما بنعرف نحن كثير عن حياه
فيروز الشخصيه بس اي اللي بنعرفه هو لانه شيء واضح جدا يعني
كثير صح يعني هي ببداياتها كانت اذا
بتتذكر انه تعمل كثير مهرجانات ومسرحيات هي كانت كثير معروفه بهول الاغاني
الاغاني الشعبيه عرفت والدبكه والرقص التقليدي والفلكلور
بس بطلت يعني من زمان وما يعني هي كثير حلوين هدول انا
كثير بحب هدول المسرحيات اللي كانوا يعملوها
مع نصري شمس الدين و وديع الصافي يعني كانت
هي تحف فنيه يعني ماستر بيسز لهلا يعني انا يعني بشوفها من اجمل الاغاني لفيروز
صح اللي بدي اقلك ياه انه قد ايه غريبه
يعني هلا تلاقي شخص هالقد مشهور مثل فيروز اي وعايش حياته بهالطريقه يعني عنده عنجد هالقد
خصوصيه خاصه بهذا الزمن اللي نحن عايشين فيه
ما بتعمل مقابلات مستحيل ما بتشوفها بالمقابلات ما بتروح على
يعني مع اي حدث فني ما بتلاقيها يعني لما شفناها على التي في لما توفى ابننا زياد
الله يرحمه كانت شو اول مره بنشوفها من قديه ما
منشوفها يعني ما بتطلع ما بتبين ابدا وكيف نجحت هي انه كيف قدرت تعمل هذا الشيء
وهي شخص هالقد مشهور وهالقد معروف مش هينه صراحه غريبه كمان
صحيح صح
هلا يعني بعصر ال السوشال ميديا والتيك توك والانستغرام
وهيك والستوريز يعني معظم الفنانين بشاركوكي تفاصيل حياتهم لحظه بلحظه فهي
فعلا هي فيروز استثناء و بالعكس يمكن هذا الشيء ساهم بانه تكون تتحول لرمز لانه
هيك شيء يعني هو بعيد عن الاراء الشخصيه هي شيء رمز انساني اكثر
بيحكي عن كل المشاعر البشريه التجربه البشريه
هلا مها انت ذكرتي انه عندك بلاي ليست لفيروز انا عندي فضول هذا دائما
يا الله كيف بدي يعني هالموضوع هو موضوع الجدل كبير انه
لما الواحد بيسال شو اغنيتك المفضله انه اوكي حكيت لنا عن فيروز وبتحب فيروز
وفيروز فيروز فيروز طيب اعطيني اغنيه شو اغنيتك المفضله لفيروز ؟
شو انت شو اجابتك لهذا السؤال ؟كتير في اغاني انا بالنسبه لي يعني هذا السؤال صعب كثير يعني
كثير فعلا كثير صعب ما عندي اغنيه واحده معينه
عندي كثير اغاني بحب اسمعهم وعن جد حسب المزاج يعني انا هلا جايه عبالي اسمع غنية
رايقه بسمعها اذا انا هلا عن جد مثلا ما بعرف متدايقه جاي على بالي اسمع اغنيه
حزينه بسمع اغنيه حزينه اذا انا حاسه حالي انه بدي ارقص وجاي عبالي اسمع موسيقى سريعه
بسمع دبكه يعني هي اغانيها كمان عندها اغاني كثير حلوه ايه من هيدا اللون
بس انا كثير بحب غنيه يا طير بتعرفها يمكن
اه حلوه يا طير يا طاير
انا صوتي ابدا مش حلو مارح غني بعتذر منك يعني صوتي حلو بس بالحكي بس بالمغنى ابدا
بالعكس بالعكس صوتك كثير حلو انت ابدا انا انا ما جربت غني بعد
بس لا بحب يا يلا next step
ايه لا مستحيل لا انا بعرف انه عندي موهبه يمكن بهدا المجال انه بقدر احكي بهالطريقه
ما بعرف اذا حتى فينا نسميها موهبه بس في ناس عم بقولولي انه هيدي موهبه بس موهبه
الغنى بعرف انه اكيد ما عندي اياها ابدا يعني بتمنى لو كان عندي اياها لانه انا
كثير كثير بحب الموسيقى على فكره والموسيقى جزء من حياتي كثير بسمع كل يوم
يعني ما بيمرق يوم الا ما بسمع في موسيقى من كل الالوان
بس ايه بحب يا طير شو كمان بحب اي كثير هيدي اول وحده اجت على راسي لانه
بحبها كثير ايه اها
انت ؟
والله هي صعب مثل ما عم تحكي يعني صعب الواحد يختار هلا انا كثير بحب الشعر
العربي وبحب اللغه العربيه الفصحى كثير يعني كثير كثير فاللي بيخطروا ببالي هن
شو كان اسمها في جادك الغيث هي من الموشحات الاندلسيه
ايه جادك الغيث اذا الغيث هما يا زمان الوصل في الاندلس كثير بعشق هالغنيه
والاغنيه الثانيه هي يا حبيبي كلما هب الهوا وشذى البلبل نجوى حبه الله انا انا
كثير كثير بحب ه الاغنيه بس طبعا مثل ما حكيتي بانه حسب المزاج لكل وقت في
اغنيه مناسبه وصعب صعب كثير الواحد هيك يختار اغنيه
وحده في كمان هذول قديش كان في ناس واهواك
عهدير البوسطة ،زوروني كل سنه مره حرام تنسوني بالمره
ما هيك وعهدير البوسطه اه على هدير البوسطه
صح عيونك يا عليا يا عليا شو حلوين
كثير كثير الاغاني يعني اللي فينا نذكرن لفيروز ايه واذا اذا بدنا نقول للي عم بيسمعونا
عن جد انه فيكم تستفيدوا من اغاني فيروز انه تقدروا تتعلموا منهم كلمات بالعربي بس
بدي اقول لكم انه اي انتبهوا لانه في اغاني بالفصحى يعني انا بعرف انه في
تلاميذ ما بدهم بالفصحى في كثير باللهجه اللبنانيه وفي كثير بالفصحى فانتم بعتقد
رح تقدروا تميزوا يعني واذا ما عرفتوا انه اذا فصحى او لا فيكم تسالوا دائما تشات جي بي تي
صديقنا المفضل هلا انا بصراحه بشجع يسمعوا التنين
بالنسبه إلي اغاني فيروز الفصحى وبشكل عام الاغاني بالفصحى والشعر والهي يعني هي
كنز كنز باللغه العربيه شيء رائع جدا مزبوط
فـ ايه محادثه مثيره شكرا لك مها اكيد رح نستمر نعمل محادثات اكثر واكثر فشكرا كثير
لكل من تابعنا اليوم واذا بتحبوا تتعلموا عربي بطريقه سهله وممتعه وبتحبوا تسمعونا
اكثر عم نحكي عن مواضيع ثقافيه بتهمكم كمتعلمين لغه عربيه خبرونا بالتعليقات
وإن شاء الله رح نقرا جميع التعليقات ورح نحاول نستمر بهي المحادثات
ومها شكرا كثير إلك بشوفك بفيديوهات جايه ان شاء الله مع السلامه
