مرحبا انا مهى و هيدي التشانل لكل الاشخاص يلي عم يتعلموا عربي و بيحبوا يسمعوا شيء
بالعربي باللهجه اللبنانيه اليوم انا راح احكي مع حسن صرتوا تعرفوه
لحسن اليوم نحن رح نتحدث يعني ما راح تكون مقابله واحد عم بيسال اسئله والشخص الثاني
عم يحكي بس لا اليومنحن نقينا موضوع حلو كثير وهيدا الموضوع صراحه نحن
اثنيناتنا نحن الاثنين بدنا نعطي راينا فيه اثنيناتنا
بدنا نحكي عنه اوكي الموضوع شخصي كثير ان شاء الله يعجبكم نحن رح نحكي عن اليوتيوب
كيف بلشنا وليش واذا نحن مبسوطين بهالتجربه او لا رح نحكي عن كل التفاصيل
مع بعض ويلا جاهزين ؟
خلينا نبلش [ضحك ]مرحبا حسن كيفك اليوم ؟
اهلين معها اهلين تمام الحمد لله شكرا لاستضافتك وللموضوع الحلو هذا اليوم
فيديو عفوي جدا بدون تحضير مسبق بس لانه هيك عننا [ضحك ]
شغلتنا اليوتيوب هلا فنحن رح نحاول نحكي نناقش هذا الموضوع كيف تجربتنا باليوتيوب
بتمنى يعني تكون هيك محادثه مفيده لمتعلمين العربي
صح اكيد اكيد اول سؤال رح اسالك اياه هو كيف بلشت باليوتيوب ؟
وليش ليش قررت تعمل يوتيوب تشانل ؟شو صار ؟خبرنا القصه من الاول
هلا هو سؤال كثير صعب [ضحك ]مهى سؤال صعب عن جد انا بتمنى لو انه كان اسهل
بشوي ا هلا انا ما كانت بفكري انه ضروري انه اعمل يوتيوب وبصراحه ما كنت ناوي
ابدا اني انا اطلع بفيديوهات على اليوتيوب
لما بلشت انا مشروع Arabic all the time انا كنت عم افكر بمنصه comprehensible input
انه انا بشتغل مع ناس ثانيين هدول الناس الثانيين بيعملوا فيديوهات ل Arabic all the time
وبتصير هي المنصه انه مو شرط يعني على اليوتيوب انه جزء من الفيديوهات
بيكون على اليوتيوب وجزء بيكون بس موجود ب يعني كإشتراك على المنصة على موقع
المنصه ايه
وهيك كانت الفكره انه انه انا ما راح اكون موجود اني انا اوكي انا بدير المشروع انا
صاحب الفكره انا حبيت ال comprehensible input فانا راح احكي مع ناس اتواصل مع ناس وهدول
الناس هن بيعملوا فيديوهات وبنزلها على المنصه انا بساعد بعمليه
المونتاج بكذا باداره الموضوع امم
وهيك والله بعدين شغله جرت شغله و وما شفت حالي غير عم بعمل
فيديوهات اذا بتساليني كيف وليش وهي والله ما بعرف يعني انه كيف صارت الامور
اها اه بس يعني هي باختصار انه حسيت انه
بالاخير يعني مثل هي كانت فكرتي انا بالاساس
و وحاولت كثير اوصلها مع ناس اخرين بس يعني انا شفت الموضوع comprehensible input
انه ممكن الواحد يفهمه ويفهم الفكره بس اذا ما الواحد تعلم لغه عن طريق
comprehensible input صعب صعب يفهم تماما شو هي تجربه المتعلم
ام و وهيك يعني بالاخير للاسف بصراحه ما كانت
كثير الفيديوهات اللي عملناها بالبدايه ناجحه
اها فشفت حالي انه انا عم يعني انه انا
لازم اعمل مشان المشروع ما يفشل بشكل كامل اني انا لازم حاول المحاوله الاخيره يعني
المشروع كنا كنا عم نعمل عم بستثمر فيه عم بستثمر بس
بدون اي شيء يعني بدون يعني المشروع عم هيك كان خاسر بشكل كامل
يا الله فبلحظه
انه انا خلص يعني انا بدي ادخل هي first aid boom boom boom هيك اعطي التنفس
الاصطناعي للمشروع اها [ضحك]
اها فهي كانت محاولتي الاخيره انه ادخل و
اعمل انا فيديوهات اللي هي انا صح ايه اه انه تبلش انت تعمل
يوتيوب و عالمنصه اني اعمل انا اعمل فيديوهات
انا كنت بالطياره انا كنت بالطياره واخذت هي الصوره
فهيك ايه بلشت اعمل الفيديوهات و ويعني feedback بعدين صارت تجيني وكانت الاراء
بشكل عام اراء كلها ايجابيه اراء جيده فاستمريت و ضليت عم بستمر ولحد هلا يعني انا
جدا مبسوط بهالرحله طبعا انا بعمل باليوتيوب بس كمان بعمل ل العدد الاكبر من
الفيديوهات هي بس موجوده على موقع Arabic all the time
ايه يعني هلا حاليا مثلا عننا اكثر من ميتين و خمسين
فيديو خمسين فيديو هن منشورين هن free هن موجودين
على اليوتيوب بس في اكثر من ميتين فيديو هن موجودين
premium بس بموقع ارابيك اول ذا تايم
فهيك والله هي يعني هي يعني هذا اكثر شيء مختصر فيني احكي عن
تجربه البدايه باليوتيوب اها اها ها
يا الله انت احكي لنا مهى انت كيف
بلشتي حكيتي لنا انت المره الماضيه بانه انت بلشتي تعطي دروس ب Preply
ايه بس ما حكيتي لك كيف بلشتي باليوتيوب انه
ليش قناه اليوتيوب صح صح كمان مثل ما انت قلت انا ابدا ما
كنت بتخيل حالي انه بيوم من الايام رح اعمل فيديوهات واحطهم على اليوتيوب يعني
بس يلي صار انه التلاميذ صاروا هن لفتوا لي نظري يعني هم
قالوا لي انه روحي شوفي روحي على اليوتيوب شوفي انه ما في كثير فيديوهات باللهجه
اللبنانيه او باللهجه الشاميه للاستماع قلت انا عن جد معقول؟ انه نحن هلا بهدا
العصر ما في؟ انه قد ايه هلا في ناس عم تتعلم لغات من اليوتيوب ايه
فشفت و عن جد لقيت انه معهم حق و مضبوط هلا هون شو كانه هون هيك اول بذره انزرعت
براسي انه في انا اعمل هيدا الشيء انه يا ترى ؟ما بعرف
هلا هون صرت انا انه بدي وما بدي وخايفانة وما بعرف اذا رح يمشي الحال بس صرت احكي
بالموضوع مع التلاميذ في عندي كان تلميذه هلا هي وقفت للاسف ما بقى عم تتعلم عربي
من زمان اسمها راها من استراليا واصلها من ايران فهي هيدي الانسانه عن جد كثير اثرت
علي كانت كثير تعطيني معنويات يعني هي كانت دائما تقول لي انه انت فيك تعملي يلي
بدك اياه وانت اكيد رح تنجحي ما تخافي انه انت شخصيتك قريبه للقلب والطريقه اللي
بتعلمي فيها سهله وواضحه وانا كثير بشجعك انه تعملي تاخذي هذه الخطوه عن جد وعن جد
كثير اثرت علي كيف بيقولوا لك انه هيك الله بيبعث لك ناس
بيحطهم هيك بدربك صح في برغشه هون
بيحطهم بدربك انه ليساعدوك هيك او ليدلوك على الطريق الصح انا بآمن بهذا الشيء وعن
جد انا هيك صار معي صح شو اسمها مره ثانيه
اسمها راها راها هي ايرانيه اي منوجه لها التحيه وبتمنى ترجع تتعلم اكيد عربي تكمل
بتعرفي مهى هلا انت لما عم تذكري هالشيء
انا تذكرت انه انه انا كمان بلشت بسبب احد الطلاب عن جد؟ [ضحك]
نسيت اذكر هالشيء بس انا فعلا يعني انا ما بعرف كيف نسيت اها
ا هو طبعا بوجه له التحيه اسمه جون هو من امريكا
اها من عايش بلوس انجلوس
فجون جون هو انا لما بلشنا ننزل
فيديوهات كان في صبيه ثانيه بتول هي اللي عم تعمل فيديوهات صح
فهو بعث لي ايميل بانه اوك يعني حلوه الفكره المشروع حلو بس انه فيديوهات بتول
صعبه بالنسبه لي اها
ف فتواصلنا واخذنا واعطينا بعدين انه اوكي انا قلت له انا عم حاول عم حاول اعمل
فيديوهات اسهل بس حاليا ما عننا هيك فيديوهات اسهل
فقال لي جون اوكي شو رايك اذا بتعمل انت One on one sessions انا ما كنت يعني مستعد
لهي الفكره انه انا اوكي انا تارك الهندسه و انا كان راتبي بالساعه مثلا عالي
جدا انه لتعليم اللغه انه في فرق كثير بالاجر انه بالساعه انه هي
كانت صعبه علي شوي اكيد عن جد
فقال لي انه اوكي يعني انا انه اذا بتعمل sessions معي
و يعني لبين ما يصير عندك فيديوهات انا حابب كثير اتعلم العربي وهو كان جدا مؤمن بال
comprehensible input في عفواً اسالك سؤال
ايه انت من وين يعني تعرفت عليه اذا مش من الدروس؟ ولا من من اليوتيوب؟ لا
هو لا هو راسلني هو شاف الموقع شاف الموقع وبعث لك ايميل اوك فهمت فهمت
بعث لي ايميل فانا كنت يعني اي حدا بهذيك الفتره انه هيك كان المشروع بمرحله صعبه
كثير فاي حدا ولحد الان انا اي حدا بيتواصل معي
يعني بعطيه كل جهدي وهي لحتى ساعده وجاوبه ويعني بعرض عليه يحجز meeting
حلو اكيد [ضحك] اكيد
يعني I go above and beyond
فانا هيك بعثت له انه هو راسلني وكان مهتم هذا الشخص وبعثت له انه شو رايك
نعمل ميتينغ نحكي فخلال هذا الميتينغ اللي كنا عم نحكي فيه
هو قال لي شو رايك حسن تعمل نعمل سيشن تعمل لي one on one
يعني انت ما كنت مفكر بالموضوع قبل انه تعطي دروس؟ ابدا اه انت بالعكس يعني اول شيء التشانل
بعدين الدروس انا الدروس بعدين التشانل [ضحك]
اوكي انا محاوله فاشله بالتشانل هي انت اللي
انت الطريقه الصح يعني لا مش ضروري ما في طريقة صح لازم تبلش صغير لا لا انا
انا غلطت غلط كبير .عن جد ؟الناس يعني لازم هي الصح انه الواحد يبلش
شوي شوي وبيتوسع بعدين بعد ما يتاكد انه الفكره ناجحه بيصير يتوسع شوي شوي بالبدايه
انا بلشت بالعكس انا بلشت كبير بعدين صرت انه اكتشفت انه لا انه صغر صغر صغر صغر
بعدين رجعت صغرت كثير وهلا رجعت اكبر شوي انه وسع شوي شوي
لانه هذا الصح يعني انا هذا اللي بامن فيه انه انت اللي عملتي انه اوكي انا ببلش
بعطي دروس اذا انا كويسه بالدروس بتشجع بعمل الفيديوهات كويسه بالفيديوهات
ببلش افكر بيعني طرق اخرى لاني اطور يعني البزنس الكذا لشيء اكبر
اللي عملته انا هو كان العكس انا بلشت من انه اوكي انا عندي فكره بزنس
ايه بس انا لا بعرف لاني عم لاني مستعد
اعمل فيديوهات لا بعرف ادرس لا ما عندي تجربه تدريس ولا كنت مهتم اساسا اني ادرس
اها اه ف ما مشي الحال هيك
فهمت عليك لحتى رجعت من الصفر شكرا ل لجون يعني اللي
دعمني كثير كثير ولهلا بيبعث لي رسائل الدعم
حلو مع انه يعني كمان اخذ بريك من تعلم
العربي اه والله
بس لهلا يعني بيبعث لي انه اه بيشوف بعض الفيديوهات
و وبيقول لي اه انه good job keep going! حلو عن جد شفت انه هيك في ناس هيك والله
بيجوا بيساعدوك يعني والله او بيعطوك الهام او بيعطوك ثقه بحالك انت بتحس بتكون بوقت
من الاوقات حاسس انه انا ضعيف او انا لا انه انا مش لهالدرجه شاطره او ما بقدر او
انه يلي عم بيعمل فيديوهات احسن مني فانه لا مين قال هيك؟ انه ليش انا بدي افكر... اذا
هم قادرين يعملوا هيدا الشيء فانا كمان بقدر انه هيك الواحد لازم يفكر وهي على
فكره هيدي قصه ال الخطوه خطوه يلي كنت عم تحكيني عنها انه الواحد لازم يبلش باي
business womanبزنس جديد شوي شوي هلا انا ماني وقبل ما كنت اعرف شيء عن هيدا الموضوع هيدي التلميذه
Business womenراها هي كثير ناجحه وكاينه يعني عامله كذا شيء ايه قالت لي بالبزنس بدك
تمشي خطوه خطوه بدك تمشي درجه درجه وبدك تمشي شوي شوي ما فيك تكوني كثير سريعه قالت لي
ما في ما بيمشي الحال فانه بتاخذي اول خطوه وبتشوفي وكل شيء يعني كل المصاري يلي
انت عم بتطلعيهم من هيدا البزنس بدك ترجعي تدفعيهم وبدك تستثمريهم بهيدا
البزنس لتقدري تكبري البزنس يعني هو مثل سلم بدنا نطلع نحن على السلم درجه درجه
قالت لي اذا بلشت انه من الاول بلشتي تدفعي مصاري وكثير انه حتكون مخاطره يعني هيك هي
قالت لي وانا هيك انه منها هي يعني عن جد هي علمتني بطريقه غير مباشره ف يعني
الواحد ما بيعرف يعني ما اه صح
كيف بده يعرف؟ كلنا منغلط يعني اكيد منتعلم اهم شيء نتعلم من اغلاطنا
صح امم فهدا كان السؤال اللي بعده
صح انا اللي شفته ايه كفي كفي
ايه هلا انا بس هيك حابب اعقب شوي على هي النقطه انه انا اللي شفته بانه انه فعلا
افضل طريقه انه الواحد يبلش صغير وفورا تيست مشان لانه احيانا الواحد بيفكر عنده
فكره جوهريه فكره هيك انه مثل الماسه وهو بده يحيط هاللماسه هي بده يحميها بده
يحافظ عليها لهي الفكره انا بعد ما بلشت يعني بهالمشروع يعني يمكن اكثر شغله
تعلمتها انه اذا عندك فكره انت مفكر انه هي الماسه واذا هي فعلا الماسه اول شغله
لازم تعملها انه فورا تفحص تيست تشلف هالالماسه على الحيط يعني اذا انكسرت
مانها الماس اذا انكسرت مانها الماس هي شيء هي فكرة فاضيه انت
كنت متوقع انه هي فكره حلوة حلو هالتشبيه فورا لازم تيست لازم تيست لازم اه تشيلها
تطبشها بوم بوم بوم هيك تجرب فيها من اكثر من زاويه لحتى توصل انه اوكي هي فكره اه
فعلا هي فكره قويه في ما عم تنكسر يعني انه انا عم بفحص
والنتائج ايجابيه انا بصير وقتها خلص بستثمر بهالفكره اكثر واكثر
بس الواحد انه يستثمر كثير او يخبي فكره لبعدين غلط اول شيء عندك فكره فورا فورا
فحصها فحصها تاكد انه هي فكره صحيحه وبعدين مثل ما ذكرتي ومثل ما انه لازم خلص
تستثمر كثير فيها لحتى تكبرها اذا عندك فكره كويسه وناجحه بدك ما فيك بدك تخاطر
all in بدك تروح بس اول شيء تاكد انه الفكره صح
ايه مية بالمية لانه ممكن اذا تستثمر كثير وتكون الفكره
غلط صعبه صعبه الواحد احيانا اكيد
ما في ما في يعني يتعافى من هيك شيء صح
فالمهم انه اول شيء نتاكد انه الفكره صح اها
بعدين اه اذا تاكدنا وفحصناها وهيك go all in ما تتردد
بده الواحد لازم ياخذ ريسك لازم يخاطر شوي صح
هيدا ال كنت السؤال الثاني يلي بدي اسالك
اياه انه انت بتندم على هيدا [ضحك] القرار يلي اخذته انه انت كنت عم تشتغل بمجال
كثير مختلف وانت مهندس حسب ما قلت لي
وكانت انه كان عندك وظيفه وعايش لحالك وعندك استقلاليه ومبسوط انه انت اخذت عملت
تغيير كبير وايه هيدي الخطوه مش سهله تركت شغلك وتركت حياتك و وبلشت بهذا المشروع
فبتندم على هيدا القرار يلي اخذته؟ هلا اندم اكيد لا ابدا ابدا بغض النظر انا
هلا ما زلت بمرحله مبكره يعني لاحكم على المشروع
مزبوط بس ابدا ابدا ما بندم الشيء اللي تعلمته
اه يعني حتى انا لو ما بكسب شيء ثاني من هالمشروع الدروس اللي تعلمتها المهارات
اللي اكتسبتها اه ال يعني شيء لا يقدر بثمن صراحه يعني
صح فعلا يعني انه اي استثمار واي خساره
ماديه انا برايي انه تستحق يعني انه انا انا حسيت حالي صرت شخص ثاني تماما
بفضل هالمشروع هذا وبفضل الدروس اللي تعلمتها بفضل التجارب ال الفاشله والسيئة و
بفضل التجارب الناجحه يعني هالخليط هذا من التجارب الايجابيه والسلبيه
اي خلاني انمو انا كشخص نمو كثير كبير حلو
انا ابدا ما بندم وبقول اي حدا عنده فكره يعمل يوتيوب ما يتردد اعملها
انا يعني بحس الواحد يندم على ... الواحد يندم على شغله عملها احسن من انه يندم على
شغله ما عملها حلو
اندم اعمل الشغله حتى لو ما طلعت يعني مثل ما بدك حتى لو قلت اه اوكي
الندم على انك تندم على شغله عملتها اسهل بكثير من انك تتحسر تقول يا ريتني
عملت يا ريتني يا ريت كذا يا ريت كذا اعمل وافشل احسن من انه
وهو ما في فشل فشل يعني بالحياه واي شيء
انا بشوف الفشل لما الواحد بيوقف ام
اذا انت عم تستمر ما في شيء اسمه فشل اذا انت عم هي كلها دروس الواحد اذا اذا
عم يستمر بس اذا الواحد ايه كان عنده تجربه غير
ناجحه ما بدي اقول فاشلة تجربه غير ناجحه وما ما اخذ هذا الدرس اللي تعلمه وطبقه
بالشيء المستقبلي فهي اكيد كانت مضيعه للوقت يعني كانت
شيء سيء بس اذا اي شيء اخذه واستمر وكمل كمل
بهالرحله فهي كلها دروس
اه يعني دروس ا يعني شيء راح تغنيه وعلى المدى الطويل بالعكس رح يحمد ربه انه وقع
بهالاخطاء بالبدايه مو بعدين يعني انه الواحد احسن يفشل بالبدايه
بس طبعا اذا بده يستمر مو فشل كبير يكسره يخليه انه خلص ما يكمل
يعني فشل انه دروس يتعلم منهن صح
ايه بقول لا تمام انه منيح الواحد يفشل بالبدايه منيح اخطئ بالبدايه طبيعي جدا
هو داخل بمجال جديد وهيك فالندم انا ابدا ما بندم بالعكس انا كثير
grateful يعني كثير عندي شعور الشكر والامتنان
والرضا بهالخطوه هي اللي انا قمت فيها بغض النظر
شو راح يكون مستقبلها بغض النظر حلو كثير
انت شو احكي لنا مهى شو كيف انطباعك؟ انت حكيتي لنا المره الماضيه شوي على انه انت
كل يوم بتصحي بتقولي الحمد لله والله بعدك متذكر
انا عملت هالخطوه هي صح
لا انا صراحه لقول لك انه ايه عفواً بدك
تسالني شيء؟ لا هي هيك انه احكي لنا اكثر انه شو يعني
ليش بتحسي بهذا الشعور الامتنان شعور الرضا
يعني لهالخطوه اللي عملتيها؟ مثل ما انت قلت انه عن جد انا كشخص كثير
تغيرت من بعد ما بلشت بهذا المشروع اول شيء التدريس كمان يعني غيرني لانه
حسيت حالي اكتشفت عالم جديد انه كانه انا عن جد كنت قاعده ب مثل ما بنقول نحن قاعده
بفقاعه قاعده بفقاعه او قاعده بالخسه يعني نحن بنقول باللبناني بالخسه والله يعني شو
بالخسه؟ يعني ما عارفه الشيء شو عم بيصير حوالي برا بالعالم انه عن جد قاعده عم
بشتغل كل يوم بنفس الغرفه وطول الوقت عم بطلع على الطاوله ويلا شغل شغل شغل فلاحه
فلاحه يعني شغل كثير فبس اي يعني فتت على هيدا العالم حسيت انه انا وين كنت عايشه
عن جد بلشت اتعرف على ناس جديده بلشت شوف الناس كيف عايشه حياتها وقدي مختلفين عن
الناس بلبنان مش بالضروره انه الناس بلبنان مش منيحه وهناك الناس منيحه ابدا
ما عم بقول هيك بس مختلفين هذا الاختلاف هيك اوقات بيحسسنا انه نحن هيك بيغيرنا شوي
او بيشجعنا انه نحن نكون احسن او صح او بيخلينا نحن نشوف عيوبنا عيوبنا يعني
اغلاطنا او مشاكلنا نحن ايه فانا هيك بس بلشت اتعرف على ناس جديده
هيدا احلى شيء بشغلي يعني اتعرف على ناس من ثقافات مختلفه اي ما
بعرف انا تغيرت كشخص كرمال هيك وهدا يعني كمان مثل ما قلت لك يعني بالنهايه انا ليش
عملت اليوتيوب تشانل هي كانت تلميذة شخص تعرفت عليها وشجعتني ما بعرف يعني دائما
تقول لي انه يلا ويلا واكيد رح تنجحي وانا صدقتها يعني وانا هلا بشكرها من قلبي يعني
انا يمكن لو ما هي انا ما كان عندي الجراه بصراحه بدها شويه جراه مش هينه انه
هيك تنشر فيديوهات وتحكي وبتعرف لانه في ناس كثير بتنتقد يعني شو بتنتقد يعني
بتكتب تعليقات مش حلوه اي او انه يعني ما حدا بيعرف انا ما في اتحكم برده فعل الناس
وما بعرف شو بدي اتوقع بس مش هذا هو الهدف من المشروع يعني انا علي انه انا نيتي من
جوا شو نيتي انا شو بدي انا ساعد الناس تتعلم هيدي اللهجه والباقي مش مهم اذا شخص
ما عجبه الفيديو ما يحضره عادي يعني في شخص كثير مهضوم ما بعرف هلا اذا عم يسمعني
دائما بيكتب لي تعليقات كثير سلبيه وانا انه بتطلع هيك طيب اذا انت عن جد مش مبسوط
بالفيديوهات تبعي تبعولاتي ليه عم تحضرني [ضحك]
وكل مره مصر يعني بدك تكتب شيء مش منيح هذا والله انه هيك سؤال [ضحك] غريب المهم
مش موضوعنا الموضوع انه ايه عشان هيك انا مبسوطه حتى لو يعني انا عملت هذا المشروع
ومثلا هو كان النتيجه ما كانت مثل ما انا متوقعه يعني مش مثل ما انا كنت مفكره قبل
مش مثل ما انا كان بدي ما بياثر لانه انا تعلمت اشياء كثير دائما
عن جد بيقولوا انه مش مهم انت لوين رايح او مش مهم انت شو بدك تحقق يعني الهدف اكيد
الهدف مهم بس الاهم من الهدف هي الرحله يلي انت بتمشي فيها لتوصل لهذا الهدف
لانه هذه الرحله اوقات بتاخذ سنين يعني هيدي حياتك وعمرك وانت بتختار كيف بدك اي
يعني باي شو بنقول نحن باي وضع انت بدك تكون خلال هذه الرحله باي حاله اذا انا
بدي اكون كل الوقت معصبه وكل الوقت تعبانه وكل الوقت متضايقه وانه اذا بدي اقلق اقلق
كثير انه ي شو بده يقول هيدا وشو بده يقول هيدا شو بدها تقول الناس انه انا بقدر
اتحكم بهذا الشيء فانا بتحكم بالاشياء يلي انا عندي سيطره عليها بافكاري بس ما في
اتحكم بغيري اها ام
انا بهتم بحالي وقد ما في بحاول اكون انا قويه من جوا واذا انا مقتنعه عن جد بهذه
الفكره ف بقدر اكمل فيها لو شو ما صار فابدا ما بندم وخاصه انه انا مبسوطه كثير
بالنتيجه هلا اوك السؤال اللي بعده اللي كنت بدي اسالك اياه انه هل اليوتيوب عن جد
كان اي مثل ما انت توقعت او غير؟ يعني انت لما بلشت اكيد كلنا
هلا انا اذا بتسمحي لي بس حابب هيك شوي اكد على هي تعقيب على ال على ال
اي على هالشغلات اللي حكيتيها
يمكن انا كمان بدي اكد انه يمكن هي فكره التعرف على ناس من مختلف انحاء العالم
يعني هلا عم يعني في عندي في طالب بتايوان في باستراليا بالنرويج بامريكا ب
بكثير اماكن بسكوتلندا بكثير اماكن حول العالم والله ماشي حال
يعني هي بحد ذاتها [ضحك]
يعني شغل كثير كثير انه واو يعني الواحد بحد ذاتها انه بتستحق كل شيء و ويمكن
حكينا فيها قبل هالمره انه الناس فعلا اللي بيتعلموا اللغه هن ناس
ناس يعني عندهم افق واسع مو ناس عاديين انه فعلا ناس مثيرين ا عند يعني عندهم شيء
حلو فالتعرف على هيك ناس بحد ذاته هو مكسب كثير كبير وشيء كثير حلو الشيء الثاني انا
كمان حابب هيك بس اكمل ال يعني اعطي الكريديت لجون بموضوع ال الفيديوهات انا
ذكرت انه هو خلاني ابلش ب بالدروس بس ما ذكرت انه هو اللي كان السبب باني
انا ابلش اسجل فيديوهات ايه
نحن اللي صار انه مع جون انه بعد ما عملنا اكثر من درس سوا
اها يعني صار يطلب انه حسن انه يعني انت كتير شاطر
بهذا الشيء انه ليش ما بتعمل فيديوهات فضل يشجعني وضل يدفعني لحتى انه بالاخير
قال لي انه بس سجل مقطع خلينا نعمل ريكورد للميتينغ وانشر المقطع وشوف انت يعني كيف
رح تيجي لانه في كثير ناس رح تحب هالشيء
وفعلا هيك نحن هيك انا بلشت بلشت بانه سجل انه ميتينغس مع جون ومع مع طالب ثاني كمان
والله ونشرتها وبعدين بعد فتره انه اوكي هي الفكره حلوه كثير بس يعني بتعرفي
الجودة تبع الفيديوز غير لما بتسجلي الميتينغ
بالكاميرا فتشجعت انا بلش اسجل الفيديوز
وهي بنت في عننا بنت وصبي
اها صح عننا بنتين وصبي بنتين وصبي
فهي كلياتها كانت هيك مثل ما حكيت انه في لمسه هيك شغله من ال الدافع اللي اجا
دائما يعني انا اجتني عن طريق جون انت اجتك عن طريق هي الطالبه من استراليا
ايه انا اكيد ممتن كثير لهال لهاللحظه هي السؤال عفوا هلا برجع
عسؤالك هو انه يعني اليوتيوب كان مثل ما انت كنت متوقع مثل ما انت كنت متخيل براسك
انه انا لما ابلش باليوتيوب مثلا بعد سنه او بعد سنتين رح يبلش يوتيوب يدفع لي
مصاري على دعايات رح ابلش اطلع مصاري كثير انه مثل ما بيقولوا اليوتيوب انه بس الواحد
هون بلبنان يي هيدا يوتيوبر يوتيوبر يعني كثير غني او حدا كثير مهم او حدا كثير
مشهور عرفت كيف انه اه هيدا ايه يوتيوبر يعني مثلا هيدا المحل المطعم كثير
غالي مين بيروح عليه بس اليوتيوبرز وهول العالم عرفت فشو انت رايك هيك صار مثل ما
انت كنت متوقع؟ امم والله هي صعبه يا مهى [ضحك] صعبه هي
يعني لا! عم تحطي ايدك على الجرح الجرح وانا بعرف [ضحك]
اه عن جد
نفس الشي والله الصراحه يعني لحد الان المشوار
صعب يعني لحد هاللحظه موضوع اليوتيوب لا ا [ضحك] مو مثل ما
الواحد ممكن يتخيل صح موضوع اليوتيوب صعب كثير يعني النجاح باليوتيوب
صعب كثير يعني اذا الواحد بده يعتمد فقط على اليوتيوب
انا وبصراحه انا لحد الان I'm not monetized يعني انا ما عندي صفر يعني من اليوتيوب
مع انه عندي مشتركين وعندي يعني ايه لحد الان ما وصلنا يعني لهي النقطه
ف ايه يعني بالبدايه كان يمكن التوقعات عاليه لانه مثل ما حكيتي
الواحد [ضحك] كثير ناس مفكرة اه بس هذا عنده يوتيوب
و وهي انه اه عم يسبح بالمصاري او هيك شيء لا هذا بعيد جدا عن الواقع
صح ايه بس يعني انا برجع بقول انه على المدى
الطويل الواحد بده يستمر على المدى الطويل انا بتخيل ايه يعني رح يكون في في
شيء بس لازم الواحد يستمر فهي هذا التحدي
اكيد اكيد انه
انه انا يعني بس [ضحك] يجي هيك دخل لحتى الواحد يستمر ينجو من
هال المرحله الاولى مرحله الانطلاق ف ايه والله يعني هي على الجرح [ضحك]
عفواً بعتذر بس انا بعرف [ضحك] انه هذا الموضوع حساس
انت كيف شفتي كيف شفتي الموضوع
نفس الشيء انا بتعرف والله يعني اول ما بلشت
يعني انا كان هدفي انه انا فكرت انه اذا اي يعني شو بيقولوا اذا انا كان عندي كل
المتطلبات يلي يوتيوب بيطلبها من اي شخص monetization و اذا عملوا لي هيدي يعني بلشوا
يدفعوا لي يعني خلص كان هذا هو الهدف انه انا ايه بدي اوصل لهذا الوقت ورح يدفعوا
لي مصاري على الدعايات وانا رح اي خلص بترك الشغل ويلا رح يجيني مصاري بس من
اليوتيوب بس بعمل فيديوهات بس لما بلشت
اول شيء مثل ما قلت كثير صعب لانه هن صراحه بيطلبوا عدد كثير كبير الناس ما
بتعرف يعني كان اصعب شيء هو المشاهدات يعني بالساعات اربعة الاف ساعه مشاهدة
هذا هو اصعب شيء ايه فاذا انت بتعمل فيديوهات قصيره من وين بدك
تجيب اربعة الاف ساعه مشاهده يعني [ضحك] ف شيء كثير صعب هي اول شغله انت بدك اول
شيء بدك تشتغل شي سنه ببلاش مينيموم بهذه السنه ما رح تقدر تجيب الاربعة الاف الا اذا
كان حظك كثير حلو وعملت شي فيديو وانتشر كثير يعني هيدي كثير نادرا نادرا ما تصير
ف هيدي اول شغله شو كنت عم اقول انا نسيت شو كنت عم بقول
اييه ايه مش مثل ما انا توقعت ابدا يعني شوف شو صار معي انا انه بس لما بلشوا
يعملوا لي المونتايزيشن على فكره كانت صعبه شوي لانه انا بلبنان وفي اشياء غريبه
يعني شوي بال بدهم عنواني وانا عنواني ما في بلبنان الناس ما بتعرف انه لبنان يعني
وضعه كثير صعب ما في عنوان يعني اذا انا عايشه هلا بهذ [ضحك] الشقه ما في انه شارع
كذا كذا بنايه كذا شقه كذا كذا ما في في وين ساكن ايه في جامع اكس في دكانه في
مفرق هيك فالمهم هلا مش رح افوت بالتفاصيل بس كانت صعبه يعني لقدرت انا انه
يقبلوني انه يقولوا اه اوك هيدا الشخص حقيقي عايش بلبنان لانه بدهم يبعثوا لي
كانوا بن كود على عنواني وثلاث مرات يعني حطيت البن كود او اربع مرات وما ما وصل
لعندي شيء المهم اخر شيء مش الحال عملوا لي
Monetization الحمد لله وبلشوا يدفعوا لي على الدعايات فانه اول شهر دفعوا لي
تلاتين دولار شهر كامل [ضحك]
وما بقدر اسحبهم ما في اقيضهم ما في اخذهم لانه بدي انطر ليصيروا [ضحك]
مية دولار و يعني بدي انطر ثلاث اشهر لاقبض مية دولار وانا عم بعمل كل فيديو
بياخذ معي شي عشر ساعات وبالبدايه كان ياخذ اكثر فاذا انت بدك تعمل الحسابات بتطلع انت
على الساعه يمكن نص دولار او سنت ما بعرف [ضحك]
مشكله بس اخر شيء لقيت طريقه يعني الحمد لله من البريون كمان يلي هي بالصدفه
صارت ا
اي انه طلع باتريون احسن يعني انه انا عم بقدم خدمه للعالم والعالم اذا هي عن جد
مبسوطه بهذا المحتوى هي عم تساعدني لي يعني مش بس عم تدفع مصاري لتاخذ هيدي
الخدمه لا هن كمان عم بيدفعوا مصاري ليساعدوني انا اقدر اكمل لانه انه اذا انا
يعني ال 30$ كيف بدي اكمل انا اعمل فيديو كل اسبوع عن جد صعبه يعني انا عم بترك
شغلي لاعمل هيدا المحتوى او عم بترك اشياء ثانيه يعني
فبدي اقول هون استغل الفرصه لاشكر كل شخص عم يدعمني عن جد انا كثير بقدر هيدا
الشيء كل دولار انتم عم تدفعوه انا بعرف انه هيدا من تعبكم فميرسي مره مره
جديده ميرسي كثير بحبكم كثير [ضحك] هيدا ايه شو
حلو حلو كثير هو هيك وانا كمان يعني بوجه التحيه لكل من عم يدعم مهى و واكيد يعني انه
للمشتركين و فعلا هي الناس يمكن الواحد هيك لما بيكون بعيد عن الجو
ييكون عنده بجوز افكار ثانيه بس هو فعلا موضوع اليوتيوب بحد ذاته هو شيء صعب جدا
جدا ومثل ما قلتي انه حتى لمن بعد ما بيصير
يعني عقوله اللبنانيين انه مو شايل همه يعني انه
مانه محرز بنقول نحن هيك صح بنقول مش جايب همه مش
جايب همه صح مش شايل همه
ايه [ضحك] صح
فهيك والله ايه صح
فايه انا كمان نفس الشيء يعني انه عم حاول اعتمد على ال على الموقع على
الاشتراك البريميوم صح واليوتيوب هو مثل طريقه للتسويق لهذا
الشيء اليوتيوب بحد ذاته ابدا ابدا برافو برافو
ايه ع فكره هي لما تبلش... بتمنى التوفيق
صح اكيد وانا بتمنى لك كل التوفيق بس بدي اقول لك شيء انه هيك دائما لما الانسان
يبلش يجرب شيء جديد كل خطوه بياخذها بيتعلم منها شيء ما يعني كل شيء انا دائما
بعدني كثير عم بتعلم ومن اليوتيوب يعني صرت احضر انا فيديوهات انه انا اذا انا
عندي يوتيوب تشانل شو بدي اعمل؟ كرمال هيدي التشانل تنجح
شو هن الاسرار يعني شو السر؟
ايه انه اكيد يعني لازم نعمل بحث نحن و نفتش انه ايه شو بدي اعمل؟ ما في انا هيك انه كل
شيء اتركه للصدفه لا
فهيك عملت انا صرت فتش وكان في كثير نصائح حلوه وواحده من النصائح الموجوده كانت
مثل ما قلت انه نستعمل اليوتيوب كواجهه يعني لشيء ثاني
يعني انا بعمل يوتيوب كرمال الناس تشوفني وتلاقيني وتتعرف علي من بعد هيك هون ال
يعني هون ال شو بيقولوا هون الهدف الاساسي انه انا
البزنس او الشغل الاساسي يعني انه انا اعطيهم شيء اقدم لهم خدمه
وهون انا بستفيد يعني انا اذا انا عندي هيدي الخدمه مثل انت عندك هذا الويب سايت
طيب كيف بدهم يلاقوك الناس؟ مستحيل يلاقوك فهيدي اليوتيوب بتكون مثل دعايه لك انت
الناس بتشوفك بتلاقيك وبتروح بالنهايه على الويب سايت هيك يعني
اليوتيوب هيدي احسن طريقه لنستفيد فيها من اليوتيوب يعني الا اذا كنا عن جد عننا
فيديوهات كثير واوكي هيدا شيء ثاني viral بس يعني نياله اللي عنده هيك مش كل الناس
محظوظين هالقد فاي هون فيني اقول
صح يعني بده يكون الواحد كثير niche كثير يعني هيك
ما بعرف شو السر يعني يعني خبير ايه لحتى
وايه وحتى لما احيانا الواحد بيكون كثير شاطر ما... يعني قلال كثير يلي بينجحوا نجاح كبير
معظم الناس هيك يعني بيمروا بتجربتنا اللي هي انه شوي شوي
ويا صحيح ع فكره كمان كان في عندي تلميذه
عفواً وقتها خبرتها قلت لها بدي اعمل يوتيوب تشانل عم افكر بالموضوع فقالت لي
لا ما تعملي يوتيوب تشانل انا خيي عمل يوتيوب تشانل اشترى ميكروفون واشترى
كاميرا واشترى ستاند واخر شيء بعد شهر باع كل شيء باع كل الاغراض يلي اشتراهم
وما نجح المشروع قالت لي كثير صعب مستحيل يعني ما شجعتني بس انا اخترت انه اسمع
الصوت التاني الصوت الحلو انه لا فيك تقدري go for it
اي اخر سؤال كنت بدي اسالك ياه حسن هو اذا حدا هلا بده يعمل يوتيوب تشانل شو
النصيحه اللي بتعطيه اياها؟
ا اول شيء ما تشتري مايكروفون غالي [ضحك] وتشتري ضوء احترافي و وكاميرا ومدري شو
صح احسن كاميرا واحسن ميكروفون اذا عندك فكره حلوه صح
لا لا لا اول اول شيء اذا عندك فكره جرب الفكره جرب بابسط ما عندك و وباللي عندك
بابسط ما يمكن اذا هالفكره نجحت وعندك لاقت الاعجاب توسع
طور شوي شوي يعني بتصير تشتري مايكروفون منحسن الاضاءة شوي شوي اذا الناس حبتك بدون
المايكروفون وبدون الاضاءة الكويسه وبدون ال يعني
الدقة العاليه فخلص انت بتعرف عندك فكره تستحق انه الواحد يستثمر فيها بعدين بيصير شوي
الواحد بيطور وبشكل عام يعني انا عم بحكي هذا مثال
الميكروفون والاضاءة والهيك بس يعني يعني حتى بكل النواحي انه اه طبعا كل
انواع المحتوى مختلفه كثير و فهيك انا فكرتي انا اكبر درس تعلمته انه الواحد
يبلش شوي شوي ويتوسع وكمان ما يحاول ياخذ shortcuts
يعني ما يحاول ياخذ طرق مختصره الشغله اللي بدها تاخذ وقت اعطيها وقت
صح هيك ما في ما في مهرب يعني خليها تاخذ
وقتها لانه احيانا اذا استعجلت فيها بتضطر تعيدها مره ثانيه وبتتكلف الضعف من الوقت
ومن المال وبتندم ليش ما عملتها من الاول بشكل صحيح و او يعني وتكلفت عليها من
الاول يعني اعطيتها حقها من الاستثمار بال الوقت والجهد والمال
فهيك الواحد بلش شوي شوي و وكمان اعطي الشيء حقه ما تاخد طرق مختصرة ابداً
صح يعني هيدا اللي الناس ما بتعرفه انه عن جد
اليوتيوب متعب كثير متعب يعني ما بعرف تيك توك او هيك انا ما عندي تيك توك هلا
في كثير ناس بيستغربوا انه انت ليه ما عندك تيك توك ليه انه ما حبيته اصلا عن جد
ما عندي وقت يعني بس انستغرام ولالي يعني خاص ما بستعمله للشغل فانا بس باليوتيوب
وما عم بقدر الحق يعني كثير بياخذ وقت اي كله كثير بياخذ وقت فاي الناس بتفكر انه
يلا فيديو كثير سهل فاي يلي بده يعمل يوتيوب تشانل بده يكون عنده كثير صبر وبده يعرف
انه بده يكون مستعد انه اول سنه بده يشتغل ببلاش على القليله بلاش ما رح يطلع شيء
يعني صحيح
الا اذا يعني ايه هو وحظه صح مضبوط
صحيح اخر شيء انا بس بدي اقول انه
اي امبسطت كثير بهذا الحديث معك مثل العاده ودائما بقول انه لازم نعمل فيديو 25 دقيقه
واخر شيء بيطلع الفيديو 44 45 [ضحك] دقيقه يعني هيدا على اللبناني دائما نحن
اللبنانيه مش شاطرين كثير بالتقدير يعني بنقدر الاشياء غلط اذا انا
بقول نص ساعه يعني ركض ساعه ركض فما عم بقدر ما بعرف ما عم بقدر بس ان شاء الله
انتم يعجبكم هذا الفيديو ان شاء الله تستفيدوا من الكلمات وان شاء الله تكونوا
تعلمتوا شيء جديد عن اليوتيوب وعن اذا بتحبوا تبلشوا بزنس جديد كمان كان في
افكار حلوه [ضحك] فايه بدي اقول بس اذا بتحبوا تدعموه لحسن
فيكم تروحوا على اللينك يلي رح نحطه تحت الفيديو
هيدا اللينك بيعطيكم حسم يعني بتدفعوا اقل عشؤين بالمية اقل اذا بتشتركوا على سنه رح تقدروا يعني
بهذا الاشتراك رح رح تقدروا تحضروا ميتين فيديو زياده
ف ان شاء الله بتمنى يجي لعندك ناس كثير ويدعموك من عندي ومش من عندي
صح شكرا شكرا مهى نحن ميتين عننا ميتين و خمسين فيديو المكتبه كلياتها وكل يوم
بنزل فيديو جديد انا كل يوم في فيديو جديد فهي المكتبه عم تنمو واو
وطبعا مشتركين البريميوم هن اللي يعني كل كل دولار عم يندفع بالبريميوم فورا عم
بيروح على انتاج الفيديوهات ا فانا بشكر يعني سلفا اي واحد بيدعمنا
وحتى للي ما بيشتركوا بريميوم يعني اللي بيدعمونا باللايك والكومنتس وهيك كمان شكرا
كثير لكم وا ونفس الشيء انا بوجه انه ال يعني
التحيه لجمهور مهى وانه بدعو للكمان دعم مهى عن طريق الباتريون مهى انا كثير
بستمتع بالحكي معك وفعلا نحن كل مره منحاول انه تكون عشرين خمسة و عشرين دقيقة بس هيك بصير
ما عم تزبط بياخذنا الحديث [ضحك]
صح بس بتمنى تكون يعني انه
[ضحك] محادثه حلوه و وكمان ان شاء الله بنعمل
اكثر بالايام الجايه ان شاء الله اكيد بتمنى نهارك يكون حلو
ونهاركم انتم كمان و ايه مثل ما قال حسن اذا بتحبوا تاخذوا النص تبع هذا الفيديو
كل الفيديوهات فيكم تروحوا على باتريون وتشتركوا على اللينك فان شاء الله بشوفك
بفيديو جديد عن قريب ومع السلامه
مع السلامه شكرا
