食 月亮 嘅 巨龍

喺 一 個 風 和 日 麗 嘅 假日 ，津津 、樂仔 、小文 喺 公園 玩 。 津津 喺 一 個 巨型 芒果 上面 爬 嚟 爬 去 ，樂仔 就 坐 埋 一邊 睇 書 ，而 小文 就 帶 埋 隻 狗 嚟 玩 彈珠 ，佢哋 都 玩 得 好 開心 。 只要 有得 玩 ，無論 平時 返學 有 幾多 功課 、幾多 煩惱 ，心情 都 會 即刻 變 好 。 更 興奮 嘅 係 ，今日 就 係 中秋節 ！ 佢哋 好 鍾意 中秋節 ， 因為 有得 食 月餅 、 玩 燈籠 ， 仲 可以 睇 到 又 大 又 圓 嘅 月亮 ！ 所以 佢哋 都 好 期待 夜晚 賞月 。

但 佢哋 唔 知道 嘅 係 ，喺 遙遠 嘅 太空 ，有 條 巨龍 正 打算 食 咗 個 月亮 。 呢 條 龍 本身 好 細 隻 ，但 佢 呢 幾 年 係 噉 吞食 唔同 星球 ，令 佢 迅速 長大 。 而家 佢 已經 變成 一 條 巨龍 ，但 佢 想 再 變 大 啲 ，所以 佢 仲係 不停 噉 吞食 其他 星球 。 而 佢 下 個 目標 ，就 係 月亮 ！ 如果 月亮 俾 佢 食 咗 ， 噉 津津 佢 哋 以後 就 睇 唔 到 月亮 ， 有 中秋節 都 賞 唔 到 月 ……

好彩 地球 有 一 班 好 勇敢 嘅 戰士 。 佢哋 知道 巨龍 打算 食 咗 月亮 ， 所以 專登 飛 上 太空 阻止 佢 ！ 佢哋 知道 巨龍 好 危險 ， 一 去 未必 有 回頭 ， 但係 為咗 保護 月亮 ， 令 世人 可以 繼續 喺 黑夜 中 睇 月光 同 保住 地球 嘅 正常 運轉 ， 佢哋 決心 要 打倒 巨龍 ！

點知 佢 哋 離遠 見到 巨龍 嘅 時候 ， 發現 巨龍 已經 拎 住 個 月亮 要 送入 口 ！

「弊 喇 ！ 趕 唔 切 喇 ！」

企 喺 窗前 嘅 戰士 好 沮喪 ， 覺得 而家 做 咩 都 於事無補 。 好多 人 都 好 灰心 失望 ， 有 戰士 甚至 開始 喊 起 上嚟 。

「未 遲 㗎 ！ 大家 千祈 唔好 放棄 ！」

喺 呢個 時候 ，有 一 個 人 大聲 噉 鼓勵 大家 要 堅持 。 佢 將 太空船 嘅 速度 推 到 最 盡 ，然後 一口氣 對準 巨龍 個 口 射 出 好多 個 遠 距離 火球 ！ 火球 係 呢 班 戰士 帶嚟 專門 對付 巨龍 嘅 武器 ，因為 佢哋 知道 巨龍 最 怕 火 ！

擘大 口 準備 食 月亮 嘅 巨龍 ，就 係噉 吞 埋 戰士 射 嚟 嘅 火球 。 火球 喺 巨龍 個 肚 入面 熊熊 燃燒 ，巨龍 全身 都 好 痛 ！

終於 ，巨龍 頂唔順 要 嘔 返 肚 入面 啲 火球 出嚟 ，於是 就 連 之前 吞吞埋埋 嘅 月亮 同 其他 星球 都 嘔 埋 ……嘔完火球之後，巨龍一 身鬆 晒。 不過 望 住 一 班 奮勇 嘅 戰士 ，佢 唔 敢 再 食 月球 ，唯有 敗走 。 就 係 噉 ，呢 班 戰士 成功 打敗 巨龍 ，保護 月亮 同 其他 星球 。

與此同時 ，津津 、樂仔 、小文 依然 喺 公園 玩 緊 。 佢哋 完全 唔 知道 太空 發生 緊 咩 事 ，亦 唔 知道 佢哋 好 想 見到 嘅 月亮 差啲 就 消失 。 入夜 之後 ，佢哋 好似 往年 噉 開開心心 賞月 。 其實 佢哋 可以 安心 賞月 ，係 因為 有 一 班 戰士 喺 遙遠 嘅 他方 為 佢哋 戰鬥 ……

十 年 之後 ，津津 、樂仔 、小文 已經 長大 。 佢哋 識 到 一 個 哥哥 ，佢 將 巨龍 食月 嘅 故事 講 咗 畀 佢哋 聽 ，佢哋 先 知道 原來 發生 過 噉 嘅 事 。 呢 位 哥哥 ，就 係 當年 鼓勵 佢 班 戰士 同伴 唔好 放棄 嘅 人 。 十 年 後 ，太空 又 有 巨龍 出現 。 今次 嗰 位 哥哥 已經 唔 可以 再 出戰 ，不過 取而代之 嘅 ，係 繼承 佢 志向 嘅 後人 ，津津 、樂仔 同 小文 就 係 其中 一份子 ！ 相信 呢 顆 守護 地球 嘅 熱心 ，係 會 好似 火炬 一樣 ，一 棒 一 棒 噉 傳承 落去 ，永遠 不 滅 。