Cyclops Pars Tertia

Pars Tertia

prima luce Polyphemus caecus speluncam aperuit et oves liberavit. iratissimus erat. homines igitur in terga ovium diligenter quaerebat. Ulixes tamen consilium callidum cepit. comites se celare sub ovibus iussit. Polyphemus in exitu speluncae stabat sed Ulixem comitesque invenire non poterat quod sub ovibus celati erant.

ubi ex spelunca effugerunt Ulixes comitesque ad navem cucurrerunt et navem celeriter conscenderunt. dum tamen ab insula navigabant, Ulixes magna cum voce clamavit, “Cyclops, comites meos consumpsisti sed nunc Iuppiter te punivit!”

ubi hoc audivit, Polyphemus ad litus festinavit et saxa in navem iecit. “cur hoc facis?” comites Ulixi inquiunt, “gigas navem paene delevit!”

sed ille iratissimus erat. “ego Ulixes te fefelli, Polypheme” clamabat. ubi hoc audivit, Polyphemus patrem Neptunum rogavit ut Ulixem puniret. saxum ingens a monte rapuit et summa vi in navem iecit. Ulixes tamen tutus ab insula Cyclopum navigavit.