أصل الكلمات العامية المصرية في اللغة القبطية
ما زالت اللغة القبطية لها أثر كبير
في اللغة العامية اللي بنتكلمها النهار ده
لما أقول له اشتري أوطة طماطم يعني
فأوطة دي اللي هي اللفظ القبطي للطماطم
لما أقول له هات لي الفوطة أنا أمسح إيديا مثلا أو كده
فبرده جاية من الفعل “فودي” بمعنى يمسح
لما أقول اديني الحاجة الفلانية
بمعنى اعطيني
فعل دي بمعنى يعطي هو فعل قبطي
فاديني بمعنى اعطيني
لما أقول له مثلا سك الباب
فسك ده فعل اغلق باللغة القبطية
أقول فلان ده بيلالي كتير
يعني بيتكلم كتير، لالي يعني بيتكلم
لما أقول مثلا على القطة نقول بسه
دي متاخدة من الكلمة القبطية
نشوف أسماء المحافظات
نلقى عندنا محافظة مثلا باسم الفيوم
كلمة “فيوم” معناها البحر
نلقى مثلا محافظة قنا
"قنا " معناها الحضن
وده نظرا لأن النيل كان يحتضن أرض قنا
مثلا نلقى النوبة
النوبة معناها أرض الدهب جاية من كلمة “نوب” الذهب باللغة القبطية
لكن إيه هو السر أن هي بقت ملازمة للمسيحيين فقط؟
يعني مع دخول الفتح العربي
ظل الأقباط متمسكين بلغتهم القبطية داخل الكنائس
وبيعلموها
العرب ركزوا على اللغة الرئيسية اللي هي اللغة العربية
فبالتالي أصبحت اللغة القبطية ملازمة للمسيحيين
وبدأ ينظر لها كانتماء ديني
اللغة القبطية هي المرحلة الرابعة
من مراحل تطور اللغة المصرية القديمة
فاللغة المصرية القديمة مثلا بدأت
واللغة القبطية هي عبارة عن الأبجدية اليونانية
زائد آخر 7 حروف من الخط الديموطيقي
المصري القديم
