Arabic Comprehensible Input, Life in Canada vs Lebanon | A Real Arabic Conversation (B2)

مرحبا انا مهى و هيدي التشانل لكل الاشخاص يلي عم يتعلموا عربي و بيحبوا يسمعوا شيء

بالعربي باللهجه اللبنانيه واليوم [ضحك ]باللهجه السوريه كمان لانه اليوم رح احكي

انا وحسن مثل المره الماضيه اذا بتتذكروا نحن عملنا

فيديو قبل مع بعض عملنا فيديوهين وحسيت انه الناس حبت تشوف شخصين عم

يحكوا مع بعض بطريقه حلوه بطريقه طبيعيه بالعربي فكرمال هيك اليوم قررنا انا و حسن

نعمل هذا الفيديو رح نحكي مع بعض بطريقه كثير واضحه انا اكيده انه كثير رح تتعلموا

كلمات وعبارات نحن بنستعملها بحياتنا اليوميه وهذه العبارات ما فيكم

تلاقوها وين ما كان فيكم تلاقوها بس عند الاشخاص اللي هن

لغتهم الاساسيه هي العربي و بيحكوا باللهجه الشاميه

مرحبا حسن اهلا وسهلا اهلا مهى شكرا شكرا الك

اهلا فيك تكرم اليوم الموضوع على فكره ما قلنا شو الموضوع اليوم هو رح نحكي عن

الحياه بكندا و نعمل شوي مقارنه بين كندا و لبنان

بما انه حسن عايش هلا بكندا وانا عايشه بلبنان ف ليش ما بنحكي

شوي عن الفرق بين البلدين من كذا زاويه فينا نحكي عن الشغل

عن الناس عن الطقس عن اي شيء بدنا اياه ف بما انه انت يا حسن هلا عايش بكندا خبرنا

شوي اكثر عن انطباعك ،شو يعني انطباعك ؟يعني انت شو رايك بهذا البلد ؟

شو حاسس من جوا ؟مبسوط ؟مرتاح ؟

.خبرنا شوي اكثر شكرا مهى على السؤال هلا طبعا

الموضوع هو مثير جدا لبنان وكندا بلدين مختلفين كثير كثير عن بعض لبنان بلد صغير

بالمساحه كثير وكندا بلد كثير كبير بالمساحه هو ما بعرف اذا بتعرفي هو ثاني

اكبر بلد بالعالم بعد روسيا بالمساحه لبنان بلد قديم كثير له تاريخ طويل كثير

كندا بلد جديد نسبيا يعني ما عمره شيء مئات السنين في فوارق كثير كثير

كبيره بين هالبلدين بس مع ذلك في شغلات مشتركه يمكن تفاجئ

كثير من الناس ومن المستمعين اليوم تحديدا انا اذا بدي اقارن مدينه مونتريال

اللي انا حاليا عايش فيها واللي انا يعني اكثر مدينه قضيت فيها وقت بكندا

مونتريال فيها جاليه عربيه كثير كبيره والجاليه اللبنانيه تحديدا هي من اكبر

الجاليات العربيه بمونتريال انا الحي اللي ساكن فيه هون اسمه فيل

سان لوران بس الناس بيمزحوا بيقولوا فيل سان لبنان

من كثر من كثر ما في [ضحك ]ما في لبنانيه

ف فهون صح نحن بعاد كثير عن لبنان ولكن هون فيك تعيشي و وتتذوقي الاكل

اللبناني فيك تسمعي اللهجه اللبنانيه فيك تروحي على مطعم لبناني

وتدبكي [ضحك ]

ترقصي الرقص التقليدي وتعملي الدبكه وال وكله

البرنامج اللبناني كله من المازةلاخرالسهرهيعنيفهذاالشيءهذاالشيءكثير

كثير حلو و يعني هو يمكن اللي بيخليني انه احس انه فعلا

كندا هي بلد برتاح فيه لانه بحس انه اوكي هذا الفارق الثقافي انه في شيء انا فيني

اعيش ثقافتي او شيء شبيه فيها كثير هون ب بهالبلد

البعيد الكبير البارد جدا فانطباعي عن كندا هي بلد كثير رائع في كثير ميزات

الحمدلله يعني في كثير ميزات للعيش هون المجتمع الكندي مجتمع منفتح يتقبل

الناس بسهوله فيه الواحد يجي هون واذا عاش وتاقلم مع البلد بعد سنوات

قليله فيه يقول انا كندي هذا الشيء ما بيصير باي بلد ثاني انا هلا بعد عشر سنين انا

فيني اقول انا كندي سوري انا معي جنسيه الكندية طبعا و وبحس انه انا كندا صارت

جزء جزء مني انا عشت بكثير بلدان بالعالم عشت بست بلدان بالعالم تجربه الحياه

سافرت كثير بس ما بتخيل في اي بلد ثاني ممكن كان

فيني قول في هذا الشيء فيمكن هي احلى شيء واجمل شيء بكندا هو انفتاح المجتمع

تقبل المجتمع الهويه الكنديه جدا واسعه وبتحتضن الاخر بتتقبل الاخر فهذا

بلاشكهوبراييافضلالميزاتالعيشبكنداواللهحلو

حلوكثيرعنجدلانهفيكثيرناسيعني

اجانب لما يسافروا على بلد جديد عن جد بيعانوا يعني بيصير معهم شويه مشاكل

من ناحيه التمييز انه انت اجنبي او نحن ما بنحب الاجانب انت ليش هون او شويه

عنصريه يمكن ما بعرف فكثير منيح انه انت ما عندك هيدي المشكله الحمد لله

هلا هو يعني بصراحه العنصريه موجوده انا برايي وين من كان اي بلد بالعالم في نوع

من العنصريه يعني موجوده بلبنان موجوده بكندا موجوده بكل مكان

بس في اماكن بتكون العنصريه هي الصفه الاساسيه يعني بتكون كثيره

في اماكن بتكون انه هي ما وراء الكواليس فانا بعتبر كندا هي انه اكيد لا

يخلو الامر يوجد بعض التمييز ببعض الامور ببعض الاشياء ولكن مو هي الشيء اللي بيعرف

كندا ا يعني كندا اذا بدي اعرفها بقول لا هي بلد متسامح مو يعني انه ما في اي

تمييز ما في اي عنصريه او انه شيء مثالي في كثير ناس عندها صوره ورديه كثير عن

كندا صوره يعني صوره افضل بكثير من الواقع كندا بلد يعني في ناس عاديين طبيعيين

الناس الها مشاكلها في في مشاكل حقيقيه كثيره يعني مو شوي المشاكل الاجتماعيه هون

بكندا كثيره فهي مانها مكان

وردي ولكن مع ذلك هي مكان نسبيا هي مكان جميل جدا او في كثير ميزات ايجابيه

هو كله يعني نسبي نسبي المقارنه اكيد طيب انت قلت لي انه صار لكم عشر سنين

بكندا ؟سمعت صح انا ؟

مضبوط صح طيب انت و عائلتك يعني هاجرتوا قررتوا خلص

تروحوا تعيشوا بكندا اوكي صح ؟اها

انت و عائلتك اهلك .طيب ليش يعني كيف اخذتوا هيدا القرار وين كنتوا قبل وليش كندا

بالذات يعني ؟لانه

فيها كثير عرب وفيها اكل لبناني ؟[ضحك ]سؤال صعب كثير دائما بنساله و ودائما

بتلبك بالاجابه عليه بصراحه اها

انا قبل كندا كنت عايش بامريكا وكنت عايش حياه منيحه كثير يعني

ما انه كان في عيب معين فيني اتشكى منه ولكن بلحظه من اللحظات اجانا احساس انه

كندا ممكن هي تكون ال خيار افضل يعني هي ما كان انه نحن اه ا

كان لازم نروح على كندا لا ابدا كنا مرتاحين كنت عم بدرس بالجامعه بامريكا كان

كانت حياتي جيده ولكن اللي شفته انا هي يمكن نرجع على نقطه انه انه هيك فكرت

انه اوكي انا بعد يعني بعد كم سنه بكندا ممكن حصل

الجنسيه ممكن اصير مواطن كندي هيك ايه نفس الشيء تحقيق نفس الشيء بامريكا اصعب مو مو

مستحيل ولكن اصعب وبياخذ وقت اطول بكثير ا فقلت انه وكنت حابب التغيير كمان كمان كنت

فعلا المكان اللي كنت عايش فيه بامريكا هو مكان كثير رائع وحلو و بصراحه ما في اي

عيوببسماكانفيجاليهعربيهابداابدايعنيمنايبلدكانعددقليلجداجدامن

الناس اللي بيحكوا عربي مضبوط يعني مضبوط

فالواحد [ضحك ]بيحس بيحس بالغربه وسمعنا انه اوكي مونتريال مونتريال كذا

هيك ف فحبيت وهيك الحياه stars aligned يعني فجاه حصل

قبول جامعي كلها تيسرت الامور الحمد لله واخذت هالخطوه

حلو ع فكره ما خبرتك انا انه رفيقتي عندها مطعم بمونتريال

cafe chez teta او كافيه اسمه ما بعرف اذا رايح عليه قبل

بيعمل هو اكل لبنان جربه ايه لازم تروح عليه او اذا حدا من اللي عم يسمعنا

cafe chez teta عايش بكندا بمونتريال هلاراح احط لهن الصفحه تحت الفيديو بتعمل

مناقيش واشياء كثير طيبه وهيك قصص لبنانيه حلو كثير شو انت مهى شو انطباعك عن كندا ؟

وشو وكيف هيك يعني انت شو بتتخيلي الاكبر فروق بين لبنان وكندا ؟

والله مثل ما قلت انت قبل شوي انه هون بلبنان بما انه نحن عايشين ببلد يعني

[ضحك] كثير صعب هون العالم بيفكروا انه واو

راحوا على كندا هاجروا كندا فيها كل شيء كندا بلد الفرص بلد ال بلد الشغل بلد

المصاري بلد الاحلام هون هذا الانطباع يعني يلي الناس عندهم اياه براسهم

عن كندا هلا انا بعرف انه كندا بلد حلو يعني من ناحيه الاستقرار ال

المصاري الشغل ال الامان يمكن نظام رواق اي بس انا ما بعرف يعني بالنسبه لي ما

بفكر ابدا يعني اروح لهناك بالرغم من كل الاشياء يلي عم تصير هون بلبنان والمشاكل

والحرب والكهرباء والمي والزباله وما بعرف شو

ما بعرف يعني انا بنت عمتي عايشة بكندا وفي كثير مثل ما قلت في كثير كثير

لبنانيين انا بعرف كثير ناس بكندا ما بعرف الحياه يعني نمط الحياه اسلوب

الحياه طريقه الحياه كثير هيك ناشفه ما بعرف يعني يعني بتروح على الشغل بتضهر من

بيتها الساعه سبعة الصبح يمكن او تماني لانه بدها وقت لتوصل شغلها بعيد عنها يمكن

شي ساعه بالسياره لانه بتعرف انت المسافات مش مثل هون

اييه اكيد شغل مينيموم دوام يمكن شي تسع ساعات لترجع كمان بالرجعه توصل على البيت

يعني بتظهر من بيتها سبعه ثمانية بترجع شيء ثمانيه كمان عشيه فانه اوكي بعرف ويك اند

سبت احد عطله بس انه صعبه هيدي الحياه صعبه حسب ما فهمت انه هناك يعني كل

الاشغال هيك دوامات طويله ما بعرف اذا مضبوط خبرني انت

صحيح هي صح و و هي انا ما بلومها بصراحه عالشغل هي

ثقافه اكثر ا في شيء ما بعرف شو هو السر انه حتى الناس اللي هن بيكونوا عايشين

ببلدان اي اجتماعيه كثير بيحبوا عندهم نشاطات كثير بس يجوا على كندا ما بعرف شو

بيتغير

بتصير في كثير هوس بالشغل وبالانتاجيه وبالتقدم

المهني اكيد

المهنه مهمه والشغل مهم وهذا كله بس الحياه مو بس شغل هون للاسف بامريكا

الشماليه بامريكا وبكندا في كثير هوس بالشغل وهذا الشيء يعني بيأثر كثير على

الحياه الاجتماعيه والحياه الاجتماعيه انا برايي هي من اهم

عوامل سعاده البشر بدون حياه اجتماعيه اي ما بتخيل الانسان فيه يكون سعيد مهما

كان ناجح بمهنته مهما ما كان اي يعني دخله عالي مهما هي اذا ما عنده حياه

اجتماعيه وعنده روابط قويه مع ناس ا بيعنوا له يعني بيهموه وبيحبهم وعنده مشاعر

قويهانابتخيليعنيمافيهيكونالانسانسعيدجدا

ا يعني من فتره انا كنت عم شوف ب يعني يمكن بالدراسات ال ال اللي بيعملوها دائما

لشو السبب الناس بتعيش حياه طويله انه دائما الناس بتفكر اه الدايت بتفكر اه

بيدخن ما بيدخن بيشرب يعني عادات صحيه عادات مو صحيه بالحقيقه

معظم الدراسات اللي بتحكي عن انه شو السبب الجوهري لانه الناس تعيش عمر طويل هي

بترتبط انه هي الناس عندها علاقات قويه جدا ا مع ناس ثانيين باسبانيا بايطاليا

ناس كثير نسبه التدخين عاليه نسبه الشرب عاليه السهر قله النوم عالي بس الناس

بيعيشوا اعمار طويله ليش باوكوناوا باليابان ليش

بترجع كلمه السر هي الحياه الاجتماعيه فانا

انا اكيد يمكن هي اكبر ال السيئات للعيش بكندا

هي انه الحياه الاجتماعيه تتطلب جهد كثير كبير يعني فيه الواحد ينبسط

ويكون عنده حياه اجتماعيه ا بس لازم الواحد يعني يتعب كثير لحتى يحصل هذا

الشيء ببلدان مثل لبنان او بلادنا يعني بسوريا

بكل البلدان العربيه او بلاد الشرق تحصيل حياه اجتماعيه

كويسه شيء سهل جدا يعني شيء الواحد احيانا بيحاول يتجنبه يعني من كثر ما هو

كثير يعني انه [ضحك ]الناس ما بيتركوك يعني انه الناس عن جد

يعني انت اذا حبيتي يعني انه تنعزلي وتضلي بالبيت بتلاقي في حدا مين عم يتصل مين عم

بيدق الباب ا هذا الشيء هون انا لما بيندق الباب هيك يعني بتدمع عيني انه انه [ضحك ]

اه واخيرا

واخر شيء بيطلع حدا بالغلط ها

بيطلع الدليفري تبع امازون [ضحك ]ايه

بتعرف انا هيدا هو السبب اي هذا هو السبب ليش انا قررت اسكن هلا بهيدي الشقه

اللي انا عايشه فيها بعيده عن اهلي هلا اوكي هلا رح تضحك علي [ضحك] شو بعيده

بدها خمسه و عشرين دقيقه بالسياره بس بالنسبه للبنانيه لانه انا بمنطقه ثانيه و صرت انه

بالجهه يعني بدهم يطلعوا على الاوتوستراد ويجوا لعندي فانا صرت كانه كثير بعيده فاي هيدا

هو صراحه السبب الرئيسي لانه انا بحب اكيد الحياه الاجتماعيه بس ما بقدر انا كل

يوم كل يوم كل يوم حدا يجي لعندي او كل يوم حدا فجاه يجي واو ايه ما ما في ما

يعني حتى لو انا كنت لبنانيه و عايشه بهيدي الاجواء ما هيدي

الشغله مش دائما منيحه حلو الواحد انه اوكي مره بالاسبوع بس انه مش على طول كل

الوقت هيدا كثير بياخذ من وقت الانسان من طاقته وانا كثير بشتغل يعني وعندي عائله

ماني فاضيه عن جد للزيارات يعني مش لانه انا ما بحب هول الاشخاص او

ما بدي اشوفهم بس اذا كل يوم هيك بدي كل يوم حدا بده يجي

لعندي ما بعمل شيء ما بشتغل شيء بدي اضلني عم بعمل قهوه شاي ونتحدث يعني

فما بتزبط كرمال هيك انا هربت هلا كثير مرتاحه

[ضحك ]هي يعني كله له جانب ايجابي وجانب مو كثير

ايجابي او سلبي ا يعني هي العلاقات القويه لها ضريبتها

يعني انه كمان بيصير في تدخل زياده في كذا في والاستقلاليه كمان حلوه لها ايجابياتها

الخصوصيه الاستقلاليه بس كمان لها عامل سلبي يعني على سعادتنا

على الشعور بالوحده هون كثير منتشر كثير ناس بتعاني من الوحده اللي هي شيء كثير

سيء وصعب ا فايه كله ا كل له ثمن ما في شيء يعني

هيك بيجي يعني ا خالي من المشاكل

صح ايه هلا مهى انا انا حكيت لك عن لبنان بس

انا حابب احكي لك عن عفوا انا حكيت لك عن كندا بس حابب احكي لك عن عن لبنان

اانا زرت لبنان بفتره قصيره جدا كانت

زياره كثير قصيره انا طول حياتي طول حياتي بسمع

عن اللبنانيين عم يتشكوا عن مشاكل لبنان يمكن ما في لبناني بتساليه على لبنان

الا وبيهز راسه بقول لك اه الكهرباء الزباله الكذا الكذا

ما حدا بلبنان بيمدح ما في لبناني بيمدح بلبنان

للاسف لا مش لهالدرجه

ايه انا اللي بدي اقوله اني ايه بس يعني اللي شفته انا اللي عشته سمعته طول حياتي

هو اللبنانيين كثير كثير critical

بينتقدوا كثير ببلدهن تعبانين من الوضع

انا رحت على لبنان ومفكر اني رح اشوف شيء يعني شيء مشاكل كثير كذا هي انا والله

العظيم انا انصدمت انصدمت ايش قد لبنان حلو ايش قد لبنان ايش قد

الناس لطيفين ايش قد ايش قد في شغلات حلوه ا انه كنت مفكر انه اوكي هي المشاكل

حقيقيه صح موجوده بس في كثير شغلات حلوه ما حدا يعني او يمكن لانه اللبنانيين انه

بدهن كل شيء يكون ممتاز فهن بيتشكوا انه لانه فعلا لانه فعلا لبنان بلد حلو

انه بيستاهل يكون احسن يمكن انا هيك صرت فكر انه اللبنانيين بينتقدوا

كثير لانه هو فعلا اوريدي هو بلدي كثير حلو وحرام يكون في مثلا مشكله كهرباء حرام

يكون في مشكله مي او مشكله زباله او هيك ابس انا يعني بشكل عام ب انا رحت يعني

وبغض النظر عن كل هالمشاكل اللي هي حقيقيه وموجوده انا شفت بلد رائع رائع جدا

ا انا انذهلت من الطبيعه مثلا الطبيعه اللي بجبل لبنان

ا كنت مفكر حالي بغابات الامازون او بشيء يعني انه مستحيل ما كنت عم صدق منظر

شجر ال السرو بلبنان يعني شجره السرو رائعه

الجمال الناس الكورنيش المشي على الكورنيش

اللطافه ال الابتسامات التسليم الناس تكون ماره من جنبك تسلم عليك

كثير تفاصيل كثير شغلات صغيره خليتني اكون سعيد جدا جدا وبتمنى انا بتمنى وارجع

وقضي وقت طويل بلبنان لانه فعلا بلد رائع جدا

ان شاء الله يا رب تقدر ترجع تجي عن جد ايه انا كثير بحب لبنان مزبوط ليك نحن

اللبنانيه خلص صار عندنا عاده يعني شو نحن معودين

على النق شو يعني خلص [ضحك]نحن بنعرف انه كل يوم لازم نفيق وشو وننق شو يعني ننق

انه ييي ما في كهرباء [ضحك]يي

الطرقات مش منيحه ييبعدهنلهلاماركبواضويعنيمافيانارهعلىالطريقنحنهيك

تعودنا يمكن يعني بدون ما نفكر بنقول هيدي الاشياء خلص صارت عندنا شيء عادي يعني

بس لانه عن جد نحن تعبانين هيدي الاشياء انه خلص بقى يعني قد ايه صار لنا نحن انه

بهيدي المشاكل هيدي اشياء صارت بديهيه يعني كل الناس عندهم مي كل الناس عندهم كهرباء

كل الناس عندهم اضاءه واناره على الشارع انه ليش هيدا

الشيء هالقد صعب يعني هون بلبنان شو المشكله ليش ؟

انه ليش ؟انه عن جد كرمال هيك نحن اكيد مثل ما قلت كل واحد لبناني بده يشوف بلده

باعلى المراكز وبده يشوف بلده حلو متطور لانه نحن عندنا اشياء كثير حلوه بيوم من

الايام يعني قبل الحرب الاهليه لبنان كان كان

بلد كثير مهم يعني بال بالتجاره بالسياحه كانت كل العالم تجي على لبنان كان من زمان

اسمه سويسرا الشرق للاسف هلا صرنا بمحل كثير بعيد بس اكيد في عندنا كل شيء يعني في

عندنا نحن امكانيه انه بيوم من الايام نرجع نصير بلد حلو متطور متقدم كل الناس تجي لعندنا

عفكره وبعد يعني حتى هلا بهذه الظروف يلي نحن فيها بعد في ناس عم تجي

بعد في ناس عم تجي من برات لبنان اي تزور هذا البلد وتشوف الطبيعه لانه فعلا مثل ما

قلت طبيعه لبنان كثير حلوه في مناظر

الطبيعه والناس الناس بلبنان الحياه الناس

عن جد الناس روحهم حلوه مثل ما قلت كثير لطيفين بيحبوا كثير يساعدوا بيضحكوا

هيدا اللبناني عن جد حتى لو ما بيعرفك اذا بدك مساعده

بيترك كل شيء بيروح بيساعدك ما تسالني ليش نحن بنحب نساعد يعني هيدا الشيء هيك موجود

فينا بدمنا هلا حسن في سؤال يعني ما في ما اسالك عنه

يعني اذا بدنا نحكي عن كندا [ضحك ]كل الناس دغري بدها تفكر انه تلج وبرد

وحراره خمسة و تلاتين تحت الصفر ما فينا نضهر و طول الوقت بالبيت انه كيف عايشين ؟كيف عايشين ؟

Indoor عن جد يعني كل شيء كل شيء مسكر ما فيكم تظهروا تتمشوا كل الشتويه ويعني ست

اشهر بالسنه انه كيف بتتحملوا هذه الحراره ما بعرف شو بتلبسوا ؟

[ضحك ]هلا هذا سؤال صعب واكيد يمكن هي اكبر

التحديات العيش بكندا انه الطقس هوني فعلا جدا قاسي

ا كيف والله ما بعرف كيف بس اي يعني في في شيء كله له حل يعني ا هي فعلا ممكن كثير

من الاوقات بتنزل درجه الحراره لل للخمسة و تلاتين تحت الصفر

طبعا سيلسيوس ا احيانا للاربعين تحت الصفر ا برد برد كثير يعني بغض النظر عن الرقم ا

برد برد كثير و وطبعا ثلج كثير ثلج حلو ثلج مانه مزعج ا ولكن هو البرد المزعج

indoor اكثر شيء ا شو بنعمل ؟بنلبس بنحاول نضل بيصير معنا

بناخذ حبات الفيتامين دال [ضحك] لانه ما بنشوف الشمس

الشمس ايه ما بتشوفوا الشمس كتير او او بنشوف الشمس بس يعني لما بتكوني

لابسه الجاكيت وهي يعني ما رح تستفيدي شيء من الشمس

ا بالحقيقه في في شمس بالصيف اعفوا ب في شمس بالشتاء

اه بس الايام المشمسه بكندا هي اكثر الايام البارده هي ابرد الايام

يعني هي هي لما بتتلج لما بتتلج بترتفع درجه الحراره شوي بس لما

ثاني يوم بعد العاصفه بعد الثلج اللي بيصير انه بتنزل درجه الحراره كثير بيصير الجو

جاف و بيصير هي الايام اللي بتكون بارده كثير هي الايام المشمسه

فهو في شمس بكندا بالشتاء في شمس بس يا ما بعرف بيتعود

الواحد في كثير ناس بتسافر لاماكن ثانيه ما بيقضوا الشتاء هون بيقولوا لك اه انا

تعبت من الشتاء ب بكندا وطبعا انا هذا احد احلامي يعني [ضحك ]

انه وصل لمرحله اني فيني اشتغل من اي مكان بالعالم فما اضطر امضي

الست شهور بكندا بس يا

بالجانب التاني الصيف عندنا كثير حلو لانه الناس بتعاني

بالشتاء فمثل بدهم يعوضوا على كل شيء فبيكون في كثير نشاطات في عندنا مهرجان

لبناني مهرجانات لجاليات عربيه ل

مهرجان الجاز فيستيفال في كثير مهرجانات كل ويكند بالصيف في مهرجان مختلف يعني

النشاطات كثيره بمونتريال في كثير حياه ويا يعني حلو كثير الصيف هون يا

ما انا بتمنى لو انه في في شيء بس هي اكيد هي الصعوبه احد الصعوبات العيش ب

بكندا هي درجه الحراره يعني اكيد

اكيد اكيد طيب اوك لكن واخر شيء خلينا نعمل هيك مقارنه صغيره بين البلدين بين

كندا وبين لبنان بما انه انت زرت لبنان اي خبرنا بالنسبه لك شو ال شو الفرق او شو

الاختلاف شو هي نقاط الاختلاف بين لبنان وكندا

ا هلا اكبر نقطه اختلاف هي يمكن ال حجم البلد الطقس ال هيك يعني كثير عم نقارن

نحن شيئين كثير مختلفين ا يعني هي هي برايي يمكن اكبر نقاط

relaxed الاختلاف بالنسبه لنمط الحياه اكيد نمط الحياه بلبنان هو اكثر الناس بتقضي

وقت اكثر مع يعني بحياتها الاجتماعيه بنشاطات

يعني مو مانها مركزه على الشغل ا بينما بكندا في تركيز على الشغل اكثر بكثير

الناس هون كثير مهووسه بالشغل والحياه الاجتماعية

ممكن تكون سيئه جدا الا الواحد فيه يصنع حياه اجتماعيه حلوه هون بس

بده يحط مجهود اكبر من لبنان ا بالنسبه للطبيعه

ال البلدين فيهم طبيعه رائعه ا بالنسبه لي يمكن الناس بتعرف كثير عن الطبيعه بكندا

بس بتخيل لبنان ما مانه اخذ حقه من الشهره بالطبيعه الطبيعه فعلاساحرهبلبنان

وبتستحق انه اي يعني الناس حتى انا عملت فيديو عن اكثر من فيديو عن لبنان

بقناتي مشان اورجي جزء من الطبيعه بلبنان لانه فعلا في شيء رائع جدا

ا شو كمان ؟في شغله نسيت اذكرها ا بحس ايه بحس هون ب بحس بلبنان يعني انا بالنسبه لي

لبنان كان هو بلد التناقضات ا تناقض كثير في بتلاقي ناس ايه يعني ا

التناقض الاجتماعي مثلا في ناس فقيره كثير وفي ناس غنيه كثير ا

ايعني انابتذكرببنفساليومخلالساعاتمثلا

اكنت ماشي رحت اشتريت سندويش شاورما رائعة top quality من عند بربر ببيروت

ارائعة ا شو يمكن دفعت اثنين او ثلاثه دولار ما

بتذكر ماكسيموم اثنين او تلاتة دولار سندويشه الشاورما

ا بعدها مشيت وكنت عطشان فدخلت smoothie على محل وما سالت على السعر طلبت

يعني بحاره قريبه جدا [ضحك] طلبت كوكتيل smoothie يعني عصير

قال لي تمانية عشر دولار تمانية عشر دولار امريكي انا

شو اه انصدمت ما حكيت شيء دفعت بس بيني وبين

حالي كانت صدمه لانه انا يعني انا كنت مفكر انا كنت عايش

بتورونتو تورونتو الحياه غاليه كثير و تمانية عشر دولار سعر خرافي يعني [ضحك ]

عن جد يعني ايه

ف فهذا التناقض شيء عجيب فعلا شيء عجيب بلبنان

انه ممكن فيك تشتري سندويش شاورما smoothie بدولارين و

بتمانية عشر دولار ايا ا ففي هذا هذه الفروق الكبيره

ا في شغلات كثير حلوه بلبنان بس كمان في

شغلات كثير بشعه في هذا التناقض يعني الموجود يعني بالبلد

كندا ما في هالدراما كثير كندا بلد يعني ما في هالتناقضات الكثير كبيره موجودة

موجوده يعني بس بشكل اقل بكثير اكيد كمان في ناس هون عندنا

Homeless ناس وناس بتعاني كثير من الفقر بس يعني بشكل عام بتخيل

المجتمع كله يعني عايش بنفس ال ال الفئه يعني من الناحيه نفس المستوى صح

في كثير فرق بين الطبقات ايه

ايه يعني اقل اقل من لبنان اذا عم نقارن بين الاثنين

مزبوط يا فهيك والله هن ا يا بس للي للي عم بيتابعنا ومو زاير لبنان بنصحكم جدا جدا

بزياره لبنان لبنان رغم كل مشاكله ورغم الحرب ورغم كل شيء بلد غني جدا بالثقافه

بالطعام بالطبيعه بالناس الرائعه في كل شيء حلو في كل شيء حلو

اكيد اكيد لبنان احلى بلد بالعالم مش لهالدرجه

مش لهالدرجه بس انه [ضحك] مش لهالدرجه

حتى انا بقولها اكيد اكيد اي بلد حلو

عن جد انا مبسطت كثير ايه والله بلد كثير حلو طبيعه رائعه جبل

غابات انهار بحار كله كل شيء في هون حيوانات اللي بدكم اياه اي

عن جد انا كثير انبسطت اليوم بالحديث معك مثل العاده اكيد رح نعمل ان شاء الله

فيديوهات ثانيه بالمستقبل اي لانه حسيت الناس كثير حبت هيدا النوع

من الفيديوهات ناس بتحب التواصل يعني بشكل عام

وقبل ما نروح بدي اذكر يعني واقول اذا حدا بحب يدعمه لحسن او يشترك عنده بالموقع

تبعه ليقدر يحضر كل الفيديوهات الموجوده عنده على الصفحه ما تنسوا تستعملوا اللينك

تبعي يلي رح احطه تحت الفيديو لانه بيعطيكم حسم 20%على الاشتراك السنوي اوكي

وان شاء الله يا رب يجي لعندك ناس اكثر ومشتركين اكثر و بتحب تقول شيء اخير قبل ما

نسكر ؟شكرا كثير مهى شكرا للاستضافه الحلوه

اللطيفه ا كالعاده انا مبسوط جدا بالحكي معك واكيد يعني اي حدا بحب يستمع

لمحتوى مفهوم باللغه العربيه بدعوكم لزياره arabicallthetime.com

استخدموا رابط مهى بيعطيكم مثل ما قالت مهى خصم 20%على الاشتراك السنوي ا

وتكونوا عم تدعمونا فشكرا لكم شكرا لكل من تابعنا اليوم وبتمنى ا نحكي اكثر

بالمستقبل بحلقات جديده اكيد اكيد ان شاء الله بشوفك قريبا

وانا كمان بدي اقول ميرسي لكل يلي عم يدعموني على باتريون اذا بتحبوا تاخذوا النص

تبع هيدا الفيديو وكل الفيديوهات الثانيه فيكم تروحوا على باتريون وتشتركوا ان شاء الله

منشوفكم بفيديو قريب مع السلامه باي