الضيافة في بلاد الشام

كريمة: اهلا وسهلا هبة، شرفتينا، وين كنت؟ من زمان ما شفتك.

هبة: اهلا فيك يا كريمة، سافرت عابلادي الكويت وزرت اهلي هناك. بس انا شو مشتهية الاكل الشامي.

كريمة: انا اليوم عاملة اكلات كثيرة وطيبة، وانت اليوم معزومة توكلي معنا.

هبة: انا المزبوط بحب الاكل الشامي ، شو طبخت اليوم؟

كريمة: حضرت مازة، تبولة لبنانية وحمص، وطبخت كبة شامية وكباب وورق عنب. تفضلي اقعدي

هبة: ما شالله شو طبيخك صحي وطيب، سلم ايدكي ، انت عملتي كل هذا الأكل؟

كريمة: ايوة، انا عملته وبنتي الصغيرة مريم ساعدتني، هي مثلي هوايتها الطبخ

هبة: شو اكلك زاكي يا كريمة

كريمة: تفضلي كلي يا هبة، انت ما اكلتي اي اشي

هبة: ممنونة كثير، انا اكلت كثير، وهسا انا شبعانة

كريمة، العفو، وهلا لازم نشرب فنجان قهوة عربية على كيفك

هبة: القهوة طيبة، شكرا كثير

كريمة: هاي عاداتنا انو نشرب قهوة عربية بعد وجبة كبيرة

هبة: ليش ما بعزموا الناس ضيوفهم عالمطاعم؟ وهيك اريح لست البيت.

كريمة: هاذي عاداتنا، بنحب نعزم ضيوفنا عابيوتنا، ونطبخ الأكل ونقدم انواع كثيرة. الشاميين مشهورين بالكرم والضيافة.

هبة: المزبوط انو الأكل كان طيب وزاكي كثير، سلم ايديك يا كريمة

كريمة: البيت بيتك واهلا وسهلا فيك بأي وقت