Lectio 11: Psalmus XIII (Pianum)

XIII. 1 Magistro chori. Davidis. Dicit insipiens in corde suo: Non est Deus. Corrupti sunt, abominanda egerunt; Non est, qui faciat bonum. 2 Dominus de caelo prospicit super filios hominum, Ut videat num sit, qui intellegat et quaerat Deum. 3 Omnes simul aberraverunt, depravati sunt: Non est qui faciat bonum, non est nec unus. 4 Nonne resipiscent omnes qui faciunt iniquitatem, Qui devorant populum meum, sicut comedunt panem? Dominum non invocaverunt: 5 Tum trepidabunt timore, Quoniam Deus cum generatione iusta est. 6 Consilium miseri vultis confundere: Sed Dominus est refugium eius. 7 Utinam veniat ex Sion salus Israel! Cum verterit Dominus sortem populi sui, Exsultabit Iacob, laetabitur Israel.