Ĉapitro 1.2 – La unua renkonto

Ina: Kabe estas interesa nomo…

Kabe: Ĉu? En kiu maniero?

Ina: Ĝi rilatas al Esperanto.

Kabe: Kio? Mi ne aŭdis bone. La muziko estas tro laŭta.

Ina: Mi diris, ke via nomo rilatas al Esperanto.

Kabe: Ĉu vere? Tio estas novaĵo por mi.

Ina: Ĉu vi aŭdis pri Esperanto?

Kabe: Jes, sed mi ne sciis, ke mia nomo rilatas al ĝi… Fakte, kia estas la rilato?

Ina: Ho, tio estas longa rakonto. Mi rakontos al vi poste se vi volas. En ĉi tiu loko estas tro da bruo.

Kabe: Jes, vi pravas. Ĉu ni dancu?

Ina: Bona ideo!