037 Inconstantia rerum

En! in illo colle ante tria fere saecula arx amplissima et firmissima fuit. Domini arcis viri fortissimi et nobilissimi fuerunt. Nunc illius arcis muri tantum exstant.

Et in hac planitie, in qua nunc arva laeta, agros fecundos, prata viridia videmus, antiquis temporibus urbs celeberrima fuit. Multa sunt exempla inconstantiae rerum humanarum. Romani antiqui diu domini fuerunt orbis terrarum. Sed nimia potentia iis perniciosa fuit.

Imprimis avaritia et luxuria causae interitus imperii Romani fuerunt. Ceterum tu quoque, quam infirmus et caducus es! Tu hodie non es, qui heri fuisti, nec cras eris , qui hodie es.