Ĉapitro 3.4 – Kelkaj demandoj
Kabe: Mia alia demando temas pri mia nomo… Vi diris antaŭe, ke ĝi havas rilaton al Esperanto.
Ina: Ha, jes, pri Kabe.
Iam vivis viro kun la nomo Kabe. Li estis tre aktiva en la Esperanto-movado kiam ĝi estis tute nova kaj tradukis multajn librojn en Esperanton.
Kabe: Kaj tio faris lin fama?
Ina: Ne.
Certe li estis unu el la plej gravaj por Esperanto tiam, kaj li multe influis la stilon de la lingvo. Tamen li subite forlasis la movadon kaj Esperanton. Mi imagas, ke estis granda ŝoko por multaj…
Kabe: Kial li forlasis Esperanton?
Ina: Mi kredas, ke li estis malkontenta pri la esperantistoj… Li diris ion similan al “Esperanton devas lerni la esperantistoj mem!”.
Kabe: Kion li volis diri per tio?
