59 - القراية على كندل ضد القراية في الكتب
فاطمة اتعودت تقرا في الكتب بس.
معظم حياتها مكانش فيه أصلا فكرة الكتب الالكترونية.
كل مواد القراية كانت بتطبع عالورق.
ومع ذلك، دلوقتي فيه طرق تانية للقراية.
في اخر كام سنة ناس كتير بدأت تقرا الكتب على الأجهزة المحمولة.
الناس ممكن تقرا عالفون, أو عالتابلت, أو أجهزة مخصصة للقراية زي كندل لو حابين.
فاطمة بتفضل سهولة القراية على الأجهزة المحمولة، لأنها دايما معاها حاجة القراية بتاعتها.
الكتب الالكترونية عملية جدا بالنسبالها خاصة وهي مسافرة, عشان شيل الكتب في الشنط مش هيكون مناسب.
هي كمان ممكن تطلب أي كتاب هي عايزاه في لحظة, من عالنت.
جوزها طارق، بالرغم من كده، بيفضل يمسك الكتاب في ايده.
هو ببساطة شايف ان القراية كده مريحة أكتر.
طارق بيحب يقضي وقت في محلات الكتب والمكتبات عشان بس يشوف ايه الكتب الموجودة.
طارق بيميل انه يشتري الكتب, بس فاطمة بتاخد أسامي الكتب الشيقة, عشان تعرف تطلبهم من عالنت وتقراهم على جهازها المحمول.
ودي نفس القصة بتحكيها فاطمة:
انا اتعودت اقرا في الكتب بس لمدة سنين كتير.
معظم حياتي مكانش فيه أصلا فكرة الكتب الالكترونية.
كل مواد القراية كانت بتطبع عالورق.
ومع ذلك، في اخر كام سنة, اكتشفت طرق تانية للقراية.
لاحظت ان فيه ناس كتير بدأت تقرا على الأجهزة المحمولة.
انا شوفت ناس بتقرا عالفون, أو عالتابلت, أو أجهزة مخصصة للقراية زي كندل.
لازم أقول اني بفضل سهولة القراية على الأجهزة المحمولة، لأن انا دايما معايا حاجة القراية بتاعتي.
الكتب الالكترونية عملية جدا بالنسبالي خاصة وانا مسافرة, عشان شيل الكتب في الشنط مش هيكون مناسب.
انا كمان ممكن اطلب أي كتاب انا عايزاه في لحظة, من عالنت.
جوزي طارق، بالرغم من كده، بيفضل يمسك الكتاب في ايده.
هو بيقول انه شايف ان القراية كده مريحة أكتر.
هو دقة قديمة شوية من وجهة نظري.
طارق بيقضي وقت كتير أوي في محلات الكتب والمكتبات عشان بس يشوف ايه الكتب الموجودة.
طارق ممكن يشتري كتاب بعد ما يدور شوية في المحل.
بس انا بفضل اخد أسامي الكتب الشيقة.
عشان اعرف اطلبهم من عالنت واقراهم على جهازي المحمول.
كده أحسن كتير.
ودي شوية أسئلة عن القصة:
واحد: معظم حياتها مكانش فيه أصلا فكرة الكتب الالكترونية.
ايه الفكرة اللي مكانتش موجودة معظم حياتها؟
فكرة الكتب الالكترونية مكانتش موجودة معظم حياتها.
اتنين: في اخر كام سنة ناس كتير بدأت تقرا الكتب على أجهزة المحمول.
امتى بدأت الناس تقرا الكتب على أجهزة المحمول؟
في اخر كام سنة ناس كتير بدأت تقرا الكتب على أجهزة المحمول.
تلاتة: الكتب الالكترونية عملية جدا بالنسبالها خاصة وهي مسافرة.
امتى الكتب الالكترونية بتبقى عملية جدا بالنسبة لفاطمة؟
الكتب الالكترونية عملية جدا بالنسبالها خاصة وهي مسافرة.
أربعة: هي كمان ممكن تطلب أي كتاب هي عايزاه في لحظة, من عالنت.
هي ممكن تطلب ايه في لحظة؟
فاطمة ممكن تطلب أي كتاب هي عايزاه في لحظة.
خمسة: جوزي طارق، بالرغم من كده، بيفضل يمسك الكتاب في ايده.
هو جوزها طارق بيفضل الكتب الالكترونية ولا العادية؟
هو بيفضل الكتب العادية الورق.
ستة: طارق بيقضي وقت كتير أوي في محلات الكتب والمكتبات عشان بس يشوف ايه الكتب الموجودة
طارق بيقضي وقت قد ايه في محلات الكتب والمكتبات؟
طارق بيقضي وقت كتير أوي في محلات الكتب والمكتبات.
سبعة: طارق ممكن يشتري كتاب بعد ما يدور شوية في المحل.
طارق ممكن يشتري كتاب امتى؟
طارق ممكن يشتري كتاب بعد ما يدور شوية في المحل.
تمانية: بس انا بفضل اخد أسامي الكتب الشيقة.
انا بفضل أعمل ايه في محلات الكتب والمكتبات؟
انا بفضل اخد أسامي الكتب الشيقة.
