الفصل التاسع وعشرين - الدرس التاني - حوار ١
المذيع: أهلا بكم مشاهدينا وحلقة جديدة من برنامجكم نبض الشارع موضوعنا النهارده عن تمكين المرأة هناخدكم في حلقة مختلفة عن نماذج للنجاح ولكن من منظور تاني منظور أنثوي. نماذج أثبتت للعالم كله تفوّقها وأثبتت إن السيدات بمية راجل كل ذلك معنا اليوم في نبض الشارع.
- علشان المرأة تقدر تاخد حقها من المجتمع لازم المجتمع كمان يسمحلها إنها تاخد حقها.
- النهارده المرأة في كل المجالات.
- احنا واخدين حقنا تالت ومتلت.
- المشروع اللي أنا باشتغل فيه تمكين المرأة ده، بالنسبالي الدنيا كلها.
- لو الواحد مؤمن باللي بيعمله مش مهم... أي حاجة تانية.
المذيع: دايما مشاهدينا بنوصف المرأة المسرية بانها جدعة، ومن نوع خاص وبتقدر تجمع بين الأنوثة وبين تحمل المسؤولية. نساء أم الدنيا مصر بيختلفوا عن كل نساء العالم، ودايما بيبقوا في الصف الأول بصبرها وقوة تحملها، ولا يوجد مانع من مشاركة الرجل في كل مجالات الحياة. نماذج مختلفة عن المرأة المصرية، وتجاحها في المجتمع كل ذلك معنا اليوم في نبض الشارع.